ನವದೆಹಲಿ: ಭಾರತ ಮಂಟಪದಲ್ಲಿ ನಡೆಯುತ್ತಿರುವ ಜಾಗತಿಕ ಕೃತಕ ಬುದ್ದಿಮತ್ತೆ(AI) ಶೃಂಗದಲ್ಲಿ ಪ್ರಧಾನಿ ನರೇಂದ್ರ ಮೋದಿ (Narendra Modi) MANAV ದೃಷ್ಟಿಕೋನವನ್ನು ಪರಿಚಯಿಸಿದ್ದಾರೆ.
ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಅವರು, 21ನೇ ಶತಮಾನದ ಎಐ ಆಧಾರಿತ ಜಗತ್ತಿನಲ್ಲಿ ಮಾನವೀಯತೆಯ ಕಲ್ಯಾಣಕ್ಕಾಗಿ ಭಾರತದ ಈ MANAV ದೃಷ್ಟಿಕೋನವು ಒಂದು ಪ್ರಮುಖ ಕೊಂಡಿಯಾಗಲಿದೆ ಎಂದು ಹೇಳಿ ಐದು ಪ್ರಮುಖ ತತ್ವಗಳನ್ನು ವಿವರಿಸಿದರು.
ಇಂದು ನಾವು ನೋಡುತ್ತಿರುವುದು ಎಐ ಪ್ರಭಾವದ ಆರಂಭ ಮಾತ್ರ. ಎಐ ಪರಿವರ್ತನೆ ಮಾಡುವ ಶಕ್ತಿಯನ್ನು ಹೊಂದಿದೆ. ಇದು ಸರಿಯಾದ ದಾರಿಯಲ್ಲಿ ಹೋಗದೇ ಇದ್ದರೆ ಸಮಸ್ಯೆಯಾಗಲಿದೆ. ಇದು ಸರಿಯಾದ ಹಾದಿಯಲ್ಲಿ ಹೋದರೆ ಅದು ಪರಿಹಾರ ಪ್ರಕ್ರಿಯೆಯಲ್ಲಿ ಸಹಾಯ ಮಾಡುತ್ತದೆ ಎಂದು ವಿಶ್ಲೇಷಿಸಿದರು.
‘New Delhi Frontier AI Impact Commitments’
at India AI Impact Summit 2026 🤝🌎 pic.twitter.com/4XysKgBRUK
— Ashwini Vaishnaw (@AshwiniVaishnaw) February 19, 2026
ಪ್ರಸ್ತುತ ಎಐ ಕ್ರಾಂತಿಯನ್ನು ನಾಗರಿಕತೆಯ ದಿಕ್ಕನ್ನು ಮರುಹೊಂದಿಸುವ ಮತ್ತು ಅಭಿವೃದ್ಧಿಯ ವೇಗವನ್ನು ಹೆಚ್ಚಿಸುವ ಐತಿಹಾಸಿಕ ತಿರುವುಗಳಿಗೆ ಹೋಲಿಸಿದ ಮೋದಿ, ಬೆಂಕಿಯ ಆವಿಷ್ಕಾರದಿಂದ ಲಿಪಿಗಳು ಬಂದವು ಬಳಿಕ ವೈರ್ಲೆಸ್ ಸಂವಹನದ ಆವಿಷ್ಕಾರ ನಡೆಯಿತು. ಹಿಂದಿನ ತಾಂತ್ರಿಕ ಬದಲಾವಣೆಗಳು ಹರಡಲು ವರ್ಷಗಳೇ ತೆಗೆದುಕೊಂಡಿದ್ದವು. ಆದರೆ ಎಐನಿಂದಾಗಿ ಬಹಳ ವೇಗವಾಗಿ ಜಗತ್ತಿನಲ್ಲಿ ತಾಂತ್ರಿಕ ಬದಲಾವಣೆ ಆಗುತ್ತಿದೆ ಎಂದರು. ಇದನ್ನೂ ಓದಿ: ಇಂಡಿಯಾ ಎಐ ಶೃಂಗದಲ್ಲಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ – ಜವಾಬ್ದಾರಿಯುತವಾಗಿ AI ಬಳಸುವ ಪ್ರತಿಜ್ಞೆ ಮಾಡಿದ 2.5 ಲಕ್ಷ ಜನರು
