ಯುಎಇ ವಿಮಾನ ಅಪಘಾತದಲ್ಲಿ ಪೈಲಟ್‌ ಜೊತೆ ಭಾರತೀಯ ಮೂಲದ ವೈದ್ಯ ಸಾವು

ದುಬೈ: ರಾಸ್‌ ಅಲ್‌ ಖೈಮಾ ಕರಾವಳಿಯಲ್ಲಿ ಆದ ಲಘು ವಿಮಾನ ಅಪಘಾತದಲ್ಲಿ ಪೈಲಟ್‌ ಜೊತೆಗೆ ಭಾರತೀಯ ಮೂಲದ ವೈದ್ಯ ಕೂಡ ಮೃತಪಟ್ಟಿದ್ದಾರೆ.

ಡಿ.26 ರಂದು ಈ ಅವಘಡ ಸಂಭವಿಸಿತ್ತು. 26 ವರ್ಷದ ಸುಲೈಮಾನ್ ಅಲ್ ಮಜೀದ್ ಮೃತ ವ್ಯಕ್ತಿ. ಅಂದು ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಕೋವ್ ರೊಟಾನಾ ಹೋಟೆಲ್ ಬಳಿ ಟೇಕಾಫ್ ಆದ ಕೆಲವೇ ಸಮಯದಲ್ಲಿ ಈ ಅಪಘಾತ ಸಂಭವಿಸಿದೆ ಎಂದು ಅವರ ತಂದೆ ಮಜಿದ್ ಮುಕರ್ರಂ ತಿಳಿಸಿದ್ದಾರೆ.

ಈ ಅಪಘಾತದಲ್ಲಿ 26 ವರ್ಷದ ಪಾಕಿಸ್ತಾನಿ ಮಹಿಳೆ ಪೈಲಟ್ ಪ್ರಾಣ ಕಳೆದುಕೊಂಡಿದ್ದಾರೆ. ಜನರಲ್ ಸಿವಿಲ್ ಏವಿಯೇಷನ್ ​​ಅಥಾರಿಟಿ (ಜಿಸಿಎಎ) ಘಟನೆಯನ್ನು ದೃಢಪಡಿಸಿದೆ. ಈ ವಿಮಾನವು ಜಜಿರಾ ಏವಿಯೇಷನ್ ​​ಕ್ಲಬ್‌ಗೆ ಸೇರಿದೆ ಎಂದು ಖಲೀಜ್ ಟೈಮ್ಸ್ ವರದಿ ಮಾಡಿದೆ.

ಡಾ.ಸುಲೈಮಾನ್ ಅವರು ತಮ್ಮ ಕುಟುಂಬದೊಂದಿಗೆ-ತಂದೆ, ತಾಯಿ ಮತ್ತು ಕಿರಿಯ ಸಹೋದರರೊಂದಿಗೆ ದೃಶ್ಯವೀಕ್ಷಣೆಯ ಪ್ರವಾಸಕ್ಕಾಗಿ ಲಘು ವಿಮಾನವನ್ನು ಬಾಡಿಗೆಗೆ ಪಡೆದಿದ್ದರು.