ನವದೆಹಲಿ: ಅಮೆರಿಕ (USA) ವಿನಾಯಿತಿ ನೀಡುವ ಮೊದಲೇ ರಷ್ಯಾದ 18 ಹಡಗುಗಳು (Russian Crude Oil Ships) ಕಚ್ಚಾ ತೈಲವನ್ನು ಹೊತ್ತುಕೊಂಡು ಬರುತ್ತಿದ್ದು ಶೀಘ್ರವೇ ಭಾರತವನ್ನು (India) ತಲುಪುವ ಸಾಧ್ಯತೆಯಿದೆ.
ಅರಬ್ಬಿ ಸಮುದ್ರ ಮತ್ತು ಬಂಗಾಳಕೊಲ್ಲಿಯಲ್ಲಿ ಒಂದು ಡಜನ್ಗಿಂತಲೂ ಹೆಚ್ಚು ಟ್ಯಾಂಕರ್ಗಳ ಮೇಲೆ ಕಚ್ಚಾ ತೈಲ ನಿಂತಿದೆ. ಈ ಸರಕುಗಳು ಒಂದು ವಾರ ಅಥವಾ ಅದಕ್ಕಿಂತ ಕಡಿಮೆ ಅವಧಿಯಲ್ಲಿ ಭಾರತವನ್ನು ತಲುಪಲಿದೆ.
ಸುಮಾರು 7 ಮಿಲಿಯನ್ ಬ್ಯಾರೆಲ್ಗಳ ರಷ್ಯಾದ ಯುರಲ್ಸ್ ತೈಲವನ್ನು ಹೊತ್ತ ಎಂಟು ಹಡಗುಗಳು ಸಿಂಗಾಪುರದಿಂದಲ್ಲಿದ್ದು ಇವು ಭಾರತದ ಬಂದರನ್ನು ಶೀಘ್ರವೇ ತಲುಪುವ ಸಾಧ್ಯತೆಯಿದೆ. ಇದನ್ನೂ ಓದಿ: ಕೇಂದ್ರದಿಂದ ತುರ್ತು ಅಧಿಕಾರ ಬಳಕೆ – ಎಲ್ಪಿಜಿ ಉತ್ಪಾದನೆ ಹೆಚ್ಚಿಸಲು ಸಂಸ್ಕರಣಾ ಘಟಕಗಳಿಗೆ ಆದೇಶ
ಕಪ್ಪು ಸಮುದ್ರ ಮಾರ್ಗ 17–25 ದಿನಗಳು, ಬಾಲ್ಟಿಕ್ ಮಾರ್ಗ ಸರಿಸುಮಾರು 30–40 ದಿನಗಳು, ಆರ್ಕ್ಟಿಕ್ ಮಾರ್ಗ ಸರಿಸುಮಾರು 30–35 ದಿನಗಳಲ್ಲಿ ರಷ್ಯಾದಿಂದ ಭಾರತಕ್ಕೆ ಹಡಗುಗಳು ಬರುತ್ತವೆ. ಭಾರತ ಇತ್ತೀಚಿನ ದಿನಗಳಲ್ಲಿ 10 ಮಿಲಿಯನ್ ಬ್ಯಾರೆಲ್ಗಳಿಗಿಂತ ಹೆಚ್ಚು ರಷ್ಯಾದ ಕಚ್ಚಾ ತೈಲವನ್ನು ಖರೀದಿಸಿದೆ.
ಫೆಬ್ರವರಿಯಲ್ಲಿ ರಷ್ಯಾದಿಂದ ಭಾರತ 1 ಮಿಲಿಯನ್ ಬಿಪಿಡಿ ಕಚ್ಚಾ ತೈಲವನ್ನು ಆಮದು ಮಾಡಿಕೊಂಡರೆ ಸೌದಿ ಅರೇಬಿಯಾದಿಂದ 7.7 ಲಕ್ಷ ಬ್ಯಾರೆಲ್ಗ ತೈಲವನ್ನು ಆಮದು ಮಾಡಿತ್ತು. ಟ್ರಂಪ್ ರಷ್ಯಾದಿಂದ ಕಚ್ಚಾ ತೈಲ ಆಮದು ನಿಲ್ಲಿಸಬೇಕು ಎಂದು ಹೇಳಿದ್ದರೂ ಭಾರತದ ತೈಲ ಆಮದಿನಲ್ಲಿ ರಷ್ಯಾ ಮೊದಲ ಸ್ಥಾನ ಪಡೆದಿದ್ದರೆ ಸೌದಿ ಅರೇಬಿಯಾ ಎರಡನೇ ಸ್ಥಾನವನ್ನು ಪಡೆದುಕೊಂಡಿತ್ತು. ಇದನ್ನೂ ಓದಿ: ರಷ್ಯಾ ತೈಲ ಖರೀದಿಸಲು ಭಾರತಕ್ಕೆ 30 ದಿನಗಳ ವಿನಾಯಿತಿ ಕೊಟ್ಟ ಅಮೆರಿಕ
ಫೆಬ್ರವರಿಯಲ್ಲಿ ರಷ್ಯಾದಿಂದ ಕಚ್ಚಾ ತೈಲ ಆಮದು 1 ಮಿಲಿಯನ್ ಬ್ಯಾರೆಲ್ ಪರ್ ಡೇಗಿಂತ ಸ್ವಲ್ಪ ಹೆಚ್ಚು ದಾಖಲಾಗಿತ್ತು, ಜನವರಿಯಲ್ಲಿ 1.1 ಎಂಬಿಡಿ ಮತ್ತು ಕಳೆದ ಡಿಸೆಂಬರ್ನಲ್ಲಿ 1.2 ಎಂಬಿಡಿ ದಾಖಲಾಗಿತ್ತು.
ಉಕ್ರೇನ್ ಯುದ್ಧ ಪ್ರಾರಂಭವಾದಾಗಿನಿಂದ ಭಾರತವು ರಷ್ಯಾದಿಂದ ಸುಮಾರು 144 ಬಿಲಿಯನ್ ಯುರೋಗಳಷ್ಟು ಕಚ್ಚಾ ತೈಲವನ್ನು ಆಮದು ಮಾಡಿಕೊಂಡಿದೆ ಎಂದು ಯುರೋಪಿಯನ್ ಚಿಂತಕರ ಚಾವಡಿ ಈ ಜನವರಿಯಲ್ಲಿ ಹೇಳಿತ್ತು. ಫೆಬ್ರವರಿ 2022 ರಿಂದ ಜಾಗತಿಕ ತೈಲ ಮಾರಾಟದಿಂದ ರಷ್ಯಾ ಸುಮಾರು 1 ಟ್ರಿಲಿಯನ್ ಯುರೋ ಆದಾಯ ಗಳಿಸಿರಬಹುದು ಎಂದು ಸೆಂಟರ್ ಫಾರ್ ರಿಸರ್ಚ್ ಆನ್ ಎನರ್ಜಿ ಆಂಡ್ ಕ್ಲೀನ್ ಏರ್(CREA) ಹೇಳಿತ್ತು. ಇದನ್ನೂ ಓದಿ: ಸಿದ್ದರಾಮಯ್ಯ ಬಜೆಟ್ ಎಫೆಕ್ಟ್ – ಯುನೈಟೆಡ್ ಬ್ರಿವರೀಸ್, ಯುನೈಟೆಡ್ ಸ್ಪಿರಿಟ್ಸ್ ಷೇರು ದಿಢೀರ್ ಭಾರೀ ಏರಿಕೆ
