Connect with us

Crime

ತಾಯಿಯೇ 8 ದಿನದ ಹಸುಗೂಸನ್ನ ಟವಲ್‍ನಿಂದ ಸುತ್ತಿ ಕೊಂದ್ಳು! ಕಾರಣ ಕೇಳಿದ್ರೆ ಶಾಕ್ ಆಗ್ತೀರಾ!

Published

on

ತಿರುವಂತನಪುರಂ: ತಾಯಿಯೇ ದೇವರು ಎಂಬ ಮಾತಿದೆ. ಅಂತಹ ತಾಯಿಯೇ ತನ್ನ ಹಸುಗೂಸನ್ನು ಟವಲ್‍ನಿಂದ ಕತ್ತನ್ನು ಸುತ್ತಿ ಕೊಲೆ ಮಾಡಿರುವ ಘಟನೆ ಕೇರಳದ ಕಟ್ಟಪಣ ಸಮೀಪದ ಮುರಿಕ್ಕಟ್ಟುಕುಡಿ ಗ್ರಾಮದಲ್ಲಿ ನಡೆದಿದೆ.

ಮುರಿಕ್ಕಟ್ಟುಕುಡಿಯ ಕಂಡತಿಂಕರ ಬಿನು ಎಂಬಾತನ ಪತ್ನಿ ಸಂಧ್ಯಾ (28) ಈ ಕೃತ್ಯವನ್ನು ಮಾಡಿದ್ದಾಳೆ. ಸದ್ಯಕ್ಕೆ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದು, ಆರೋಪಿ ಮಗುವಿನ ಕುತ್ತಿಗೆಯನ್ನು ಟವಲ್‍ನಿಂದ ಸುತ್ತಿ ಕೊಲೆ ಮಾಡಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕೊಲೆಗೆ ಕಾರಣವೇನು?: ಮಗು ನನ್ನ ಬಣ್ಣ ಹಾಗೂ ಗಂಡನ ಮುಖ ಲಕ್ಷಣವನ್ನು ಹೊಂದಿಲ್ಲವೆಂದು ನಾನೇ ಕೊಂದಿದ್ದೇನೆ ಎಂದು ಆರೋಪಿ ಸಂಧ್ಯಾ ಒಪ್ಪಿಕೊಂಡಿದ್ದಾಳೆ. ಮಗುವನ್ನ ಮನೆಯ ಒಳಗಡೆ ಕೊಂದು, ನಂತರ ಪತಿಗೆ ಮಗು ಚಲನವಲನ ಮಾಡುತ್ತಿಲ್ಲ ಎಂದು ತಿಳಿಸಿದ್ದಾಳೆ.

ಈ ವೇಳೆ ಆತಂಕಗೊಂಡ ಪತಿ ಕೂಡಲೆ ಮನೆಗೆ ಬಂದು ಮಗುವನ್ನು ಸಮೀಪದ ಆಸ್ಪತ್ರೆಗೆ ಕರೆದೊಯ್ಯುದಿದ್ದಾರೆ. ವೈದ್ಯರು ಮಗುವನ್ನು ಪರೀಕ್ಷಿಸುವ ವೇಳೆ ಮಗುವಿನ ಕುತ್ತಿಗೆ ಮೇಲಿನ ಗುರುತುಗಳು ಕಂಡು ಬಂದಿದೆ. ವೈದ್ಯರು ಅನುಮಾನಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ನಂತರ ಈ ಪ್ರಕರಣ ಬೆಳಕಿಗೆ ಬಂದಿದೆ.

ಈ ದಂಪತಿಗೆ ಮದುವೆಯಾಗಿ 10 ವರ್ಷಗಳಾಗಿದ್ದು, ಇವರಿಗೆ 9 ವರ್ಷದ ಮಗುವೂ ಕೂಡ ಇದೆ. ಪೊಲೀಸರು ಸಂಧ್ಯಾಳ ವಿರುದ್ಧ ಕೊಲೆ ಪ್ರಕರಣವನ್ನು ದಾಖಲಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.

 

Click to comment

Leave a Reply

Your email address will not be published. Required fields are marked *