ಇಸ್ಲಾಮಾಬಾದ್: ಶಿಯಾ ಮಸೀದಿಯಲ್ಲಿ (Shia Mosque) ಶುಕ್ರವಾರ ನಡೆದ ಭೀಕರ ಬಾಂಬ್ ಸ್ಫೋಟದ ಹೊಣೆಯನ್ನು ಜಾಗತಿಕ ಭಯೋತ್ಪಾದಕ ಸಂಘಟನೆ ಇಸ್ಲಾಮಿಕ್ ಸ್ಟೇಟ್ (IS) ಹೊತ್ತುಕೊಂಡಿದೆ.
ಈ ಸ್ಫೋಟದ ಬಗ್ಗೆ ಇಸ್ಲಾಮಿಕ್ ಸ್ಟೇಟ್ ಮುಖವಾಣಿ ಅಮಾಕ್ ಮೂಲಕ ಹೇಳಿಕೆ ನೀಡಲಾಗಿದ್ದು, ಈ ದಾಳಿಯು ಪಾಕಿಸ್ತಾನ ಪ್ರಾಂತ್ಯದಲ್ಲಿ ಇಸ್ಲಾಮಿಕ್ ಸ್ಟೇಟ್ ಸೈನಿಕ ನಡೆಸಿದ ಫಿದಾಯೀನ್ ಕಾರ್ಯಾಚರಣೆಯಾಗಿದೆ ಎಂದು ಉಲ್ಲೇಖಿಸಿದೆ.
ಇಸ್ಲಾಮಿಕ್ ಸ್ಟೇಟ್ ತನ್ನ ಇತ್ತೀಚಿನ ಅಲ್-ನಬಾ ಸಂಚಿಕೆಯಲ್ಲಿ ಲಷ್ಕರ್-ಎ-ತೈಬಾ (ಎಲ್ಇಟಿ) ಸದಸ್ಯರು ಖೊರಾಸನ್ ಪ್ರಾಂತ್ಯದಲ್ಲಿ ಇಸ್ಲಾಮಿಕ್ ಸ್ಟೇಟ್ ಸೇರಲು ಕರೆ ನೀಡಿದೆ. ಇದನ್ನೂ ಓದಿ: ಇಸ್ಲಾಮಾಬಾದ್ ಮಸೀದಿಯಲ್ಲಿ 36 ಅಲ್ಲ 200 ಸಾವು – ಹೊಣೆ ಹೊತ್ತುಕೊಂಡ ಇಸ್ಲಾಮಿಕ್ ಸ್ಟೇಟ್
Islamabad Attack Claimed by ISIS; Afghan Link Rejected
The Islamabad attack has been claimed by ISIS, which observers describe as a Pakistan-originated phenomenon. Reports say the attacker carried a Pakistani national identity card and carried out the attack in Islamabad.… pic.twitter.com/BzLCMC1sb8
— Press Point (@Press_Point1) February 7, 2026
ಶುಕ್ರವಾರದ ಮಧ್ಯಾಹ್ನ ಪ್ರಾರ್ಥನೆ ನಡೆಯುತ್ತಿದ್ದಾಗ ಇಸ್ಲಾಮಾಬಾದ್ (Islamabad ) ಮಸೀದಿಯಲ್ಲಿ ನಡೆದ ಸ್ಫೋಟದಲ್ಲಿ 36 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಪಾಕ್ ಸರ್ಕಾರ ಹೇಳಿದರೂ ಅಮಾಕ್ 200 ಮಂದಿ ಮೃತಪಟ್ಟಿದ್ದಾರೆ ಎಂದು ಹೇಳಿದೆ.
ಸೈಫುಲ್ಲಾ ಅನ್ಸಾರಿ ಆತ್ಮಾಹುತಿ ಬಾಂಬರ್ ಆಗಿದ್ದು ಆತನ ಫೋಟೋವನ್ನು ಅಮಾಕ್ ಪ್ರಕಟಿಸಿದೆ. ತನ್ನ ಹೇಳಿಕೆಯಲ್ಲಿ ನೂರಾರು ಪಾಕಿಸ್ತಾನಿ ಶಿಯಾಗಳು ಸಿರಿಯಾದಲ್ಲಿ ಇರಾನ್ ಪರ ‘ಜೈನಬಿಯೂನ್ ಬ್ರಿಗೇಡ್’ ಸೇರಿದ್ದಾರೆ ಎಂದು ಉಲ್ಲೇಖಿಸಿದೆ.
