ಹೊಸ ವಿರಹ ಗೀತೆ ರಚಿಸಿದ ವಾಸುಕಿ

ಈಗಾಗಲೇ ಬಿಗ್‍ಬಾಸ್ ಮನೆಯಲ್ಲಿ ಎರಡು ಹಾಡುಗಳನ್ನು ಬರೆದು ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿರುವ ಸ್ಪರ್ಧಿ ವಾಸುಕಿ ವೈಭವ್, ಇದೀಗ ಮತ್ತೊಂದು ವಿರಹ ಗೀತೆಯನ್ನು ಬರೆದಿದ್ದಾರೆ. ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ಬಿಗ್‍ಬಾಸ್ ರಿಯಾಲಿಟಿ ಶೋನಲ್ಲಿ ವಾಸುಕಿ ವೈಭವ್ ಸ್ಪರ್ಧಿಯಾಗಿದ್ದಾರೆ. ವಾಸುಕಿ ಹಾಡುತ್ತಿರುವ ಗೀತೆಯನ್ನು ವಾಹಿನಿ ತನ್ನ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದೆ.

ಈ ವಾರದ ಕಳಪೆ ಆಟಗಾರಾಗಿ ರಕ್ಷಾ ಜೈಲು ಸೇರಿದ್ದರು. ಜೈಲಿನ ಹೊರಗೆ ಕುಳಿತಿರುವ ವಾಸುಕಿ ವಿರಹ ಗೀತೆಯನ್ನು ರಚನೆ ಮಾಡಿ ಹಾಡಿದ್ದಾರೆ. ವಾಸುಕಿ ಹಾಡು ಹೇಳುತ್ತಿದ್ದಂತೆ ಸಹ ಸ್ಪರ್ಧಿ ಶೈನ್ ಶೆಟ್ಟಿ ಮತ್ತು ರಕ್ಷಾ ಪ್ರೇಮ ಜೋಡಿಗಳ ರೀತಿಯಲ್ಲಿ ನಟಿಸಿದ್ದಾರೆ.

ಜೈಲುವಾಸದಲ್ಲಿರೊ ಮನೆಯವರು ಆ ಜೈಲಲ್ಲಿ ಎಷ್ಟ್ ಕಂಬಿ ಇದೆ ಅಂತ ಎಣಿಸಿರಬಹುದಾ? ಅದೆಲ್ಲ ಬಿಡಿ.. ವಾಸುಕಿ ವೈಭವ್ ಅವರ ಈ ಹಾಡು ಕೇಳಿ!

ಬಿಗ್‌ಬಾಸ್ | ಪ್ರತಿ ರಾತ್ರಿ 9ಕ್ಕೆ#BBK7 #BiggBoss #ColorsKannada @KicchaSudeep pic.twitter.com/fH3qxg8Knr

— Colors Kannada (@ColorsKannada) December 8, 2019

ವಾಸುಕಿ ವೈಭವ್ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಬಿಗ್‍ಬಾಸ್ ಸಪ್ರ್ರೈಸ್ ನೀಡಿದ್ದರು. ಈ ಹಿಂದೆ ವಾಸುಕಿ ರಚಿಸಿದ್ದ, ಮನಸ್ಸಿಂದ ಯಾರು ಕೆಟ್ಟೋವರಿಲ್ಲ ಹಾಡಿಗೆ ಕಿಚ್ಚ ಸುದೀಪ್ ಜೀವ ನೀಡಿದ್ದರು. ವಾಸುಕಿ ಲಿರಿಕ್ಸ್ ಗೆ ಸುದೀಪ್ ಧ್ವನಿ ನೀಡಿರುವ ಹಾಡನ್ನು ಬಿಗ್‍ಬಾಸ್ ಮನೆಯಲ್ಲಿ ಪ್ಲೇ ಮಾಡಿದ್ದರು. ಹಾಡು ಕೇಳಿದ್ದ ಸ್ಪರ್ಧಿಗಳೆಲ್ಲ ಆಶ್ಚರ್ಯದ ಜೊತೆಗೆ ಖುಷಿಯಾಗಿ ಚಪ್ಪಾಳೆ ಹೊಡೆದಿದ್ದರು.

ಅನುಸರಿಸಿಕೊಂಡ್ ಹೋದ್ರೆ ಎಲ್ಲಾ ಮಕ್ಳಾಟಾನೇ ಅಲ್ವಾ? ವಾಸುಕಿ ವೈಭವ್ ಹಾಡು ಕಿಚ್ಚಾ ಸುದೀಪ್ ಧ್ವನಿಯಲ್ಲಿ!

ಬಿಗ್‌ಬಾಸ್ | ಪ್ರತಿ ರಾತ್ರಿ 9ಕ್ಕೆ#BBK7 #BiggBoss #ColorsKannada @KicchaSudeep pic.twitter.com/pLwnlXkdI4

— Colors Kannada (@ColorsKannada) December 7, 2019

ಕಿಚ್ಚ ಸುದೀಪ್ ತಮ್ಮ ರಚನೆಗೆ ಹಾಡಿಗೆ ಧ್ವನಿ ನೀಡಿದ್ದನ್ನು ಕೇಳಿದ ವಾಸುಕಿ ಒಂದು ಕ್ಷಣ ಭಾವುಕರಾದರು. ಇಷ್ಟು ವರ್ಷ ಮನೆಯಲ್ಲಿದ್ದರೂ ಹುಟ್ಟುಹಬ್ಬ ಆಚರಣೆ ಮಾಡಿಕೊಳ್ಳುತ್ತಿರಲಿಲ್ಲ. ಬಿಗ್‍ಬಾಸ್ ಮನೆಯಲ್ಲಿಯ ಹುಟ್ಟುಹಬ್ಬವನ್ನು ನಾನು ಮರೆಯಲ್ಲ. ಹಾಡಿಗೆ ಧ್ವನಿ ನೀಡಿದ ಸುದೀಪ್ ಮತ್ತು ಅವಕಾಶ ನೀಡಿದ ಬಿಗ್‍ಬಾಸ್ ಗೆ ವಾಸುಕಿ ವೈಭವ್ ಸಾಷ್ಟಾಂಗ ನಮಸ್ಕಾರ ಹಾಕಿದರು.