ರಾಯಚೂರು: ಲಕ್ಷ್ಮಣ ಸವದಿ (Laxman Savadi) ನಮ್ಮ ಪಕ್ಷದಲ್ಲೇ ಇದ್ದರು. ಅವರಿಗೆ ಯಾವುದೋ ಬೇಜಾರಿನಿಂದ ಕಾಂಗ್ರೆಸ್‌ಗೆ (Congress) ಹೋಗಿದ್ದಾರೆ. ನಮ್ಮ ಬಿಜೆಪಿ (BJP) ಪಕ್ಷ ಲಕ್ಷ್ಮಣ ಸವದಿಯವರಿಗೆ ಒಂದು ಗುಲಗಂಜಿಯಷ್ಟೂ ಅನ್ಯಾಯ ಮಾಡಿಲ್ಲ ಎಂದು ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಎನ್.ರವಿಕುಮಾರ್ (N.Ravikumar) ಹೇಳಿದ್ದಾರೆ.
ಪರಿಶಿಷ್ಟ ಸಮುದಾಯಗಳಿಂದ ರಾಯಚೂರಿನಲ್ಲಿ (Raichur) ಭಾನುವಾರ ನಡೆಯಲಿರುವ ಸಿಎಂ ಬಸವರಾಜ್ ಬೊಮ್ಮಾಯಿ (Basavaraj Bommai) ಅಭಿನಂದನಾ ಸಮಾರಂಭದ ಪೂರ್ವಸಿದ್ಧತೆಗಳ ವೀಕ್ಷಣೆಗೆ ರವಿಕುಮಾರ್ ಆಗಮಿಸಿದ್ದರು. ಈ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ನಾನು ಲಕ್ಷ್ಮಣ ಸವದಿಯವರ ಮನೆಗೆ ಸಾಕಷ್ಟು ಬಾರಿ ಹೋಗಿದ್ದೇನೆ. ಅವರಿಗೆನೋ ಬೇರೆ ಕಾರಣಗಳಿಂದ ಸಿಟ್ಟು ಬಂದು ಸೀಟ್ ಸಿಗಲಿಲ್ಲ ಎಂದು ಹೋಗಿದ್ದಾರೆ. ಬಿಜೆಪಿ ಅವರ ಪಾರ್ಟಿಯಾಗಿತ್ತು. ಆದರೆ ಈಗ ಬಿಜೆಪಿಯಿಂದ ಕಾಂಗ್ರೆಸ್‌ಗೆ ಹೋಗಿದ್ದಾರೆ ಅವರಿಗೆ ಒಳ್ಳೆಯದಾಗಲಿ ಎಂದರು. ಇದನ್ನೂ ಓದಿ: ನನ್ನ ಮೇಲಿನ ಆರೋಪವನ್ನು ಓಲೇಕಾರ್ ಸಾಬೀತು ಮಾಡಲಿ: ಬೊಮ್ಮಾಯಿ
Advertisement
Advertisement
ಜಗದೀಶ್ ಶೆಟ್ಟರ್ (Jagadeesh Shettar) ಟಿಕೆಟ್ ವಿಚಾರದ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ಜಗದೀಶ್ ಶೆಟ್ಟರ್ ಜೊತೆ ನಡ್ಡಾ (J.P.Nadda) ಅವರು ಮಾತನಾಡಿದ್ದಾರೆ. ಇಂದು ಅಥವಾ ನಾಳೆ ಆ ಸಮಸ್ಯೆ ಬಗೆಹರಿಯುತ್ತದೆ ಎಂದು ಸ್ಪಷ್ಟನೆ ನೀಡಿದರು. ಇದನ್ನೂ ಓದಿ: ಮೊಯ್ಲಿ ವಿರೋಧಿ ಮುನಿಯಾಲು ಉದಯ್‌ಗೆ ಕಾಂಗ್ರೆಸ್ ಟಿಕೆಟ್ – ಕಾರ್ಕಳದಲ್ಲಿ ಟೈಟ್ ಫೈಟ್ ಫಿಕ್ಸ್
Advertisement
Advertisement
