ಕಾಂಗ್ರೆಸ್‌ನ ಅಂತಿಮ ಪಟ್ಟಿ ಬಿಡುಗಡೆ – 5 ಕ್ಷೇತ್ರಗಳ ಅಭ್ಯರ್ಥಿಗಳ ಹೆಸರು ಘೋಷಣೆ

ಬೆಂಗಳೂರು: ಮೇ 10ರಂದು ನಡೆಯಲಿರುವ ಕರ್ನಾಟಕ ವಿಧಾನಸಭಾ ಚುನಾವಣೆಗೆ (Election) ಕಾಂಗ್ರೆಸ್ ಪಕ್ಷವು ತನ್ನ ಆರನೇ ಹಾಗೂ ಅಂತಿಮ ಪಟ್ಟಿಯನ್ನು (Final List) ಬಿಡುಗಡೆ ಮಾಡಿದ್ದು, ಐದು ಕ್ಷೇತ್ರಗಳ ಅಭ್ಯರ್ಥಿಗಳ ಹೆಸರನ್ನು ಘೋಷಿಸಿದೆ.

ಗುರುವಾರ ನಾಮಪತ್ರ (Nomination Papers) ಸಲ್ಲಿಕೆಗೆ ಕೊನೆಯ ದಿನವಾದ ಹಿನ್ನೆಲೆಯಲ್ಲಿ ಬುಧವಾರ ತಡರಾತ್ರಿ ಕಾಂಗ್ರೆಸ್ ಅಂತಿಮ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ರಾಯಚೂರಿನಲ್ಲಿ (Raichur) ಮೊಹಮ್ಮದ್ ಶಾಲಾಂ (Mohammed Shalam), ಶಿಡ್ಲಘಟ್ಟದಲ್ಲಿ (Sidlaghatta) ಬಿ.ವಿ ರಾಜೀವ್ ಗೌಡ (B.V.Rajeev Gowda), ಸಿವಿ ರಾಮನ್ ನಗರದಲ್ಲಿ (C.V.Raman Nagar) ಎಸ್.ಆನಂದ ಕುಮಾರ್ (S.Anand Kumar), ಅರಕಲಗೂಡಿನಲ್ಲಿ (Arkalgud) ಹೆಚ್.ಪಿ.ಶ್ರೀಧರ್ ಗೌಡ (H.P.Sridhar Gowda) ಹಾಗೂ ಮಂಗಳೂರು ನಗರ ಉತ್ತರದಲ್ಲಿ (Mangaluru City North) ಇನಾಯತ್ ಅಲಿಗೆ (Inayath Ali) ಟಿಕೆಟ್ ನೀಡಲಾಗಿದೆ. ಇದನ್ನೂ ಓದಿ: ಕಾಂಗ್ರೆಸ್ 5ನೇ ಪಟ್ಟಿ ರಿಲೀಸ್ – ಸಿಎಂ ಕ್ಷೇತ್ರದಲ್ಲಿ ʻಕೈʼ ಅಭ್ಯರ್ಥಿ ಚೇಂಜ್‌ 

ಬುಧವಾರ ಕಾಂಗ್ರೆಸ್‌ನಿಂದ 5ನೇ ಪಟ್ಟಿ ರಿಲೀಸ್ ಮಾಡಲಾಗಿತ್ತು. ಅದೇ ದಿನ ತಡರಾತ್ರಿ ಅಂತಿಮ ಪಟ್ಟಿಯನ್ನು ರಿಲೀಸ್ ಮಾಡಿದೆ. ನಾಮಪತ್ರ ಸಲ್ಲಿಸಲು ಇಂದು ಕೊನೆಯ ದಿನವಾಗಿದೆ. ಇದನ್ನೂ ಓದಿ: ಜಸ್ಟ್‌ ಒಂದು ಕರೆಯಿಂದ ಟಿಕೆಟ್‌ ಕಳೆದುಕೊಂಡ ಮೊಯಿದ್ದಿನ್ ಬಾವಾ!