ಬೆಂಗಳೂರು: ನಗರದಲ್ಲಿ ಚುನಾವಣಾ (Election) ಅಖಾಡವಂತೂ ಕುಕ್ಕರ್, ತಟ್ಟೆ, ಲೋಟ ಗಿಫ್ಟ್‌ಗಳಿಂದ ಸಖತ್ ಸದ್ದು ಮಾಡ್ತಿದೆ. ಹೊಸ ವಿಷಯ ಏನಪ್ಪ ಅಂದ್ರೆ, ಈ ಗಿಫ್ಟ್ಗಳನ್ನ ಸರಿಯಾಗಿ ತಲುಪಿಸೋಕೆ ಸಖತ್ ಟೆಕ್ನಾಲಜಿ ಉಪಯೋಗಿಸ್ತಾ ಇದ್ದಾರೆ. ಮತದಾರರು ಓಟಿಪಿ (OTP) ಕೊಟ್ರೆ ಸ್ಪಾಟ್ ಗಿಫ್ಟ್ ಸಿಕ್ತಿದೆ. ಬೆಂಗಳೂರಿನ ಪ್ರಭಾವಿ ಸಚಿವರ ಕ್ಷೇತ್ರದಲ್ಲಿ ಈ ಕೆಲಸ ನಡೆಯುತ್ತಿದೆ.
ಚುನಾವಣಾ ಅಖಾಡದಲ್ಲಿ ಜನಪ್ರತಿನಿಧಿಗಳು ಮತದಾರರಿಗೆ ಉಡುಗೊರೆಯ ಸುರಿಮಳೆ ಸುರಿಸುತ್ತಿದ್ದಾರೆ. ಈ ಗಿಫ್ಟ್ಗಳನ್ನ ತಲುಪಿಸೋಕೆ ಈಗ ಟಕ್ನಾಲಜಿ ಮೊರೆಹೋಗಿದ್ದಾರೆ. ಈ ಹಿಂದೆ ಟೋಕನ್ ಕೂಪನ್‌ಗಳನ್ನ ಕೊಟ್ಟು ಗುಟ್ಟಾಗಿ ಗಿಫ್ಟ್ ಹಂಚಿಕೆ ಮಾಡಲಾಗುತ್ತಿತ್ತು. ಆದರೆ ಇದೀಗ ಲೇಟೆಸ್ಟ್ ತಂತ್ರಜ್ಞಾನ ಬಳಸಿಕೊಂಡಿದ್ದು, ಒಟಿಪಿ ಕೊಟ್ರೆ ಸ್ಪಾಟ್ ಗಿಫ್ಟ್ ಕೊಡಲಾಗುತ್ತಿದೆ.
ಹೌದು. ಮಲ್ಲೇಶ್ವರಂನಲ್ಲಿ ಸಚಿವ ಅಶ್ವಥ್ ನಾರಾಯಣ (Ashwath Narayan) ಕ್ಷೇತ್ರದಲ್ಲಿ ಮತದಾರರಿಗೆ ಭರ್ಜರಿ ಕಲರ್ ಫುಲ್ ರೇಷ್ಮೆ ಸೀರೆಗಳನ್ನ ಕೊಡಲಾಗುತ್ತಿದೆ. ಕ್ಷೇತ್ರದ ಮತದಾರರಿಗೆ ಒಟಿಪಿ ಬರುತ್ತೆ. ಆಮೇಲೆ ಮನೆ-ಮನೆ ಬಾಗಿಲಿಗೇ ಸೀರೆ ಪ್ಯಾಕೇಟ್ ಹಿಡ್ಕೊಂಡು ರ‍್ತಾರೆ. ಒಟಿಪಿ ತೋರಿಸಿದ ಮಹಿಳಾ ಮತದಾರರಿಗೆ ಸೀರೆಯನ್ನು (Saree) ನೀಡಲಾಗುತ್ತಿದೆ ಅಂತಾ ಎಎಪಿ ಪಕ್ಷ ಆರೋಪಿಸಿದ್ದು ಸಾಕ್ಷಿ ಸಮೇತ ಇದನ್ನು ಬಟಾಬಯಲು ಮಾಡಿದೆ. ಇದನ್ನೂ ಓದಿ: ಜಪಾನ್-ದಕ್ಷಿಣ ಕೊರಿಯಾ ಜಲಮಾರ್ಗದಲ್ಲಿ ಮುಳುಗಿದ ಹಡಗು; 8 ಮಂದಿ ಸಾವು
ರೇಷ್ಮೆ ಸೀರೆ ಒಟಿಪಿ ಪುರಾಣ ಇಷ್ಟಕ್ಕೆ ಮುಗಿಯಲಿಲ್ಲ. ಒಂದು ಮನೆಯಲ್ಲಿ ಎರಡು ಮೂರು ಜನ ಇದ್ರೆ ಸೇಮ್ ಕಲರ್ ಸೀರೆ ಬಂದಿದ್ರೆ ಎಕ್ಸ್‌ಚೇಂಜ್‌ ಆಫರ್ ಸಹ ಮಾಡಿಕೊಳ್ಳಬಹುದಾಗಿದೆ. ಅಭಿವೃದ್ಧಿ ಮೂಲಕ ಮತಯಾಚನೆ ಮಾಡಬೇಕಾದವರು ಈ ರೀತಿ ಆಮಿಷವೊಡ್ಡಿ ಕೆಲಸ ಮಾಡೋದು ಸರಿಯಲ್ಲ ಅಂತಾ ಎಎಪಿ (AAP) ಆಕ್ರೋಶ ವ್ಯಕ್ತಪಡಿಸಿದೆ. ಇದನ್ನೂ ಓದಿ: ಮೋದಿ ಸಾಕ್ಷ್ಯಚಿತ್ರ – ಬಿಬಿಸಿಯನ್ನು ಸಮರ್ಥಿಸಿಕೊಂಡ ಅಮೆರಿಕ
`ಸಚಿವರಾಗಿದ್ದುಕೊಂಡು ನಾನು ಕ್ಷೇತ್ರದಲ್ಲಿ ಕೆಲಸ ಮಾಡಿದ್ದೇನೆ ಅನ್ನೋ ಆತ್ಮವಿಶ್ವಾಸದಿಂದ ಮತಯಾಚನೆ ಮಾಡಬೇಕಾಗಿತ್ತು. ಆದರೆ ಈ ರೀತಿ ಮತದಾರರಿಗೆ ಉಡುಗೊರೆ ಕೊಟ್ಟು ಮತಭೇಟೆಗಿಳಿರೋದು ಪ್ರಜಾಪ್ರಭುತ್ವದ ದುರಂತ. ಪಕ್ಷಗಳ ವ್ಯತ್ಯಾಸವಿಲ್ಲದೇ ಎಲ್ಲಾ ನಾಯಕರು ಇದೇ ವರ್ತನೆ ತೋರುತ್ತಿದ್ದಾರೆ ಎಂದು ಆಪ್ ಮುಖಂಡರಾದ ಸುಮನ ಕಿಡಿ ಕಾರಿದ್ದಾರೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
