ಬೆಂಗಳೂರು: ಸರ್ಕಾರಕ್ಕೆ ಗ್ಯಾರಂಟಿ (Congress Guarantee) ಹೊಡೆತದ ಶಾಕ್ ನಡುವೆಯೇ ತೆರಿಗೆ ಸಂಗ್ರಹ (Karnataka Tax collection) ಶಾಕ್ ಕೂಡಾ ಬಿದ್ದಿದೆ. ಈ ವರ್ಷದ ಮೊದಲ 4 ತಿಂಗಳ ತೆರಿಗೆ ಸಂಗ್ರಹದಲ್ಲಿ ಸುಮಾರು 6 ಸಾವಿರ ಕೋಟಿ ತೆರಿಗೆ ಸಂಗ್ರಹ ಖೋತಾ ಆಗಿದೆ. ತೆರಿಗೆ ಸಂಗ್ರಹ ಮಾಡಲು ಇಲಾಖೆಗಳು ಹರಸಾಹಸ ಪಡುತ್ತಿವೆ. ತೆರಿಗೆ ಸಂಗ್ರಹ ಕಡಿಮೆ ಆಗಿದ್ದು,ಆರ್ಥಿಕ ಇಲಾಖೆಗೆ ತಲೆನೋವು ತರಿಸಿದೆ.
ಗ್ಯಾರಂಟಿಗಳಿಗೆ ದುಡ್ಡು ಹೊಂದಿಸಲು ಪರದಾಡುತ್ತಿರೋ ಸರ್ಕಾರಕ್ಕೆ, ಏಪ್ರಿಲ್, ಮೇ, ಜೂನ್, ಜುಲೈ ತಿಂಗಳಲ್ಲಿ ಸುಮಾರು 6 ಸಾವಿರ ಕೋಟಿ ರೂ. ತೆರಿಗೆ ಸಂಗ್ರಹದಲ್ಲಿ ಇಲಾಖೆಗೆಳು ಹಿಂದೆ ಬಿದ್ದಿರೋದು, ಗಾಯದ ಮೇಲೆ ಬರೆ ಎಳೆದಂತೆ ಮಾಡಿದೆ.
ತೆರಿಗೆ ಸಂಗ್ರಹದ ವಿವರ ನೋಡೊದಾದ್ರೆ ವಾಣಿಜ್ಯ ತೆರಿಗೆಯಲ್ಲಿ ವಾರ್ಷಿಕ ಗುರಿ- 1,10,000 ಕೋಟಿ ರೂ. ಇದ್ದರೆ 4 ತಿಂಗಳಲ್ಲಿ ಸಂಗ್ರಹ- 32834 ಕೋಟಿ ರೂ. ಆಗಿದೆ. ಅಬಕಾರಿಯಲ್ಲಿ ವಾರ್ಷಿಕ (Tax target) ಗುರಿ 38525 ಕೋಟಿ ರೂ. ಇದ್ದರೆ ಸಂಗ್ರಹವಾಗಿರೋದು 11932 ಕೋಟಿ ರೂ. ಆಗಿದೆ. ಇನ್ನೂ ಮುದ್ರಾಂಕ-ನೋಂದಣಿಯಲ್ಲಿ ವಾರ್ಷಿಕ ಗುರಿ 26000 ಕೋಟಿ ರೂ. ಇದ್ದರೆ ಸಂಗ್ರಹವಾಗಿರೋದು 7665 ಕೋಟಿ ರೂ. ಆಗಿದೆ.
4 ತಿಂಗಳ ಗುರಿ ಎಷ್ಟು ಅಂತ ನೋಡೋದಾದ್ರೆ ಏಪ್ರಿಲ್, ಮೇ, ಜೂನ್, ಜುಲೈ ನಲ್ಲಿ ಸಂಗ್ರಹದ ಗುರಿ 58175 ಕೋಟಿ ರೂ. ಇತ್ತು. ಆದರೆ ಈಗ ಸಂಗ್ರಹವಾಗಿದ್ದು- 52431 ಕೋಟಿ ರೂ. ಆಗಿದೆ. ತೆರಿಗೆ ಸಂಗ್ರಹ ಕೊರತೆ ಸುಮಾರು 5744 ಕೋಟಿ ರೂ. ಆಗಿದೆ.
