– ಮೃತದೇಹವನ್ನ ಸೂಟ್‍ಕೇಸಿನಲ್ಲಿ ತುಂಬಿ ವೈದ್ಯೆಯ ಕಾರಿನಲ್ಲಿಯೇ ಬಚ್ಚಿಟ್ರು!
ಮೆಲ್ಬೋರ್ನ್: ಆಸ್ಟ್ರೇಲಿಯಾದ ಜನನಿಬಿಡ ಪ್ರದೇಶದಿಂದ ನಿಗೂಢವಾಗಿ ನಾಪತ್ತೆಯಾಗಿದ್ದ ಭಾರತೀಯ ಮೂಲದ ದಂತ ವೈದ್ಯೆ ಬುಧವಾರ ಬರ್ಬರವಾಗಿ ಕೊಲೆ ಆದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.
ಪ್ರೀತಿ ರೆಡ್ಡಿ (32) ಕೊಲೆಯಾದ ದಂತ ವೈದ್ಯೆ. ಈಸ್ಟರ್ನ್ ಸಿಡ್ನಿ ರಸ್ತೆಯಲ್ಲಿ ವೈದ್ಯೆ ಪಾರ್ಕ್ ಮಾಡಿದ್ದ ಕಾರಿನ ಸೂಟ್‍ಕೇಸಿನಲ್ಲೇ ಮೃತದೇಹವನ್ನು ತುಂಬಿಡಲಾಗಿತ್ತು. ಪ್ರೀತಿ ಮಾಜಿ ಪ್ರಿಯಕರ ಕೂಡ ಅಪಘಾತದಲ್ಲಿ ಮೃತಪಟ್ಟಿದ್ದರಿಂದ ಈ ಪ್ರಕರಣದ ಬಗ್ಗೆ ಅನುಮಾನಗಳು ಹೆಚ್ಚಾಗುತ್ತಿದೆ ಎಂದು ನ್ಯೂ ಸೌತ್ ವೇಲ್ಸ್‍ನ ಪೊಲೀಸ್ ಅಧಿಕಾರಿ ಹೇಳಿದ್ದಾರೆ.
Advertisement
Advertisement
ಪ್ರೀತಿ ಕೊನೆಯದಾಗಿ ಭಾನುವಾರ ಜಾರ್ಜ್ ರಸ್ತೆಯಲ್ಲಿರುವ ಮ್ಯಾಕ್‍ಡಾನಲ್ಡ್ ನ ಲೈನಿನಲ್ಲಿ ನಿಂತಿದ್ದರು. ಬಳಿಕ ಅಲ್ಲಿಂದ ಏಕಾಏಕಿ ನಿಗೂಢವಾಗಿ ನಾಪತ್ತೆ ಆಗಿದ್ದರು. ಮಂಗಳವಾರ ಪೊಲೀಸರು ಕಿಂಗ್ಸ್ ಫೋರ್ಡ್ ನಲ್ಲಿರುವ ಸ್ಟ್ರಾಚನ್ ಲೇನ್‍ನಲ್ಲಿ ಪ್ರೀತಿಯ ಕಾರನ್ನು ಪತ್ತೆ ಹಚ್ಚಿದ್ದರು. ಬಳಿಕ ಆ ಕಾರನ್ನು ಪರಿಶೀಲಿಸಿದ್ದಾಗ ಸೂಟ್‍ಕೇಸ್‍ನಲ್ಲಿ ಪ್ರೀತಿ ಮೃತದೇಹ ಇರುವುದನ್ನು ಗಮಿನಿಸಿದ್ದಾರೆ.
Advertisement
Advertisement
ಪ್ರೀತಿಯ ಮೃತದೇಹದ ಮೇಲೆ ಚಾಕುವಿನಿಂದ ಇರಿದ ಗಾಯದ ಗುರುತುಗಳಿದ್ದವು. ಅಲ್ಲದೇ ಪ್ರೀತಿ ಮತ್ತು ಆಕೆಯ ಮಾಜಿ ಪ್ರಿಯಕರ ಸಿಡ್ನಿಯ ಮಾರ್ಕೆಟ್ ರಸ್ತೆಯ ಹೋಟೆಲ್‍ನಲ್ಲಿ ವಾಸಿಸುತ್ತಿದ್ದರು. ಪ್ರೀತಿ ಭಾನುವಾರ ಬೆಳಗ್ಗೆ 11 ಗಂಟೆಗೆ ತನ್ನ ಕುಟುಂಬದವರ ಜೊತೆ ಕೊನೆಯದಾಗಿ ಮಾತನಾಡಿದ್ದರು. ಅಲ್ಲದೇ ವಾರಾಂತ್ಯದಲ್ಲಿ ಆಕೆ ಸೇಂಟ್ ಲಿಯೋನಾಡ್ರ್ಸ್ ನಲ್ಲಿ ನಡೆಯುವ ಡೆಂಟಲ್ ಕಾನ್ಫರೆನ್ಸ್ ನಲ್ಲಿ ಭಾಗವಹಿಸುತ್ತಿದ್ದರು.
ಪ್ರೀತಿ ತನ್ನ ಪೋಷಕರಿಗೆ ತಿಂಡಿ ತಿಂದು ಕರೆ ಮಾಡುವುದಾಗಿ ಹೇಳಿದ್ದರು. ಆದರೆ ಆಕೆ ಕರೆ ಮಾಡದೇ ಇರುವ ಕಾರಣ ಆಕೆಯ ಪೋಷಕರು ಪೊಲೀಸರಿಗೆ ಕರೆ ಮಾಡಿದ್ದಾರೆ. ಪ್ರೀತಿ ನಿಗೂಢವಾಗಿ ನಾಪತ್ತೆ ಆದ ದಿನದಿಂದ ನಾವು ನೆಮ್ಮದಿಯಾಗಿ ನಿದ್ದೆ ಮಾಡಲು ಸಾಧ್ಯವಾಗಲಿಲ್ಲ. ಆಕೆ ಸುರಕ್ಷಿತವಾಗಿ ಹಿಂದಿರುಗಲಿ ಎಂದು ನಾವೆಲ್ಲರೂ ಪ್ರಾರ್ಥಿನೆ ಮಾಡಲಾಗಿತ್ತು ಎಂದು ಪ್ರೀತಿ ಸಹದ್ಯೋಗಿಗಳು ಹೇಳಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
