ರಾಂಚಿ: ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ಕೊರೊನಾ ವೈರಸ್ ಮತ್ತು ಲಾಕ್ ಡೌನ್‍ನಿಂದಾಗಿ ನ್ಯೂ ಲುಕ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಎಂ.ಎಸ್.ಧೋನಿ ಅವರು ಲಾಕ್‍ಡೌನ್‍ನಿಂದಾಗಿ ಕುಟುಂಬದ ಜೊತೆಗೆ ಕಾಲ ಕಳೆಯುತ್ತಿದ್ದಾರೆ. ಕಳೆದ ಕೆಲವು ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲೂ ಕಾಣಿಸಿಕೊಳ್ಳದ ಧೋನಿ ನ್ಯೂ ಲುಕ್‍ನಲ್ಲಿ ಕಾಣಿಸಿಕೊಂಡು, ಅಭಿಮಾನಿಗಳಿಗೆ ಅಚ್ಚರಿ ನೀಡಿದ್ದಾರೆ.
ಧೋನಿ ಅವರ ಪುತ್ರಿ ಝೀವಾ ತಂದೆಯೊಂದಿಗೆ ಕಾಲ ಕಳೆಯುತ್ತಿರುವ ವಿಡಿಯೋವನ್ನು ತನ್ನ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾಳೆ. ಇದರಲ್ಲಿ ಧೋನಿ ಕಪ್ಪು ಕೂದಲು ಮತ್ತು ಬಿಳಿ ಗಡ್ಡದ ಲುಕ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಡಿಯೋದಲ್ಲಿ ಎಂಎಸ್‍ಡಿ ತಮ್ಮ ಫಾರ್ಮ್ ಹೌಸ್‍ನಲ್ಲಿ ಮಗಳು ಮತ್ತು ನಾಯಿಯ ಜೊತೆ ಆಟ ಆಡುತ್ತಿದ್ದಾರೆ.
ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಧೋನಿ ಏಕದಿನ ವಿಶ್ವಕಪ್ 2019ರ ಬಳಿಕ ಕ್ರಿಕೆಟ್‍ನಿಂದ ದೂರ ಉಳಿದಿದ್ದಾರೆ. ಅವರು ಐಪಿಎಲ್‍ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಟೀಂ ಇಂಡಿಯಾಗೆ ಕಮ್‍ಬ್ಯಾಕ್ ಮಾಡಲು ಯೋಜಿಸಿದ್ದರು. ಆದರೆ ಇದೀಗ ಅದು ಸಾಧ್ಯವೆಂದು ತೋರುತ್ತಿಲ್ಲ. ಏಕೆಂದರೆ ಕೊರೊನಾ ಮತ್ತು ಲಾಕ್‍ಡೌನ್ ಕಾರಣ ಐಪಿಎಲ್ ಅನ್ನು ಅನಿರ್ದಿಷ್ಟವಾಗಿ ಮುಂದೂಡಲಾಗಿದೆ. ಈ ಮಧ್ಯೆ ಧೋನಿ ನಿವೃತ್ತಿಯ ಬಗ್ಗೆ ಮಾತುಗಳು ಕೇಳಿ ಬರುತ್ತಿವೆ.
https://www.instagram.com/tv/B_7eILdnn1v/?utm_source=ig_embed
ಧೋನಿ ಐಪಿಎಲ್‍ನಲ್ಲಿ ಫ್ರ್ಯಾಂಚೈಸ್ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‍ಕೆ) ತಂಡದ ನಾಯಕರಾಗಿದ್ದಾರೆ. ಸಿಎಸ್‍ಕೆ ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಧೋನಿ ಮತ್ತು ಸುರೇಶ್ ರೈನಾ ಅವರ ವಿಡಿಯೋವನ್ನು ಮಾರ್ಚ್ 9ರಂದು ಟ್ವೀಟ್ ಮಾಡಿತ್ತು. ಇದರಲ್ಲಿ ಧೋನಿ ಕಟ್ಟಿಂಗ್, ಸೇವಿಂಗ್ ಮಾಡಿಸಿಕೊಂಡಿದ್ದರು. ಆದರೆ ರೈನಾ ಗಡ್ಡ ಬಿಟ್ಟಿದ್ದರು. ಈ ವೇಳೆ ಧೋನಿಯನ್ನು ಅಪ್ಪಿಕೊಂಡ ರೈನಾ, ನಿಮ್ಮ ಗಡ್ಡದ ಕೂದಲು ಬಿಳಿಯಾಗಿವೆ ಎಂದು ಗೇಲಿ ಮಾಡಿದ್ದರು.
Like the sky! @msdhoni @ImRaina #WhistlePodu ???????? pic.twitter.com/joMA6Infs4
— Chennai Super Kings (@ChennaiIPL) May 9, 2020
