ಬೆಂಗಳೂರು: ಕೋಲಾರ (Kolara) ಸಿದ್ದರಾಮಯ್ಯಗೆ (Siddaramaiah) ಸೇಫ್ ಅಲ್ಲ. ಅವರು ಕೋಲಾರದಲ್ಲಿ ನಿಂತರೇ ಸೋಲ್ತಾರೆ. ಹೀಗಾಗಿ ವರುಣಾದಲ್ಲಿ ನಿಲ್ಲೋದು ಉತ್ತಮ ಅಂತ ಜೆಡಿಎಸ್ (JDS) ರಾಜ್ಯಾಧ್ಯಕ್ಷ ಸಿಎಂ ಇಬ್ರಾಹಿಂ (CM Ibrahim) ಸಿದ್ದರಾಮಯ್ಯಗೆ ಸಲಹೆ ನೀಡಿದ್ದಾರೆ.
ಸಿದ್ದರಾಮಯ್ಯ ಕೋಲಾರ ಸ್ಪರ್ಧೆ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ದಯವಿಟ್ಟು ಅವರು ನಮ್ಮ ಸ್ನೇಹಿತರು ಯಾವುದೇ ಪಕ್ಷದಲ್ಲಿ ಇದ್ರೂ ನಮಗೆ ಅವರ ಮೇಲೆ ಪ್ರೀತಿ ಇದೆ. ಅವರನ್ನು ಮೋಸ ಮಾಡಲು ಕೋಲಾರಕ್ಕೆ ಕರೆದುಕೊಂಡು ಹೋಗಿದ್ದಾರೆ. ಯಾವುದೇ ರೀತಿ ನೋಡಿದ್ರು ಗೆಲ್ಲುವ ಮಟ್ಟ ಕಾಣುತ್ತಿಲ್ಲ. ಅಲ್ಲಿ ಮುಸ್ಲಿಂ ಜಾತಿ ನೋಡಿ ವೋಟ್ ಹಾಕಲ್ಲ, ಸಿದ್ಧಾಂತ ನೋಡಿ ಮತ ಹಾಕೋರು ಇದ್ದಾರೆ ಎಂದು ಅಭಿಪ್ರಾಯ ತಿಳಿಸಿದ್ದಾರೆ. ಇದನ್ನೂ ಓದಿ: ಸುಮಲತಾ ಅಂಬರೀಶ್ಗೆ ಬಿಜೆಪಿ ಪಕ್ಷ ಸೇರ್ಪಡೆ ಆಹ್ವಾನ ನೀಡಿದ್ದೇವೆ: ಅಶ್ವಥ್ ನಾರಾಯಣ
ಮುನಿಯಪ್ಪ ಕೂಯ್ಯೋದು ಗೊತ್ತಾಗೋದೆ ಇಲ್ಲ. ಆಗಲಿ, ಆಗಲಿ ಎಂದು ಕೆಲಸ ಮಾಡುತ್ತಾರೆ. ಕೋಲಾರದಲ್ಲಿ ಎಂದೂ ಕಾಂಗ್ರೆಸ್ ಗೆಲ್ಲಲ್ಲ. ಕಾಂಗ್ರೆಸ್ ಮುಕ್ತ ಕೋಲಾರ ಆಗುತ್ತೆ. ಸಿದ್ದರಾಮಯ್ಯರನ್ನು ಕರೆದುಕೊಂಡು ಹೋದ್ರೆ ಏನಾದ್ರೂ ಉಪಯೋಗ ಆಗುತ್ತೆ ಎಂದು ಕರೆದು ಕೊಂಡು ಹೋಗಿದ್ದಾರೆ. ಸಿದ್ದರಾಮಯ್ಯ ಅವರಿಗಾದ್ರೂ ಬುದ್ದಿ ಇರಬೇಕಾಗಿತ್ತು. 7 ಬಾರೀ ಗೆದ್ದ ಒಬ್ಬ ದಲಿತರನ್ನು ಸೋಲಿಸಿದ್ದಾರೆ. ಮುನಿಯಪ್ಪ ಹೇಳಿದ್ರು ಅವರಿಗೆ ವೋಟ್ ಹಾಕಲ್ಲ. ಸಿದ್ದರಾಮಯ್ಯ ಅವರಿಗೆ ಎಲ್ಲಾ ಗೊತ್ತಿದೆ ನಾನು ಹೇಳಿದ್ದೇನೆ ಅದರ ಮೇಲೆ ಅವರ ಇಚ್ಚೆ. ಸಿದ್ದರಾಮಯ್ಯ ಅವರು ರಾಜಕೀಯದಲ್ಲಿ ಇರಬೇಕು ಎಂದು ಬಯಸುವವನು ನಾನು. ಕುಮಾರಸ್ವಾಮಿ ಸಿಎಂ ಆಗುವುದನ್ನು ಯಾರು ಕೂಡ ತಪ್ಪಿಸಲು ಸಾಧ್ಯವಿಲ್ಲ. ಕುಮಾರಸ್ವಾಮಿ (Kumarswamy) ಸಿಎಂ ಆಗಲಿಲ್ಲ ಅಂದ್ರೆ ನಾನು ರಾಜೀನಾಮೆ ಕೊಡುತ್ತೇನೆ ಎಂದು ಹೇಳಿದ್ದೇನೆ. ರಾಜಕೀಯ ಅಂದ್ರೆ ಈಗ ಅಡ್ಜಸ್ಟ್ ಮೆಂಟ್ ಅದು ಸಿದ್ದರಾಮಯ್ಯಗೆ ಗೊತ್ತಿಲ್ಲವೇ ಎಂದು ಪ್ರಶ್ನಿಸಿದ್ದಾರೆ.
