ಮುಂಬೈ: ಕಾಮಿಡಿಯನ್ ಕಪಿಲ್ ಶರ್ಮಾ ಮತ್ತು ಗೆಳತಿ ಗಿನ್ನಿ ಚಾತ್ರಥ್ ನಡುವೆ ಬ್ರೇಕ್ ಆಗಿದೆ ಎಂದು ಪತ್ರಿಕೆಯೊಂದು ಪ್ರಕಟಿಸಿದೆ. ಕಪಿಲ್ ಶರ್ಮಾ ಶೋ ಮೂಲಕ ಜನರ ಮನಸೆಳದಿದ್ದ ಕಪಿಲ್ ಜೀವನದಲ್ಲಿ ಕೆಲವೊಂದು ದಿನಗಳಿಂದ ಒಂದಾದ ನಂತರ ತೊಂದರೆಗಳು ಬರತೊಡಗಿವೆ.
ಇತ್ತೀಚಿನ ಕೆಲವು ದಿನಗಳಲ್ಲಿ ಕಪಿಲ್ ಮತ್ತು ಗಿನ್ನಿ ನಡುವೆ ಎಲ್ಲವೂ ಸರಿಯಿಲ್ಲ. ಇಬ್ಬರೂ ಬೇರೆಯಾಗಲು ತೀರ್ಮಾನಿಸಿದ್ದಾರೆ ಎಂದು ಕೆಲ ಪತ್ರಿಕೆಗಳು ವರದಿ ಮಾಡಿವೆ. ಈ ಶೋ ದಲ್ಲಿ ಕಾಣಿಸಿಕೊಳ್ಳವ ನಟಿಯೊಬ್ಬರು ಕಪಿಲ್ ಜೊತೆ ರಿಲೇಶನ್ ಶಿಪ್ ನಲ್ಲಿದ್ದಾರೆ. ಹಾಗಾಗಿ ಈ ವಿಷಯ ತಿಳಿದ ಗಿನ್ನಿ ಕಪಿಲ್ ನಿಂದ ದೂರ ಉಳಿದಿದ್ದಾರೆ ಎಂದು ಹೇಳಲಾಗುತ್ತಿದೆ. ಕಪಿಲ್ ಜೊತೆ ರಿಲೇಶನನಲ್ಲಿರುವ ನಟಿಯ ಹೆಸರು ಮಾತ್ರ ಇದೂವರೆಗೂ ತಿಳಿದು ಬಂದಿಲ್ಲ.
ಆಸ್ಟ್ರೇಲಿಯಾದ ಕಾರ್ಯಕ್ರಮವೊಂದರಿಂದ ಹಿಂದಿರುಗುವಾಗ ವಿಮಾನದಲ್ಲಿ ಕಪಿಲ್ ತನ್ನ ಸಹ ಕಲಾವಿದ ಸುನಿಲ್ ಗ್ರೋವರ್ ಮೇಲೆ ಹಲ್ಲೆ ನಡೆಸಿದ್ದರು. ಹೀಗಾಗಿ ಇಬ್ಬರ ನಡುವೆ ಭಿನ್ನಾಭಿಪ್ರಾಯಗಳು ಮೂಡಿ ಸುನಿಲ್ ಶೋದಿಂದ ಹೊರ ಬಂದರು. ಹೊರ ಬಂದು ತಮ್ಮದೇ ಸಾರಥ್ಯದಲ್ಲಿ ಬೇರೆ ಬೇರೆ ಶೋಗಳನ್ನು ನಡೆಸುತ್ತಿದ್ದಾರೆ.
ಸುನಿಲ್ ಗ್ರೋವರ್ ಕಪಿಲ್ ಶೋನಿಂದ ಹೊರ ಬಂದ ನಂತರ ಕಪಿಲ್ ತಾವು ಲವ್‍ಲ್ಲಿ ಬಿದ್ದಿರೋದಾಗಿ ಹೇಳಿ ತಮ್ಮ ಗೆಳತಿ ಗಿನ್ನಿ ಫೋಟೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದರು. ಈ ವೇಳೆ ನಾವು ನಮ್ಮ ಮದುವೆಯ ತಯಾರಿಯಲ್ಲಿ ತೊಡಗಿದ್ದೇವೆ ಎಂದು ಕೆಲ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು.
