-ಸೆ.20ರಿಂದ ಮಾರಾಟ ಆರಂಭ
ಆಪಲ್ ಕಂಪನಿ ಇತ್ತೀಚಿಗಷ್ಟೇ ಬಿಡುಗಡೆಗೊಳಿಸಿದ ಬಹು ನಿರೀಕ್ಷಿತ ಐಫೋನ್ 16 ಸರಣಿಯ (Iphone 16 Series) ಫೋನ್‌ಗಳ ಬುಕ್ಕಿಂಗ್ ಭಾರತದಲ್ಲಿ (India) ನಾಳೆಯಿಂದ (ಸೆ.13) ಶುರುವಾಗಲಿದೆ.
Advertisement
ಬಹು ನಿರೀಕ್ಷಿತ ಐಫೋನ್ 16 ಸರಣಿಯ ಫೋನ್ ಇತ್ತೀಚಿಗಷ್ಟೇ ಬಿಡುಗಡೆಯಾಗಿತ್ತು. ಅಮೆರಿಕ ಕ್ಯಾಲಿಫೋರ್ನಿಯಾದಲ್ಲಿರುವ ಕೇಂದ್ರ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ 4 ಹೊಸ ಐಫೋನ್‌ಗಳನ್ನು ವಿಶ್ವಕ್ಕೆ ಪರಿಚಯಿಸಿತ್ತು. ನಾಳೆಯಿಂದ ಬುಕ್ಕಿಂಗ್ ಶುರುವಾಗಲಿದ್ದು, ಸೆ.20 ರಿಂದ ಮಾರಾಟ ಆರಂಭವಾಗಲಿದೆ.ಇದನ್ನೂ ಓದಿ: Apple iPhone 16 Series Launched – ಭಾರತದಲ್ಲಿ ಎಷ್ಟು ದರ? ಬೇರೆ ದೇಶಗಳಲ್ಲಿ ಎಷ್ಟು?
Advertisement
Advertisement
ಐಫೋನ್ 16 ಸರಣಿಯ ಬುಕ್ಕಿಂಗ್ ಹೇಗೆ?
ಸೆ.15 ರಂದು ಆಪಲ್ ಸ್ಟೋರ್ (Apple Store), ಆಪಲ್ ಇಂಡಿಯಾ ವೆಬ್‌ಸೈಟ್ (Apple India Website) ಹಾಗೂ ಅಮೆಜಾನ್ (Amazon), ಫ್ಲಿಪ್‌ಕಾರ್ಟ್‌ನಂತಹ (Flipkart) ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್ಗಳಿಂದ ಬುಕ್ ಮಾಡಬಹುದು ಅಥವಾ ಹತ್ತಿರದ ಸ್ಟೋರ್‌ಗಳಿಂದ ಪ್ರೀ ಬುಕ್ ಮಾಡಬಹುದು. ಹೊಸ ಐಫೋನ್‌ಗಳ ಮಾರಾಟವು ಸೆ.20 ರಂದು ಪ್ರಾರಂಭವಾಗುತ್ತದೆ.
Advertisement
ಭಾರತದಲ್ಲಿ 128 ಜಿಬಿ ಫೋನಿಗೆ ದರ ಎಷ್ಟು?
ಐಫೋನ್ 16 – 79,900 ರೂ.
ಐಫೋನ್ 16 ಪ್ಲಸ್ – 89,900 ರೂ.
ಐಫೋನ್ 16 ಪ್ರೋ – 1,19,900 ರೂ.
ಐಫೋನ್ 16 ಪ್ರೋ ಮ್ಯಾಕ್ಸ್ -1,44,900 ರೂ. (256 ಜಿಬಿ ಸ್ಟೋರೇಜ್)
ಭಾರತದಲ್ಲಿ ಐಫೋನ್ ಬೆಲೆ ಜಾಸ್ತಿ ಯಾಕೆ?
