ಬೆಂಗಳೂರು: ಕಾಮಿಡಿಯ ಮೂಲಕ ಪ್ರೇಕ್ಷಕರನ್ನು ನಗಿಸುತ್ತಿದ್ದ ನಟ ಕೋಮಲ್ ಕುಮಾರ್ ಅವರು ಸುದೀರ್ಘ ನಾಲ್ಕು ವರ್ಷಗಳ ನಂತರ ತೆರೆ ಮೇಲೆ ಬಂದಿದ್ದಾರೆ.
ನಟ ಕೋಮಲ್ ಅಭಿನಯದ ‘ಕೆಂಪೇಗೌಡ-2′ ಸಿನಿಮಾದ ಟ್ರೇಲರ್ ಇಂದು ಬಿಡುಗಡೆಯಾಗಿದ್ದು, ಕಾಮಿಡಿ ಬಿಟ್ಟು ಆ್ಯಕ್ಷನ್ ಅವತಾರ ತಾಳಿ ಅಭಿಮಾನಿಗಳ ಮುಂದು ಅಬ್ಬರಿಸಿದ್ದಾರೆ. ಕಳೆದ ದಿನವೇ ಕೋಮಲ್ ಸಹೋದರ ನಟ ಜಗ್ಗೇಶ್ ಅವರು ಟ್ರೇಲರ್ ಬಿಡುಗಡೆಗೆ ಶುಭಕೋರಿದ್ದರು. “ಕೆಂಪೇಗೌಡ-2’ ಸಿನಿಮಾದಲ್ಲಿ ಅವನ ಎರಡು ವರ್ಷದ ಶ್ರಮವಿದೆ. ಆಶೀರ್ವದಿಸಿ” ಎಂದು ಇಂದು ಕೂಡ ಜಗ್ಗೇಶ್ ಟ್ವೀಟ್ ಮಾಡಿದ್ದಾರೆ.
ನಟ ಕೋಮಲ್ ಅವರು ಈ ಸಿನಿಮಾದಲ್ಲಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದು, ಚಿತ್ರದಲ್ಲಿ ಖಡಕ್ ಲುಕ್, ಫೈಟ್‍ಗಳನ್ನು ಕಾಣಬಹುದಾಗಿದೆ. ಒಂದು ಕೊಲೆ ರಹಸ್ಯ, ಅದರ ಹಿಂದೆ ಇರುವ ರಾಜಕಾಣಿಗಳು ಮತ್ತು ದೊಡ್ಡ-ದೊಡ್ಡ ಅಧಿಕಾರಿಗಳ ಬಣ್ಣ ಬಯಲು ಮಾಡಲು ಹೋರಾಡುವ ಪೊಲೀಸ್ ಅಧಿಕಾರಿಯಾಗಿ ಕೋಮಲ್ ಮಿಂಚಿದ್ದಾರೆ. ಸಿನಿಮಾ ಸಸ್ಪೆನ್ಸ್ ಮತ್ತು ಥ್ರಿಲ್ಲರ್ ನಿಂದ ಕೂಡಿದ್ದು, ಆ್ಯಕ್ಷನ್ ಜೊತೆ ಪ್ರೀತಿ-ಪ್ರೇಮವೂ ಇದೆ.
ಈ ಸಿನಿಮಾವನ್ನು ಶಂಕರೇಗೌಡ ನಿರ್ದೇಶನ ಮಾಡಿದ್ದು, ಕೋಮಲ್ ಅವರಿಗೆ ಕನ್ನಡದಲ್ಲಿ ಮೊದಲ ಬಾರಿಗೆ ರಿಶಿಕಾ ಶರ್ಮ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ ಅಂದರೆ 2012ರಲ್ಲಿ ನಟ ಕಿಚ್ಚ ಸುದೀಪ್ ಮತ್ತು ರಾಗಿಣಿ ದ್ವಿವೇದಿ ಅಭಿನಯದ ಕೆಂಪೇಗೌಡ ಸಿನಿಮಾ ರಿಲೀಸ್ ಆಗಿತ್ತು. ಈಗ ನಟ ಕೋಮಲ್ ‘ಕೆಂಪೇಗೌಡ-2’ ಸಿನಿಮಾದ ಮೂಲಕ ತೆರೆಮೇಲೆ ಮರಳಿದ್ದಾರೆ.
https://www.youtube.com/watch?v=sPkMNv-lI6s
