ಚೆನ್ನೈ: ಐಪಿಎಲ್ ಕಪ್ ಗೆದ್ದ ಸಂಭ್ರಮದಲ್ಲಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಆಟಗಾರರು ಗೆಲುವಿನ ಸಂಭ್ರಮಾಚರಣೆಯನ್ನು ಮುಂದುವರಿಸಿದ್ದು, ತಮ್ಮ ಅಭಿಮಾನಿಗಳಿಗಾಗಿ ಹೊಸ ಹಾಡನ್ನು ಬ್ರಾವೋ ಬಿಡುಗಡೆಗೊಳಿಸಿದ್ದಾರೆ.
ಈ ಹಿಂದೆ `ಚಾಂಪಿಯನ್ಸ್’ ಹಾಡಿನ ಮೂಲಕ ಅಭಿಮಾನಿಗಳನ್ನು ಮನರಂಜಿಸಿದ್ದ ಬ್ರಾವೋ ಸದ್ಯ `ವಿ ಆರ್ ದಿ ಕಿಂಗ್ಸ್’ ಹಾಡಿನ ಮೂಲಕ ಮತ್ತೆ ಬಂದಿದ್ದಾರೆ. ಸದ್ಯ ಹಾಡನ್ನು ಬ್ರಾವೋ ತಮ್ಮ ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದ್ದು ಎಲ್ಲೆಡೆ ವೈರಲ್ ಆಗಿದೆ. ವಿಡಿಯೋದಲ್ಲಿ ಧೋನಿ ಮತ್ತೊಮ್ಮೆ ಖಡಕ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.
Advertisement
To all our #csk fans you all have been requesting it so here it is from the champion @ djbravo47 to you “We are the Kings Chennai Super Kings” anthem.I hope you all like it #yellowarmy #rundworld #champion #WeAreTheKingshttps://t.co/4SVHYpoh5X
— Dwayne DJ Bravo (@DJBravo47) May 28, 2018
Advertisement
ಬ್ರಾವೋ ಈ ಹಾಡಿನ ಮೂಲಕ ತಾನು ಕೇವಲ ಆಟಗಾರರ ಮಾತ್ರವಲ್ಲ, ಉತ್ತಮ ಸಂಗೀತಗಾರ ಎಂಬುವುದನ್ನು ಮತ್ತೊಮ್ಮೆ ಸಾಬೀತು ಪಡಿಸಿದ್ದಾರೆ. ಮೇ 28 ರಂದು ಅಪ್ಲೋಡ್ ಆಗಿರುವ ವಿಡಿಯೋ ಯೂ ಟ್ಯೂಬ್ ನಲ್ಲಿ 10 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ.
Advertisement
ಟೂರ್ನಿಯಲ್ಲಿ 16 ಪಂದ್ಯಗಳನ್ನು ಆಡಿರುವ ಬ್ರಾವೋ 14 ವಿಕೆಟ್ ಪಡೆದು, 35.25 ಸರಾಸರಿಯಲ್ಲಿ 141 ರನ್ ಗಳಿಸಿದ್ದಾರೆ. ಆಲ್ ರೌಂಡರ್ ಪ್ರದರ್ಶನ ನೀಡುವ ಬ್ರಾವೋ ಐಪಿಎಲ್ ಅಲ್ಲದೇ ಬಿಗ್ ಬಾಷ್ ಟೂರ್ನಿಯಲ್ಲೂ ಭಾಗವಹಿಸಿದ್ದಾರೆ.
Advertisement
ಟಿ20 ಮಾದರಿಯಲ್ಲಿ 400 ವಿಕೆಟ್ ಪಡೆದ ಸಾಧನೆ ಮಾಡಿರುವ ಕೆರೆಬಿಯನ್ ಆಟಗಾರ ಬ್ರಾವೋ ಕಳೆದ ವರ್ಷಗಳಿಂದ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆದಿಲ್ಲ. 2014 ರಲ್ಲಿ ತಮ್ಮ ಕೊನೆಯ ಏಕದಿನ ಪಂದ್ಯವನ್ನು ಆಡಿದ್ದರು.
