ಎನ್‌ಕೌಂಟರ್‌ ವೇಳೆ ಭಯೋತ್ಪಾದಕರ ಗುಂಡೇಟಿಗೆ ಮಡಿದ ಸೇನಾ ಶ್ವಾನ

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದಲ್ಲಿ ನಡೆದ ಭಯೋತ್ಪಾದನಾ ಕಾರ್ಯಾಚರಣೆಯ ವೇಳೆ ಆಕ್ಸೆಲ್ ಎಂಬ ಭಾರತೀಯ ಸೇನೆಯ ಶ್ವಾನವೊಂದು ಗುಂಡು ತಗುಲಿ ಮೃತಪಟ್ಟಿದೆ.

ಈ ಬಗ್ಗೆ ಭಾರತ ಸೇನೆಯ ಚಿನಾರ್ ಕಾರ್ಪ್ಸ್ ಟ್ವೀಟ್ ಮಾಡಿದ್ದು, ಆಕ್ಸೆಲ್ ಸೇವೆಗಾಗಿ ಸೇನಾ ಸಿಬ್ಬಂದಿ ಭಾನುವಾರ ಗೌರವ ಸಲ್ಲಿಸುತ್ತಿರುವ ಫೋಟೋವನ್ನು ಹಂಚಿಕೊಂಡಿದೆ.

“Thank you for your Service Axel”#ChinarCorps salutes the valour & sacrifice of Army Dog No 74B7 AXEL (Aslt Canine) who laid down his life in the line of duty in Op Wanigambala, #Baramulla on 30 Jul 22.#Kashmir @adgpi @NorthernComd_IA https://t.co/X9KRKK30b0 pic.twitter.com/H3dazqVDpP
— Chinar Corps???? – Indian Army (@ChinarcorpsIA) July 30, 2022

ಶನಿವಾರ ಜಮ್ಮು ಮತ್ತು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ಭಯೋತ್ಪಾದನಾ ವಿರೋಧಿ ಕಾರ್ಯಾಚರಣೆಯನ್ನು ಆರಂಭಿಸಿದ್ದರು. ಈ ವೇಳೆ ನಡೆದ ಗುಂಡಿನ ದಾಳಿಯಲ್ಲಿ ಆಕ್ಸೆಲ್ ಸಾವನ್ನಪ್ಪಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಎನ್‍ಕೌಂಟರ್‌ನಲ್ಲಿ ಒಬ್ಬ ಭಯೋತ್ಪಾದಕನನ್ನು ಹತ್ಯೆ ಮಾಡಲಾಗಿದೆ. ಆದರೆ ಈ ಸಂದರ್ಭದಲ್ಲಿ ಮೂವರು ಭದ್ರತಾ ಸಿಬ್ಬಂದಿ ಗಾಯಗೊಂಡರು. ಇದನ್ನೂ ಓದಿ: ಗಡಿ ಭಾಗದ ಸರ್ಕಾರಿ ಶಾಲೆಯಲ್ಲಿ ಹ್ಯಾಂಡ್ ಗ್ರೆನೇಡ್ ಪತ್ತೆ- ಬೆಳಗಾವಿ ಜಿಲ್ಲೆಯಲ್ಲಿ ಆತಂಕ

#Condolence #ArmyCdrNC condoles the death of Assault Dog ‘Axel’. Axel made the supreme sacrifice in an operation at #Pattan on 30 July 2022.
A real hero in service to the #Nation. #Salute @adgpi @DefenceMinIndia @SpokespersonMoD @OfficeOfLGJandK @ChinarcorpsIA @DDNewslive pic.twitter.com/0VnZMk7UTg
— NORTHERN COMMAND – INDIAN ARMY (@NorthernComd_IA) July 30, 2022

ಭಯೋತ್ಪಾದಕರ ಚಲನವಲನದ ಮೇಲೆ ನಿಗಾ ಇಡಲು, 2 ಸೇನಾ ಶ್ವಾನಗಳಾದ ಬಜಾಜ್ ಮತ್ತು ಆಕ್ಸೆಲ್ ಅನ್ನು ಮನೆಯೊಳಗೆ ಕಳುಹಿಸಲಾಗಿತ್ತು. ಆದರೆ ಭದ್ರತಾ ಪಡೆಗಳು ಮತ್ತು ಭಯೋತ್ಪಾದಕರ ನಡುವೆ ನಡೆದ ಗುಂಡಿನ ದಾಳಿ ವೇಳೆ, ಅಡಗಿಕೊಂಡಿದ್ದ ಭಯೋತ್ಪಾದಕರು ಆಕ್ಸೆಲ್‌ಗೆ ಗುಂಡು ಹೊಡೆದಿದ್ದು, 3 ಬುಲೆಟ್‍ಗಳು ಅದಕ್ಕೆ ತಗುಲು ಸ್ಥಳದಲ್ಲೇ ಪ್ರಾಣ ಬಿಟ್ಟಿದೆ. ಇದನ್ನೂ ಓದಿ: ಫಾಜಿಲ್ ಹತ್ಯೆ ಪ್ರಕರಣ – ಪತ್ತೆಯಾದ ಕಾರಿನಲ್ಲಿ ರಕ್ತದ ಕಲೆ!