ಕೌನ್ ಬನೇಗಾ ಕರೋರ್ಪತಿ ಸೀಸನ್ ಮುಗೀತಾ ಅಥವಾ ಅಮಿತಾಭ್ ಬಚ್ಚನ್ (Amitabh Bachchan) ಅವರೇ ಅಲ್ಲಿಂದ ನಿರ್ಗಮಿಸಿದ್ದಾರಾ ಗೊತ್ತಿಲ್ಲ. ಒಟ್ಟಿನಲ್ಲಿ ಅಮಿತಾಭ್ ಬಚ್ಚನ್ ಮಾಡಿದ ವಿದಾಯದ ಭಾಷಣ ಮಾತ್ರ ಸಾಕಷ್ಟು ಪ್ರಶ್ನೆಯನ್ನು ಹುಟ್ಟು ಹಾಕಿದೆ. ಬಿಬಿಎಸ್ ನ ಹಲವಾರು ಸೀಸನ್ ಗಳನ್ನು ಅಮಿತಾಭ್ ಮಾಡಿದ್ದಾರೆ. ಯಾವತ್ತೂ ಅವರು ಈ ರೀತಿಯ ವಿದಾಯ ಭಾಷಣ ಮಾಡಿಲ್ಲ. ಇದೇ ಮೊದಲ ಬಾರಿಗೆ ಮಾಡಿದ್ದರಿಂದ ಅಮಿತಾಭ್ ಇನ್ಮುಂದೆ ಕೌನ್ ಬನೇಗಾ ಕರೋರ್ ಪತಿ ಮಾಡುವುದಿಲ್ಲ ಎಂದೇ ಹೇಳಲಾಗುತ್ತಿದೆ.
ಕೆಲವರು ಅವರು ಇನ್ಮುಂದೆ ನಿರೂಪಣೆ ಮಾಡುವುದಿಲ್ಲ ಎಂದು ಹೇಳಿದರೆ, ಇನ್ನೂ ಹಲವರು ಈ ಸೀಸನ್ ಮುಗಿದಿದೆ. ಕೊನೆಯ ಸಂಚಿಕೆಯ ಶೂಟಿಂಗ್ ಮುಗಿಸಿ, ವಿದಾಯದ ಮಾತುಗಳನ್ನು ಅಮಿತಾಭ್ ಆಡಿದ್ದಾರೆ ಎಂದೂ ಹೇಳಲಾಗುತ್ತಿದೆ. ಆದರೆ, ಈ ಕುರಿತಂತೆ ಯಾವುದೂ ಈವರೆಗೂ ಸ್ಪಷ್ಟತೆ ಕೊಟ್ಟಿಲ್ಲ.
ನಿನ್ನೆ ನಡೆದ ಫೈನಲ್ ಎಪಿಸೋಡ್ ಹಲವಾರು ಸೆಲೆಬ್ರಿಟಿಗಳು ಭಾಗಿಯಾಗಿದ್ದರು. ವಿದ್ಯಾ ಬಾಲನ್, ಸಾರಾ ಅಲಿಖಾನ್, ಶರ್ಮಿಳಾ ಟ್ಯಾಗೋರ್ ಸೇರಿದಂತೆ ಅನೇಕರು ಸೀಸನ್ ನ ಕೊನೆಯ ಸಂಚಿಕೆಯಲ್ಲಿ ಭಾಗಿಯಾಗಿ ಕಾರ್ಯಕ್ರಮದ ಮೆರಗು ಹೆಚ್ಚಿಸಿದ್ದಾರೆ. ಆದರೆ, ಅಮಿತಾಭ್ ಆಡಿದ ಮಾತು ಮಾತ್ರ, ಈವರೆಗೂ ಸ್ಪಷ್ಟತೆ ನೀಡಿಲ್ಲ.
