ತಿರುವನಂತಪುರಂ: ಪರಿಸ್ಥಿತಿ ಎದುರಿಸಿ, ಜೀವನಕ್ಕೆ ಆಧಾರ ಕಂಡಕೊಳ್ಳಲು ಅನೇಕರು ಸಾಹಸ ಪಡುತ್ತಾರೆ. ಹಾಗೆ ಕೇರಳದ ವ್ಯಕ್ತಿಯೊಬ್ಬರು ಪ್ರವಾಹದ ನೀರನ್ನು ಲೆಕ್ಕಿಸದೇ, ಅದರ ಉಪಯೋಗ ಪಡೆದು ಚಹಾ ವ್ಯಾಪಾರ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕೇರಳದ ಕುನ್ನಂಕ್ಕಳದ ವೆಟ್ಟಿಕ್ಕಡವ್ ನಿವಾಸಿ ಕರೀಂ ಚಹಾ ವ್ಯಾಪಾರ ಮಾಡುತ್ತಿದ್ದಾರೆ. ಮಹಾಮಳೆಗೆ ನದಿಗಳ ಪ್ರವಾಹ ಹೆಚ್ಚಾಗಿ, ತೀರದ ಪ್ರದೇಶಗಳಿಗೆ ನುಗ್ಗಿವೆ. ಕರೀಂ ಅವರ ಚಹಾದ ಅಂಗಡಿಗೂ ನೀರು ನುಗ್ಗಿದ್ದರಿಂದ ವ್ಯಾಪಾರಕ್ಕೆ ಅಸ್ತವ್ಯಸ್ತವಾಗಿತ್ತು.
Advertisement
ಅಂಗಡಿಯಲ್ಲಿ ಮೊಣಕಾಲ ಎತ್ತರದವರೆಗೂ ನೀರು ನಿಂತಿತ್ತು. ಇದನ್ನು ತನ್ನ ಸಹಾಯಕನಂತೆ ಮಾಡಿಕೊಂಡು, ಸಿದ್ಧವಾದ ಚಹಾವನ್ನು ಪ್ಲಾಸ್ಟಿಕ್ ಟ್ರೇನಲ್ಲಿ ಇಟ್ಟು, ನೀರಿನಲ್ಲಿ ತೇಲಿ ಬಿಡುತ್ತಾರೆ ಕರೀಂ. ಟ್ರೇ ತಮ್ಮ ಬಳಿ ಬರುತ್ತಿದ್ದಂತೆ ಗ್ರಾಹಕರು ಲೋಟ ತೆಗೆದುಕೊಂಡು ಕುಡಿಯುತ್ತಾರೆ. ಜೊತೆಗೆ ಗ್ರಾಹಕರಿಗೆ ಎತ್ತರ ಕುಳಿತು ಕೊಳ್ಳಲು ಕರೀಂ ವ್ಯವಸ್ಥೆ ಮಾಡಿದ್ದಾನೆ.
Advertisement
ಕರೀಂ ಅವರ ಛಲ ಹಾಗೂ ಅನಿವಾರ್ಯತೆಯನ್ನು ವ್ಯಕ್ತಿಯೊಬ್ಬರು ವಿಡಿಯೋ ಮಾಡಿ, ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಸದ್ಯ ಕರೀಂ ಅವರ ಚಹಾದಂಗಡಿ ವೈರಲ್ ಆಗಿದ್ದು, ಭಾರೀ ಚರ್ಚೆ ಹಾಗೂ ಮೆಚ್ಚುಗೆ ಗಿಟ್ಟಿಸಿಕೊಂಡಿದೆ.
Advertisement
https://www.facebook.com/anilthekkepat/videos/pcb.10217127969735657/10217127969255645/?type=3&theater
Advertisement
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
