ಬಾಲಿವುಡ್ ಲವ್‌ಬರ್ಡ್ಸ್ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮದುವೆ ಬಗ್ಗೆ ಹಲವು ಗೊಂದಲಗಳು ಕೇಳಿ ಬರುತ್ತಿದೆ. ಈ ಜೋಡಿ ಮದುವೆ ಏಪ್ರಿಲ್ 14(ನಾಳೆ) ನಡೆಯಲಾಗುತ್ತೆ ಎಂದು ಕೇಳಿಬರುತ್ತಿತ್ತು. ಆದರೆ ಮದುವೆ ದಿನಾಂಕ ಮುಂದೆ ಹೋಗಿದೆ ಎಂದು ಮಾಧ್ಯಮಗಳಲ್ಲಿ ಸುದ್ದಿ ಹಬ್ಬಿತ್ತು. ಆದರೆ ಇದು ನಿಜವೇ ಎಂಬುದರ ಬಗ್ಗೆ ಬಿ’ಟೌನ್‍ನಲ್ಲಿ ಸಂಶಯ ಎದ್ದು ಕಾಣಿಸುತ್ತಿದೆ. ಈ ನಡುವೆ ಖ್ಯಾತ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹರ್ ಅವರು ತಮ್ಮ ನಿವಾಸದಿಂದ ಹಳದಿ ಬಣ್ಣದ ಬಟ್ಟೆ ಹಾಕಿಕೊಂಡು ಅರಿಶಿಣ ಶಾಸ್ತ್ರಕ್ಕೆ ಹೋಗಿರುವುದು ಕ್ಯಾಮರಾ ಕಣ್ಣಿಗೆ ಬಿದ್ದಿದೆ.
ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಮುಂಬೈನ ಬಾಂದ್ರಾದಲ್ಲಿರುವ ಕಪೂರ್ ನಿವಾಸದಲ್ಲಿ ಈ ಲವ್‌ಬರ್ಡ್ಸ್ ವಿವಾಹವಾಗಲಿದ್ದಾರೆ. ಈ ಸುದ್ದಿ ತಮ್ಮ ನೆಚ್ಚಿನ ನಟ-ನಟಿ ಬಾಯಲ್ಲಿ ಕೇಳಬೇಕು ಎಂದು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ. ಮದುವೆಯ ಸಂಭ್ರಮಗಳು ಇಂದಿನಿಂದ ಪ್ರಾರಂಭವಾಗಿದ್ದು, ಭಟ್ ಮತ್ತು ಕಪೂರ್ ಕುಟುಂಬಗಳು ಪ್ರಸ್ತುತ ಮೆಹೆಂದಿ ಶಾಸ್ತ್ರಕ್ಕೆ ಸಜ್ಜಾಗುತ್ತಿವೆ. ಈ ಸಮಾರಂಭಕ್ಕೆ ಎರಡು ಕುಟುಂಬದ ಆತ್ಮೀಯರು ಮತ್ತು ಸ್ನೇಹಿತರು ಮಾತ್ರ ಭಾಗವಹಿಸಲಿದ್ದಾರೆ. ಇದನ್ನೂ ಓದಿ: ರಾಖಿ ಸಾವಂತ್ ಗೆ ದುಬಾರಿ ಕಾರು ಕೊಡಿಸಿದ್ದು ಯಾರು? ವೀಡಿಯೋ ಸಮೇತ ಸಾಕ್ಷಿ ಇದೆ
ಸಮಾರಂಭದ ಮೊದಲು, ನೀತು ಕಪೂರ್, ರಿದ್ಧಿಮಾ ಕಪೂರ್ ಸಾಹ್ನಿ, ಅವರ ಮಗಳು, ಆಧಾರ್ ಜೈನ್, ಅರ್ಮಾನ್ ಜೈನ್, ಅನಿಸಾ, ಅಯಾನ್ ಮುಖರ್ಜಿ, ಕರೀನಾ ಕಪೂರ್ ಖಾನ್, ಕರಿಷ್ಮಾ ಕಪೂರ್ ಮತ್ತು ಭಟ್ ಕುಟುಂಬ ಆಗಮಿಸಿದ್ದು ಕಂಡುಬಂದಿತು. ಈಗ, ಕರಣ್ ಜೋಹರ್ ಅವರು ರಣಬೀರ್ ಮತ್ತು ಆಲಿಯಾ ಅವರ ಮೆಹಂದಿ ಸಮಾರಂಭಕ್ಕೆ ಆಗಮಿಸುತ್ತಿದ್ದಂತೆ ಕ್ಯಾಮರಾ ಕಣ್ಣಿಗೆ ಬಿದ್ದಿದ್ದಾರೆ. ಕರಣ್ ಸಂಭ್ರಮಾಚರಣೆಗಾಗಿ ಹಳದಿ ಶೆರ್ವಾನಿಯನ್ನು ಧರಿಸಿಕೊಂಡು ತಮ್ಮ ಮನೆಯಿಂದ ಹೊರಟಿದ್ದಾರೆ.
ಆಲಿಯಾಗೆ ಕರಣ್ ಬಹಳ ಆಪ್ತರಾಗಿದ್ದು, ಅವರೊಂದಿಗೆ ಒಳ್ಳೆಯ ಸಂಬಂಧವನ್ನು ಹೊಂದಿದ್ದಾರೆ. ಕರಣ್ ಅವರನ್ನು ಆಲಿಯಾ ತನ್ನ ಮಾರ್ಗದರ್ಶಕ ಎಂದು ಪರಿಗಣಿಸುತ್ತಾರೆ. ಇದನ್ನೂ ಓದಿ: ಗರ್ಭಿಣಿ ಮಹಿಳೆಯ ಮೊದಲ ಕೆಲಸದ ರಹಸ್ಯ ಬಿಚ್ಚಿಟ್ಟ ನಟಿ ಪ್ರಣಿತಾ
ಏಪ್ರಿಲ್ 17 ರಂದು ಈ ಲವ್‌ಬರ್ಡ್ಸ್ ಅದ್ದೂರಿ ಆರತಕ್ಷತೆಯನ್ನು ಮುಂಬೈನ ತಾಜ್ ಮಹಲ್ ಅರಮನೆಯಲ್ಲಿ ಆಯೋಜಿಸಲಿದ್ದಾರೆ. ಈ ಸಂಭ್ರಮಕ್ಕೆ ಶಾರುಖ್ ಖಾನ್, ರಾಣಿ ಮುಖರ್ಜಿ, ಹೃತಿಕ್ ರೋಷನ್, ಕರಣ್ ಜೋಹರ್, ಅಯನ್ ಮುಖರ್ಜಿ ಮುಂತಾದ ಅನೇಕ ಗಣ್ಯರು ಪಾಲ್ಗೊಳ್ಳಲಿದ್ದಾರೆ. ರಣಬೀರ್ ಮತ್ತು ಆಲಿಯಾ ತಮ್ಮ ಮದುವೆಯ ಬಗ್ಗೆ ಶೀಘ್ರದಲ್ಲೇ ಅಧಿಕೃತ ಘೋಷಣೆ ಮಾಡಲಿದ್ದಾರೆ ಎಂದು ವರದಿಗಳಲ್ಲಿ ಹೇಳಲಾಗುತ್ತಿದೆ. ಈ ಸುದ್ದಿಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ.