ಡಿಕೆಶಿ ಕೂಡ ಕನಕಪುರದಲ್ಲಿ ಸಿದ್ದರಾಮಯ್ಯ ಅವರನ್ನು ನಿಲ್ಲಿಸಬಹುದಿತ್ತು ತಾನೇ. ಡಿಕೆಶಿ ಸಿಎಂ ಆಗಲೂ ತಂತ್ರಗಾರಿಕೆ ಮಾಡುತ್ತಿದ್ದಾರೆ. ಇದುವರೆಗೂ ಸಿಎಂ ಯಾರು ಅಂತಲೇ ಕಾಂಗ್ರೆಸ್ ಹೇಳಿಲ್ಲ. ಜೆಡಿಎಸ್ ಮತಗಳನ್ನು ಕಾಂಗ್ರೆಸ್ ಅಥವಾ ಬಿಜೆಪಿ ತೆಗೆದುಕೊಳ್ಳಲು ಸಾಧ್ಯವಿಲ್ಲ. ಶ್ರೀನಿವಾಸಗೌಡ ಆಡಿಯೋ ಕೂಡ ಬಿಡುಗಡೆಯಾಗಿದೆ. ಅವನು ಎಂಎಲ್ಸಿ ಮಾಡ್ತಾರೆ ಎಂದು ಲೂಸ್ ಟಾಕ್ ಮಾತನಾಡಿದ್ದಾರೆ. ಸಿದ್ದರಾಮಯ್ಯ ವರುಣದಲ್ಲಿ ನಿಂತ್ರೆ ಗೆಲ್ಲುತ್ತಾರೆ ಅಷ್ಟೇ. ಕೋಲಾರದಲ್ಲಿ ನಿಂತರೇ ಸೋಲುತ್ತಾರೆ ಅಂತ ಭವಿಷ್ಯ ನುಡಿದಿದ್ದಾರೆ. ಇದನ್ನೂ ಓದಿ: ಶಾಸಕ ಶಿವಲಿಂಗೇಗೌಡ ಕಾಂಗ್ರೆಸ್ ಸೇರ್ಪಡೆ ಖಚಿತ: ಧ್ರುವನಾರಾಯಣ್
ಯಾಕೆ ಮುಸ್ಲಿಮರು ಸಿಎಂ ಇಬ್ರಾಹಿಂ ಪರ ಇರುತ್ತಾರೆ ಎಂಬ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಅವರ ಸಮಾಜ ಅವರ ಪರ ಇರುತ್ತೆ. ನನಗೆ ಗೌರವ ಬಂದ್ರೆ ನಮ್ಮ ಸಮಾಜಕ್ಕೆ ಬಂದಂತೆ ತಾನೇ. ಕೋಲಾರ ಅಭ್ಯರ್ಥಿ ಶ್ರೀನಾಥ್ ಒಳ್ಳೆಯ ವ್ಯಕ್ತಿ. ದೊಡ್ಡ ಟಮೋಟ ವ್ಯಾಪಾರಿ ಆಗಿದ್ದಾರೆ. ಮುಸ್ಲಿಂ ಜೊತೆ ಒಳ್ಳೆಯ ಸಂಬಂಧ ಇಟ್ಟುಕೊಂಡಿದ್ದಾರೆ. ಕೋಲಾರದಲ್ಲಿ ಜಾತಿ ಮೇಲೆ ಮತ ನೀಡಿಲ್ಲ. ಕೋಲಾರದ ಜನರಿಗೆ ಜೆಡಿಎಸ್ ಪರ ಒಲವು ಇದೆ. ಕೋಲಾರದಲ್ಲಿ ಅಭ್ಯರ್ಥಿ ಬದಲಾವಣೆ ಇಲ್ಲ. ದೇವೇಗೌಡರ ಸಿಂಬಲ್ ಇದ್ರೆ ಸಾಕು ನಮಗೆ ಗೆಲುವು ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
