ವಿಶಾಖಪಟ್ಟಣಂ: ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಕ್ರಿಕೆಟ್ ಪಂದ್ಯದ ವೇಳೆ ಟೀಂ ಇಂಡಿಯಾ ಆಟಗಾರ ರೋಹಿತ್ ಶರ್ಮಾ, ಸಹ ಆಟಗಾರ ಚೇತೇಶ್ವರ ಪೂಜಾರ ವಿರುದ್ಧ ಅವಾಚ್ಯ ಪದ ಪ್ರಯೋಗ ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಪಂದ್ಯದಲ್ಲಿ ಟೀಂ ಇಂಡಿಯಾ 2ನೇ ಇನ್ನಿಂಗ್ಸ್ ನ 4ನೇ ದಿನದಾಟದ 26ನೇ ಓವರಿನಲ್ಲಿ ಈ ಘಟನೆ ನಡೆದಿದೆ. ಬೌಲರ್ ಪೀಡ್ ಎಸೆದ ಬಾಲನ್ನು ರೋಹಿತ್ ಶರ್ಮಾ ಕವರ್ ಪಾಯಿಂಟ್ ನತ್ತ ತಳ್ಳಿ ಒಂದು ರನ್ ಓಡಲು ಮುಂದಾದರು. ಈ ವೇಳೆ ನಾನ್ ಸ್ಟ್ರೈಕ್ ನಲ್ಲಿದ್ದ ಪೂಜಾರ ರನ್ ಓಡಲು ಮುಂದಾಗಿ ನಂತರ ತಮ್ಮ ನಿರ್ಧಾರದಿಂದ ಹಿಂದಕ್ಕೆ ಸರಿದರು. ಅಸಮಾಧಾನಗೊಂಡ ರೋಹಿತ್ ಶರ್ಮಾ ಮರಳಿ ಕ್ರೀಸ್ ನತ್ತ ಓಡಿದರು. ಒಂದು ರನ್ ಪಡೆಯಲು ಸಾಧ್ಯವಿದ್ದರೂ ಓಡದ್ದಕ್ಕೆ ರೋಹಿತ್ ಶರ್ಮಾ ಪೂಜಾರ ಅವರನ್ನು ಅವಾಚ್ಯ ಪದಗಳಿಂದ ನಿಂದಿಸಿದರು.
ಅವಾಚ್ಯ ಪದ ಬಳಕೆ ಮಾಡಿರುವುದು ಸ್ಟಂಪ್ ಮೈಕ್‍ನಲ್ಲಿ ದಾಖಲಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಟ್ವಿಟ್ಟಗರು ರೋಹಿತ್‍ರನ್ನು ಟ್ರೋಲ್ ಮಾಡುತ್ತಿದ್ದಾರೆ.
ಗೆಲುವಿಗೆ 9 ವಿಕೆಟ್ ಬಾಕಿ: ಇತ್ತ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ರೋಹಿತ್ 147 ಎಸೆತಗಳಲ್ಲಿ 6 ಸಿಕ್ಸರ್, 10 ಬೌಂಡರಿಗಳ ನೆರವಿನಿಂದ 127 ರನ್ ಗಳಿಸಿ ನಿರ್ಗಮಿಸಿದರು. ಪೂಜಾರ 81 ರನ್, ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಜಡೇಜಾ 40 ರನ್, ಕೊಹ್ಲಿ 31 ರನ್, ರಹಾನೆ 27 ರನ್ ಗಳ ನೆರವಿನಿಂದ ಟೀಂ ಇಂಡಿಯಾ 4 ವಿಕೆಟ್ ನಷ್ಟಕ್ಕೆ 323 ರನ್ ಗಳಿಸಿದ್ದ ಸಂದರ್ಭದಲ್ಲಿ 2ನೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು.
Rohit ka Ben Stokes kohli se jada motivated tha
Thereafter pujara scored 45 out of 29 balls????#Pujara #INDvsSA#Hitman#RohitSharma #kohli pic.twitter.com/NqMivA08Rx
— Ashu Pandit (@PtAshu08) October 5, 2019
ಗೆಲ್ಲಲು 395 ರನ್ ಗುರಿ ಪಡೆದ 2ನೇ ಇನ್ನಿಂಗ್ಸ್ ಆರಂಭಿಸಿದ ದಕ್ಷಿಣ ಅಫ್ರಿಕಾ 4ನೇ ದಿನದಾಟದ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 11 ರನ್ ಗಳಿಸಿತು. ತಂಡದ ಪರ ಜಡೇಜಾ 2ನೇ ಇನ್ನಿಂಗ್ಸ್ ನಲ್ಲಿ ಎದುರಾಳಿಯ ಮೊದಲ ವಿಕೆಟ್ ಪಡೆದು ಅಘಾತ ನೀಡಿದರು.
ಸಂಕ್ಷೀಪ್ತ ಸ್ಕೋರ್:
ಟೀಂ ಇಂಡಿಯಾ: ಮೊದಲ ಇನ್ನಿಂಗ್ಸ್ 502/7 ಡಿಕ್ಲೇರ್
2ನೇ ಇನ್ನಿಂಗ್ಸ್ 323/4 ಡಿಕ್ಲೇರ್
ದಕ್ಷಿಣ ಆಫ್ರಿಕಾ: 431 ಅಲೌಟ್
2ನೇ ಇನ್ನಿಂಗ್ಸ್ 11/1
Pujara to Rohit : pic.twitter.com/7PD25Sa4AK
— Sachin Joshi (@joshisachin247) October 5, 2019
Pujara had scored 7 runs off 60 balls when Rohit Sharma shouted at him, "Puji bhaag behanc***". Thereafter Pujara scored 40 off next 29 balls.
Nothing motivates a desi guy like a friendly abuse from peers.
— THE SKIN DOCTOR (@theskindoctor13) October 5, 2019
