ಬಾಲಿವುಡ್ ಚಿತ್ರಗಳನ್ನೂ ಮೀರಿಸಿದ ಕೆಜಿಎಫ್ ಕ್ರೇಜ್!

ಅಖಂಡ ಎರಡು ವರ್ಷಗಳ ಕಾಲ ಚಿತ್ರೀಕರಣಗೊಂಡಿರೋ ಕೆಜಿಎಫ್ ಚಿತ್ರ ಬಿಡುಗಡೆಯ ಹಂತ ತಲುಪಿಕೊಂಡಿದೆ. ಎರಡು ವರ್ಷದ ಸುದೀರ್ಘಾವಧಿಯ ತುಂಬಾ ಈ ಚಿತ್ರ ಹುಟ್ಟಿಸಿರೋ ನಿರೀಕ್ಷೆ ಸಣ್ಣದೇನಲ್ಲ. ಯಶ್ ಅಭಿನಯದ ಈ ಚಿತ್ರವೀಗ ಬಾಲಿವುಡ್ ಚಿತ್ರಗಳನ್ನೇ ಹಿಂದಿಕ್ಕಿ ಟ್ರೆಂಡ್ ಸೆಟ್ ಮಾಡಿದೆ!

ಮೋಸ್ಟ್ ಆಂಟಿಸಿಪೇಟೆಡ್ ಗ್ಲೋಬಲ್ ಮೂವೀಸ್ ಮತ್ತು ಟಿವಿ ಟ್ರೆಂಡಿಂಗ್ ಪಟ್ಟಿಯಲ್ಲಿ ಕೆಜಿಎಫ್ ಚಿತ್ರ ಎರಡನೇ ಸ್ಥಾನ ಕಾಯ್ದುಕೊಂಡಿದೆ. ಈ ಪಟ್ಟಿಯಲ್ಲಿ ಶಾರೂಖ್ ಖಾನ್ ಅಭಿನಯದ ಝೀರೋ, ರಜನಿಕಾಂತ್ ಚಿತ್ರವೂ ಇದೆ. ಆದರೆ ಅದೆಲ್ಲದಕ್ಕಿಂತ ಯಶ್ ಅಭಿನಯದ ಕೆಜಿಎಫ್ ಚಿತ್ರವೇ ಮುಂಚೂಣಿಯಲ್ಲಿದೆ.

ಈ ಟ್ರೆಂಡಿಂಗ್ ಇಡೀ ದೇಶದಲ್ಲಿರೋ ಕ್ರೇಜ್ ಅನ್ನು ಅವಲಂಬಿಸಿದೆ ಎಂಬುದು ವಿಶೇಷ. ಅದನ್ನು ಕನ್ನಡ ಚಿತ್ರವೊಂದು ಸರಿಗಟ್ಟಿದೆ ಎಂಬುದೇ ಖುಷಿಯ ವಿಚಾರ. ಈ ಮೂಲಕ ಎಲ್ಲ ಭಾಷೆಗಳ ಚಿತ್ರರಂಗವೂ ಕನ್ನಡದತ್ತ ಹೊರಳಿ ನೋಡುವಂತಾಗಿರೋದಂತೂ ಸತ್ಯ. ಈ ಮೂಲಕ ಕೆಜಿಎಫ್ ದೊಡ್ಡ ಮಟ್ಟದಲ್ಲಿಯೇ ಕಮಾಲ್ ಮಾಡೋ ಸೂಚನೆಗಳೂ ಸ್ಪಷ್ಟವಾಗಿವೆ!

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv