ನವದೆಹಲಿ: ಬಾಲಿವುಡ್‌ ತಾರೆಗಳಾದ ಕತ್ರಿನಾ ಕೈಫ್‌ ಮತ್ತು ವಿಕ್ಕಿ ಕೌಶಲ್‌ ಜೋಡಿ ವಿವಾಹ ಸಮಾರಂಭ ರಾಜಸ್ಥಾನ್‌ನಲ್ಲಿ ಇದೇ ವಾರ ನಡೆಯಲಿದೆ. ಈ ಮದುವೆ ಸಮಾರಂಭಕ್ಕೆ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಅವರ ವೈಯಕ್ತಿಕ ಬಾಡಿಗಾರ್ಡ್‌ ಭದ್ರತೆ ಒದಗಿಸಲಿದ್ದಾರೆ ಎನ್ನಲಾಗಿದೆ.
ರಾಜಸ್ಥಾನ್‌ನ ಸಾವಿ ಮಾಧೋಪುರ್‌ನಲ್ಲಿರುವ ಸಿಕ್ಸ್‌ ಸೆನ್ಸಸ್‌ ಪೋರ್ಟ್‌ ಕತ್ರಿನಾ ಹಾಗೂ ವಿಕ್ಕಿ ಮದುವೆ ನಡೆಯಲಿದೆ. ಇದೇ ಡಿ.9ರಂದು ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಡಲಿದೆ. ಇಲ್ಲಿನ ಸಂಪೂರ್ಣ ಭದ್ರತೆ ನೇತೃತ್ವವನ್ನು ಸನ್ಮಾನ್‌ ಖಾನ್‌ ಅವರ ಅಂಗರಕ್ಷಕ ವಹಿಸಿಕೊಳ್ಳಲಿದ್ದಾರೆ ಎಂದು ಪಿಂಕ್‌ವಿಲ್ಲಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಇದನ್ನೂ ಓದಿ: ಓಟಿಟಿಯಿಂದ ವಿಕ್ಕಿ-ಕತ್ರಿನಾ ವೆಡ್ಡಿಂಗ್ ಕ್ಲಿಪ್ಸ್ 100 ಕೋಟಿ ರೂ. ಆಫರ್
ಸಲ್ಮಾನ್‌ ಖಾನ್‌ ಅವರ ಬಾಡಿಗಾರ್ಡ್‌ ಗುರ್ಮಿತ್‌ ಸಿಂಗ್‌ ಅವರು ʼಟೈಗರ್‌ ಸೆಕ್ಯುರಿಟಿʼ ಎಂಬ ಹೆಸರಿನಲ್ಲಿ ತಮ್ಮದೇ ಆದ ಭದ್ರತಾ ಕಂಪೆನಿಯನ್ನು ನಡೆಸುತ್ತಿದ್ದಾರೆ. ಇವರ ಜೊತೆಗೆ ಭದ್ರತೆಗಾಗಿ ಸ್ಥಳೀಯ ಆಡಳಿತವು ಪೊಲೀಸ್‌ ವ್ಯವಸ್ಥೆ ಕಲ್ಪಿಸಿದೆ.
ಕತ್ರಿನಾ ಕೈಫ್‌ ಅವರು ಸಲ್ಮಾನ್‌ ಖಾನ್‌ ಮತ್ತು ಅವರ ಕುಟುಂಬ ಆತ್ಮೀಯರಾಗಿದ್ದಾರೆ. ಇದರ ನಡೆವೆಯೂ ಕತ್ರಿನಾ ತಮ್ಮ ವಿವಾಹಕ್ಕೆ ನಮಗೆ ಯಾವುದೇ ಆಹ್ವಾನ ನೀಡಿಲ್ಲ ಎಂದು ಸಲ್ಮಾನ್‌ ಸಹೋದರಿ ಅರ್ಪಿತಾ ಖಾನ್‌ ಶರ್ಮಾ ಹೇಳಿದ್ದರು. ಇದನ್ನೂ ಓದಿ: ಸಿಎಂ ನಿಮಗೆ ನಾವು ಸದಾ ಆಭಾರಿ: ಅಶ್ವಿನಿ ಪುನೀತ್ ರಾಜ್‍ಕುಮಾರ್
ತಮ್ಮ ಮದುವೆ ಪ್ರಚಾರವಾಗದಂತೆ ಸೂಕ್ತ ಭದ್ರತೆಯೊಂದಿಗೆ ನಡೆಯಬೇಕು ಎಂದು ಕತ್ರಿನಾ ಮತ್ತು ವಿಕ್ಕಿ ನಿರ್ಧರಿಸಿದ್ದಾರೆ. ಅದಕ್ಕಾಗಿ ಸೂಕ್ತ ಭದ್ರತೆ ವ್ಯವಸ್ಥೆ ಕೂಡ ಮಾಡಿಕೊಂಡಿದ್ದಾರೆ.
