ಶೂ ಲೇಸ್ ಕಟ್ಟಿಕೊಳ್ಳದ ಸೋನಂ ಈಗ ಗರ್ಭಿಣಿ?

ಮುಂಬೈ: ಬಾಲಿವುಡ್ ನಟಿ ಸೋನಂ ಕಪೂರ್ ಕಳೆದ ವರ್ಷ ಉದ್ಯಮಿ ಆನಂದ್ ಅಹುಜಾ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಈಗ ಸೋನಂ ತಮ್ಮ ಪತಿ ಆನಂದ್ ಜೊತೆಯಿರುವ ಫೋಟೋ ನೋಡಿ ನಟಿ ಗರ್ಭಿಣಿ ಆಗಿದ್ದಾರೆ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

ಇತ್ತೀಚೆಗೆ ಸೋನಂ ಕಪೂರ್ ತಮ್ಮ ಪತಿ ಜೊತೆ ಲಾಂಚಿಂಗ್ ಇವೆಂಟ್‍ನಲ್ಲಿ ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿನ ಫೋಟೋವೊಂದು ವೈರಲ್ ಆಗಿದೆ. ಈ ಫೋಟೋ ನೋಡಿ ಅಭಿಮಾನಿಗಳು ಸೋನಂ ಗರ್ಭಿಣಿ ಆಗಿದ್ದಾರೆ ಎಂದುಕೊಂಡಿದ್ದಾರೆ.

ಸೋನಂ ಕಾರ್ಯಕ್ರಮಕ್ಕೆ ಹಳದಿ ಬಣ್ಣದ ಉಡುಪು ಹಾಕಿ ಅದಕ್ಕೆ ಮ್ಯಾಚಿಂಗ್ ಶೂ ಹಾಕಿಕೊಂಡಿದ್ದರು. ಕಾರ್ಯಕ್ರಮದಲ್ಲಿ ಸೋನಂ ಅವರ ಶೂ ಲೇಸ್ ಓಪನ್ ಆಗಿದೆ. ಆಗ ಸೋನಂ ಪತಿ ಆನಂದ್ ಕೆಳಗೆ ಕುಳಿತುಕೊಂಡು ಸೋನಂ ಅವರ ಶೂ ಲೇಸ್ ಕಟ್ಟಿದ್ದಾರೆ.

ಸೋನಂ ಅವರು ಶೂ ಲೇಸ್ ಕಟ್ಟಿಕೊಳ್ಳದ ಕಾರಣ ಅವರು ಪ್ರೆಗ್ನೆಂಟ್ ಆಗಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಈ ಫೋಟೋ ನೋಡಿ ಅಭಿಮಾನಿಯೊಬ್ಬರು ಸೋನಂ ಪ್ರೆಗ್ನೆಂಟಾ? ಎಂದು ಕಮೆಂಟ್ ಮಾಡಿದರೆ, ಮತ್ತೊಬ್ಬರು ಬೇಬಿ ಬಂಪ್ ಕಾಣಿಸುತ್ತಿದೆ. ಆದರೆ ತನ್ನ ಸೋನಂ ಡ್ರೆಸ್‍ನಿಂದ ಅದನ್ನು ಬಚ್ಚಿಡುತ್ತಿದ್ದಾರೆ ಎಂದು ಕಮೆಂಟ್ ಹಾಕಿದ್ದಾರೆ.

ಸೋನಂ ಕಪೂರ್ ಕಳೆದ ವರ್ಷ ಮೇ 8 ರಂದು ಆನಂದ್ ಅಹುಜಾ ಜೊತೆ ಸಿಖ್ ಸಂಪ್ರದಾಯದಂತೆ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದರು. ಸೋನಂ ಮದುವೆಗೆ ಕರೀನಾ ಕಪೂರ್, ಸೈಫ್ ಅಲಿ ಖಾನ್, ಅಮಿತಾಬ್ ಬಚ್ಚನ್, ಕರಣ್ ಜೋಹರ್, ಜಾನ್ವಿ ಕಪೂರ್, ಬೋನಿ ಕಪೂರ್ ಸೇರಿದಂತೆ ಬಾಲಿವುಡ್ ತಾರಾಗಣವೇ ಭಾಗವಹಿಸಿತ್ತು.