ಭಾರತವೇ ನನಗೆ ಸರ್ವಸ್ವ; ಸಂಪಾದಿಸಿದ್ದು, ಗಳಿಸಿದ್ದು ಇಲ್ಲಿಂದಲೇ...: ಅಕ್ಷಯ್ ಕುಮಾರ್ ಭಾವುಕ

ನವದೆಹಲಿ: ಭಾರತವೇ ನನಗೆ ಸರ್ವಸ್ವ. ನಾನು ಏನನ್ನು ಸಂಪಾದಿಸಿದ್ದೀನೋ.. ಏನನ್ನು ಗಳಿಸಿದ್ದೇನೋ ಎಲ್ಲವೂ ಇಲ್ಲಿಂದಲೇ ಎಂದು ಬಾಲಿವುಡ್ (Bollywood) ನಟ ಅಕ್ಷಯ್ ಕುಮಾರ್ (Akshay Kumar) ಭಾವುಕರಾಗಿದ್ದಾರೆ.

ಖಾಸಗಿ ವಾಹಿನಿಯೊಂದರ ಸಂದರ್ಶನದಲ್ಲಿ ಮಾತನಾಡಿದ ಅವರು, ಕೆನಡಾ ಪೌರತ್ವ (Canadian Citizenship) ಹೊಂದಿರುವ ಬಗ್ಗೆ ತಮ್ಮ ವಿರುದ್ಧ ಟೀಕೆಗಳು ಹೆಚ್ಚಾಗುತ್ತಿದ್ದಂತೆ ಅಕ್ಷಯ್ ಕುಮಾರ್ ಮೌನ ಮುರಿದು ಮಾತನಾಡಿದ್ದಾರೆ. ಇದನ್ನೂ ಓದಿ: ‘ಪೆಂಟಗನ್’ ಸಿನಿಮಾದ 3ನೇ ಕಥೆಯ ಲಿರಿಕಲ್ ವಿಡಿಯೋ ಸಾಂಗ್ ರಿಲೀಸ್

Akshay Kumar2

ಸಂದರ್ಶನದಲ್ಲಿ ಅಕ್ಷಯ್ ಹೇಳಿದ್ದೇನು?: ಕೆನಡಾ ಪೌರತ್ವ ಏಕೆ ಪಡೆದೆ ಎಂಬುದರ ಕಾರಣ ತಿಳಿಯದೇ ಕೆಲವರು ಮಾತನಾಡುತ್ತಿರುವುದಕ್ಕೆ ಬೇಸರವಾಗುತ್ತಿದೆ. ಭಾರತವೇ ನನಗೆ ಸರ್ವಸ್ವ. ನಾನು ಏನನ್ನು ಸಂಪಾದಿಸಿದ್ದೇನೊ.. ಏನನ್ನು ಪಡೆದುಕೊಂಡಿದ್ದೇನೊ.. ಅದೆಲ್ಲವೂ ಇಲ್ಲಿಂದಲೇ… ಒಂದು ವಿಷಯದ ಬಗ್ಗೆ ಏನೂ ತಿಳಿದುಕೊಳ್ಳದೇ ನೋವಾಗುತ್ತದೆ.

`90ರ ದಶಕದಲ್ಲಿ ನನ್ನ ಚಿತ್ರಗಳು ಬಾಕ್ಸಾಫೀಸ್‌ನಲ್ಲಿ ಸೋಲುತ್ತಿದ್ದವು. ಬೇರೆ ಕೆಲಸ ಹುಡುಕುವ ಸ್ಥಿತಿ ಬಂದಿತ್ತು. ಕೆನಡಾದಲ್ಲಿದ್ದ ನನ್ನ ಸ್ನೇಹಿತ ಬುಲಾವ್ ನೀಡಿದ್ದ. ಹಾಗಾಗಿ ಉದ್ಯೋಗಕ್ಕಾಗಿ ತೆರಳಿದ್ದೆ. ಆ ಸಂದರ್ಭ ನನ್ನ ಇನ್ನೂ ಎರಡು ಚಿತ್ರಗಳು ಬಿಡುಗಡೆ ಬಾಕಿ ಇತ್ತು. ಅದೃಷ್ಟವಶಾತ್ ಆ ಎರಡೂ ಚಿತ್ರಗಳು ಸೂಪರ್ ಹಿಟ್ ಆದವು. ಇದನ್ನೂ ಓದಿ: ನಿರೀಕ್ಷೆ ಹೆಚ್ಚಿಸಿದ ‘ಮಾರ್ಟಿನ್’ ಟೀಸರ್ : ಧ್ರುವ ಸರ್ಜಾ ಆ್ಯಕ್ಷನ್ ಭರ್ಜರಿ

Akshay Kumar 1

ಆಗ ನನ್ನ ಗೆಳೆಯ ಮತ್ತೆ ಭಾರತಕ್ಕೆ ಹೋಗಿ ಚಿತ್ರರಂಗದಲ್ಲಿ ಮುಂದುವರಿಯುವಂತೆ ಸೂಚಿಸಿದ. ಬಳಿಕ, ನನಗೆ ಮತ್ತಷ್ಟು ಚಿತ್ರಗಳು ಬಂದವು. ಕೈತುಂಬಾ ಕೆಲಸವೂ ಸಿಕ್ಕಿತು. ನಾನು ಕೆನಡಾ ಪಾಸ್‌ಪೋರ್ಟ್ ಹೊಂದಿದ್ದನ್ನೇ ಮರೆತಿದ್ದೆ. ಪಾಸ್‌ಪೋರ್ಟ್ ಅನ್ನು ಬದಲಾಯಿಸಬೇಕು ಎಂಬ ಯೋಚನೆಯೂ ನನಗೆ ಬಂದಿರಲಿಲ್ಲ. ಈಗ ನನ್ನ ಪಾಸ್‌ಪೋರ್ಟ್ ಅನ್ನು ಬದಲಾಯಿಸಲು ಅರ್ಜಿ ಸಲ್ಲಿಸಿದ್ದೇನೆ ಎಂದು ವಿವರಿಸಿದ್ದಾರೆ.

ಇದೇ ವೇಳೆ ಹೆರಾ ಫೆರಿ, ನಮಸ್ತೆ ಲಂಡನ್, ಟಾಯ್ಲೆಟ್; ಏಕ್ ಪ್ರೇಮ್ ಕಥಾ, ಪ್ಯಾಡ್ ಮ್ಯಾನ್ ಮುಂತಾದ ಚಿತ್ರಗಳಿಂದ ಗಮನ ಸೆಳೆದಿರುವ ಅಕ್ಷಯ್, ತಮ್ಮ ವೃತ್ತಿ ಜೀವನದಲ್ಲಿ 15 ಫ್ಲಾಪ್ ಚಿತ್ರಗಳ ಬಗ್ಗೆ ಮಾತನಾಡಿದ್ದಾರೆ.