ಭಾರತದಲ್ಲಿ ಐಫೋನ್ ಉತ್ಪಾದನೆಯಾದರೂ ಹಲವು ಬಿಡಿ ಭಾಗಗಳನ್ನು ಆಮದು ಮಾಡಿಕೊಳ್ಳುತ್ತಿದೆ. ಅಬಕಾರಿ ಸುಂಕ ಪಾವತಿ ಮಾಡಿದ ಬಳಿಕ ವಸ್ತುಗಳು ಭಾರತಕ್ಕೆ ಆಮದು ಆಗುತ್ತಿದೆ. ಆಮದು ಮಾಡಿಕೊಳ್ಳುವ ವಸ್ತುಗಳಿಗೆ ತೆರಿಗೆ ಹಾಕುವುದರಿಂದ ಅದನ್ನು ಭರಿಸಲು ಕಂಪನಿಗಳು ದರವನ್ನು ಏರಿಕೆ ಮಾಡಿವೆ. ಫೋನ್‌ಗಳ ಮೇಲೆ ಶೇ.18 ಜಿಎಸ್‌ಟಿ ಇದೆ. ಅಬಕಾರಿ ಸುಂಕವನ್ನು ಕಂಪನಿಗಳು ಹಾಕುವ ಪರಿಣಾಮ ಫೋನ್ ಬೆಲೆ ಶೇ.35 ರಷ್ಟು ಹೆಚ್ಚಿರುತ್ತದೆ.
ಅಮೆರಿಕ ಮತ್ತು ಯುಎಇಗೆ ಹೋಲಿಸಿದರೆ ಭಾರತದಲ್ಲಿ ಐಫೋನ್ ಬಳಕೆ ಮಾಡುವವರ ಸಂಖ್ಯೆ ಬಹಳ ಕಡಿಮೆ. ಬೇಡಿಕೆ ಜಾಸ್ತಿ ಇದ್ದಾಗ ಫೋನ್‌ಗಳ ಬೆಲೆ ಕಡಿಮೆ ಇರುವುದು ಸಾಮಾನ್ಯ. ಭಾರತದಲ್ಲಿ ಬೇಡಿಕೆ ಕಡಿಮೆ ಇರುವುದರಿಂದ ಬೆಲೆ ಜಾಸ್ತಿ ಇದೆ.
ಆಪಲ್ ಭಾರತದಲ್ಲಿ ವಿಶೇಷ ಮಾರುಕಟ್ಟೆ ತಂತ್ರವನ್ನು ಬಳಕೆ ಮಾಡುತ್ತಿದೆ. ಹೊಸ ಐಫೋನ್ ಬಿಡುಗಡೆ ಮಾಡುವ ಸಮಯದಲ್ಲಿ ಹಳೆಯ ಐಫೋನ್ ಬೆಲೆಗಳು ಭಾರೀ ಪ್ರಮಾಣದಲ್ಲಿ ಇಳಿಕೆ ಮಾಡುತ್ತದೆ. ಆದರೆ ಬೇರೆ ಕಂಪನಿಗಳ ಫೋನ್ ದರಗಳು ಇಳಿಕೆಯಾದರೂ ಅಷ್ಟೊಂದು ದರ ಇಳಿಕೆಯಾಗುವುದಿಲ್ಲ.ಇದನ್ನೂ ಓದಿ: iPhone Pro, Pro Max | ದುಬಾರಿ ಫೋನ್‌ಗಳು ಫಸ್ಟ್‌ ಟೈಂ ಭಾರತದಲ್ಲೇ ತಯಾರು – ಬೆಲೆ ಎಷ್ಟು ಕಡಿಮೆಯಾಗಬಹುದು?
ಡಾಲರ್ ಬೆಲೆ ಏರಿಕೆಯಾದಂತೆ ಇಲ್ಲೂ ವಸ್ತುಗಳ ಬೆಲೆ ಏರಿಕೆಯಾಗುತ್ತದೆ. ಈ ಕಾರಣದಿಂದ ಭಾರತದಲ್ಲೂ ಐಫೋನ್ ದರ ಏರುತ್ತದೆ.
ಯುಎಇಯಲ್ಲಿ ಆಮದು ಸುಂಕ ಮತ್ತು ತೆರಿಗೆ ಕಡಿಮೆ ಇರುವುದರಿಂದ ದುಬೈನಲ್ಲಿ ಐಫೋನ್ ದರ ಭಾರತಕ್ಕೆ ಹೋಲಿಸಿದರೆ ಬಹಳ ಕಡಿಮೆಯಿದೆ.
