ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ಒಡೆಯ’ ಸಿನಿಮಾ ಈಗಾಗಲೇ ಟ್ರೈಲರ್ ಮತ್ತು ಹಾಡುಗಳ ಮೂಲಕ ಭಾರೀ ಸದ್ದು ಮಾಡುತ್ತಿದೆ. ಈ ಸಿನಿಮಾ ಇದೇ ಡಿಸೆಂಬರ್ 12 ರಂದು ಬಿಡುಗಡೆಯಾಗುತ್ತಿದೆ. ಇದೀಗ ಒಡೆಯ ಚಿತ್ರತಂಡದಿಂದ ಪ್ರೇಕ್ಷಕರಿಗೆ ಭರ್ಜರಿ ಆಫರ್‍ವೊಂದನ್ನು ನೀಡಿದೆ.
ಹೌದು..’ಒಡೆಯ’ ಚಿತ್ರತಂಡ ಸಿನಿಮಾ ನೋಡಿ ಸ್ಟೈಲಿಶ್ ಬೈಕ್ ಗೆಲ್ಲಿ ಎಂಬ ಆಫರ್ ನೀಡಿದೆ. ಅಂದರೆ ಪ್ರಮುಖ ಚಿತ್ರಮಂದಿರಗಳಲ್ಲಿ ಪ್ರೇಕ್ಷಕರು ‘ಒಡೆಯ’ ಸಿನಿಮಾ ವೀಕ್ಷಿಸಬೇಕು. ನಂತರ ಪ್ರೇಕ್ಷಕರು ತೆಗೆದುಕೊಂಡಿರುವ ಟಿಕೆಟ್ ಅನ್ನು ಭರ್ತಿ ಮಾಡಿ ಚಿತ್ರಮಂದಿರಗಳಲ್ಲಿ ಇಟ್ಟಿರುವ ಲಕ್ಕಿ ಡಿಪ್ ಬಾಕ್ಸ್ ಒಳಗೆ ಹಾಕಬೇಕು. ಲಕ್ಕಿ ಡ್ರಾ ಮೂಲಕ ಗೆದ್ದವರಿಗೆ ಸ್ಟ್ರೈಲಿಶ್ ಬೈಕ್ ಸಿಗುತ್ತದೆ.
Advertisement
Advertisement
ಕೆಜಿ ರಸ್ತೆಯಲ್ಲಿರುವ ನರ್ತಕಿ ಚಿತ್ರಮಂದಿರಲ್ಲಿ ಈ ಆಫರ್ ನೀಡಲಾಗಿದೆ. ಸಿನಿಮಾ ನೋಡಿ ಬೈಕ್ ಗೆಲ್ಲಿ ಸ್ಪರ್ಧೆಗೆ ನಿರ್ಮಾಪಕ ಸಂದೇಶ್ ನಾಗರಾಜ್ ಚಾಲನೆ ನೀಡಿದ್ದಾರೆ. ಜೊತೆಗೆ ಬೈಕ್ ಯಾವುದು ಎಂದು ನಿರ್ಮಾಪಕರೇ ಅನಾವರಣ ಕೂಡ ಮಾಡಿದ್ದಾರೆ. ಇದನ್ನೂ ಓದಿ: ಟ್ರೇಲರ್ ಮೂಲಕ ಆರ್ಭಟಿಸಿದ ಒಡೆಯ ಗಜೇಂದ್ರ!
Advertisement
ಕೆಂಪು ಬಣ್ಣದ ಬೈಕ್ ನೋಡಲು ತುಂಬಾ ಸ್ಟೈಲಿಶ್ ಆಗಿದ್ದು, ಎಲೆಕ್ಟ್ರಿಕ್ ವಾಹನವಾಗಿದ. BENLG ಮಾಡೆಲ್ ಆಗಿರುವ ಈ ಬೈಕ್ ಬೆಲೆ ಸುಮಾರು 90 ಸಾವಿರದವರೆಗೂ ಇದೆ. ಒಂದೇ ಒಂದು ಬೈಕ್ ಮಾತ್ರ ಬಹುಮಾನವಾಗಿ ಇರಿಸಲಾಗಿದೆ. ಇದನ್ನೂ ಓದಿ: ಅನ್ನ ಹಾಕೋ ರೈತನಿಗೆ ಮೋಸ ಆದ್ರೆ ನಾನ್ ಸುಮ್ನೆ ಇರಲ್ಲ: ದರ್ಶನ್
Advertisement
