ವೆಲ್ಲಿಂಗ್ಟನ್: ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಆಸಕ್ತಿಯುತ ಟ್ವೀಟ್‍ಗಳನ್ನು ಮಾಡುತ್ತಿರುವ ನ್ಯೂಜಿಲೆಂಡ್ ಕ್ರಿಕೆಟರ್ ಜಿಮ್ಮಿ ನೀಶಮ್ ಟೀಂ ಇಂಡಿಯಾ ನಾಯಕ ಕೊಹ್ಲಿರನ್ನ ಕಾಲೆಳೆಯಲು ಯತ್ನಿಸಿ ಟ್ರೋಲ್ ಆಗಿದ್ದಾರೆ.
ಸದ್ಯ ನಡೆಯುತ್ತಿರುವ ಆ್ಯಶಸ್ ಸರಣಿಯಲ್ಲಿ ಇಂಗ್ಲೆಂಡ್ ಆರಂಭಿಕ ಆಟಗಾರ ರೋರಿ ಬರ್ನ್ಸ್ ಟೆಸ್ಟ್ ಕ್ರಿಕೆಟ್ ಪಂದ್ಯದ 2ನೇ ದಿನದ ವೇಳೆ 125 ರನ್ ಸಿಡಿಸಿದ್ದರು. ಈ ವಿಚಾರವನ್ನು ಪ್ರಸ್ತಾಪ ಮಾಡಿದ್ದ ನಿಶಾಮ್, ಪ್ರತಿಷ್ಟಿತ ಸರಣಿಯಲ್ಲಿ ಕೊಹ್ಲಿಗಿಂತ ರೋರಿ ಬರ್ನ್ಸ್ ಹೆಚ್ಚು ರನ್ ಮಾಡಿದ್ದಾರೆ ಎಂದು ಟ್ವೀಟ್ ಮಾಡಿದ್ದರು. ಈ ಟ್ವೀಟ್ ಭಾರತ ಅಭಿಮಾನಿಗಳನ್ನು ಕೆರಳುವಂತೆ ಮಾಡಿದೆ.
Ok hey now that still hurts https://t.co/G25NnxdXsf
— Jimmy Neesham (@JimmyNeesh) August 3, 2019
ಈ ಹಿಂದೆ ವಿಶ್ವಕಪ್ ಫೈನಲ್ ಪಂದ್ಯದ ಸಂದರ್ಭದಲ್ಲಿ ಪಂದ್ಯದ ಟಿಕೆಟ್ ನೀಡುವಂತೆ ಭಾರತೀಯ ಅಭಿಮಾನಿಗಳನ್ನು ಮನವಿ ಮಾಡಿದ್ದ ನೀನು, ಇಂದು ಕೊಹ್ಲಿಯನ್ನ ರೋರಿ ಬರ್ನ್ಸ್ ಗೆ ಹೋಲಿಕೆ ಮಾಡುತ್ತಿದ್ದೀಯಾ. ಇದು ಒಳ್ಳೆಯದಲ್ಲ ಎಂದು ಅಭಿಮಾನಿಯೊಬ್ಬರು ನಿಶಾಮ್ ಟ್ವೀಟ್‍ಗೆ ಕಿಡಿಕಾರಿದ್ದಾರೆ. ನ್ಯೂಜಿಲೆಂಡ್ ಕ್ರಿಕೆಟ್ ಆರಂಭಿಕ ಆಟಗಾರರೆಲ್ಲರೂ ಗಳಿಸಿರುವ ರನ್ ಮೊತ್ತಕ್ಕಿಂತ ಕೊಹ್ಲಿಯೇ ಹೆಚ್ಚು ರನ್ ಮಾಡಿದ್ದಾರೆ ಎಂಬುವುದನ್ನು ತಿಳಿದುಕೊಳ್ಳಿ ನೀಶಮ್ ಎಂದು ಮತ್ತೊಬ್ಬ ತಿರುಗೇಟು ನೀಡಿದ್ದಾರೆ. ಅಂದಹಾಗೇ ಆ್ಯಶಸ್ ಸರಣಿ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ನಡುವೆ ನಡೆಯುವ ಸರಣಿ ಆಗಿದ್ದರೂ ಕೂಡ ನೀಶಮ್ ಕೊಹ್ಲಿರನ್ನ ಎಳೆದು ತಂದು ಟ್ರೋಲ್ ಆಗಿದ್ದಾರೆ. ಆದರೆ ಇದಾದ ಬಳಿಕ ಸ್ಪಷ್ಟನೆ ನೀಡಿ ತಾನು ಜೋಕ್ ಮಾಡಿದ್ದೇನೆ ಎಂದು ಹೇಳಿ ನೀಶಮ್ ಜಾರಿಕೊಂಡಿದ್ದಾರೆ.
https://twitter.com/JimmyNeesh/status/1157499602825695233