India’s vision for AI is encapsulated in the word MANAV, which means human. pic.twitter.com/4IqFOg7YPx
— Narendra Modi (@narendramodi) February 19, 2026
ಎಐ ಯಂತ್ರಗಳಿಗೆ ಬುದ್ಧಿಯ ಬಲ ತುಂಬುತ್ತಿದೆ. ಆದರೆ ಅದಕ್ಕಿಂತ ಹೆಚ್ಚಾಗಿ ಮಾನವನ ಸಾಮರ್ಥ್ಯಗಳನ್ನು ಹಲವು ಪಟ್ಟು ಹೆಚ್ಚಿಸುತ್ತಿದೆ. ಅದರಲ್ಲಿ ಒಂದೇ ಒಂದು ವ್ಯತ್ಯಾಸವೆಂದರೆ ಎಐನ ವೇಗ ಈಗ ಬಹಳ ಹೆಚ್ಚಾಗಿದೆ. ಹಿಂದೆ ಯಂತ್ರಗಳಿಂದ ಕಲಿಕೆ ಎನ್ನುವುದು ಸಾಮಾನ್ಯವಾಗಿತ್ತು. ಆದರೆ ಈಗ ಯಂತ್ರಗಳಿಗೇ ಕಲಿಸುವ ಕಾಲಕ್ಕೆ ಬಂದಿದ್ದೇವೆ. ಎಐ ಎಂದಿಗಿಂತಲೂ ವೇಗವಾಗಿ, ಆಳವಾಗಿ ಬದಲಾಗುತ್ತಿದೆ ಎಂದು ಹೇಳಿದರು.
ಹಿಂದಿಯಲ್ಲಿ ಮಾನವ್ ಎಂದರೆ ಮನುಷ್ಯ ಎಂದರ್ಥ. ಈ ಪದ ಎಐ ಐದು ಪ್ರಮುಖ ತತ್ವಗಳನ್ನು ಪ್ರತಿನಿಧಿಸುವ ಸಂಕ್ಷಿಪ್ತ ರೂಪವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಿ ವಿವರಿಸಿದರು. ಇದನ್ನೂ ಓದಿ: ಮಧ್ಯಪ್ರಾಚ್ಯದಲ್ಲಿ ಭಾರೀ ಯುದ್ಧ ವಿಮಾನಗಳ ನಿಯೋಜನೆ – ಇರಾನ್ ಮೇಲೆ ಯಾವುದೇ ಸಮಯದಲ್ಲಿ ಅಮೆರಿಕ ದಾಳಿ ಸಾಧ್ಯತೆ
ಮೋದಿಯ MANAV ದೃಷ್ಟಿಕೋನ
M – Moral and Ethical Systems(ನೈತಿಕ ಮತ್ತು ನೈತಿಕ ವ್ಯವಸ್ಥೆಗಳು) : ನೈತಿಕ ಪರಿಗಣನೆಗಳು ಮತ್ತು ನೈತಿಕ ಜವಾಬ್ದಾರಿ AI ವ್ಯವಸ್ಥೆಗಳಿಗೆ ಮಾರ್ಗದರ್ಶನ ನೀಡಬೇಕು.
A – Accountable(ಜವಾಬ್ದಾರಿ) : ಆಡಳಿತವು ಪಾರದರ್ಶಕ ನಿಯಮಗಳು ಮತ್ತು ಮೇಲ್ವಿಚಾರಣೆಯೊಂದಿಗೆ ಹೊಣೆಗಾರಿಕೆಯನ್ನು ಖಚಿತಪಡಿಸಿಕೊಳ್ಳಬೇಕು.
N – National Sovereignty(ರಾಷ್ಟ್ರೀಯ ಸಾರ್ವಭೌಮತ್ವ) : ಒಂದು ದೇಶದೊಳಗೆ ಉತ್ಪತ್ತಿಯಾಗುವ ಡೇಟಾ ಆ ರಾಷ್ಟ್ರಕ್ಕೆ ಸೇರಿರಬೇಕು ಮತ್ತು ಅದರ ಅಧಿಕಾರ ವ್ಯಾಪ್ತಿಯಲ್ಲಿ ಉಳಿಯಬೇಕು.
A – Accessible and Inclusive(ಪ್ರವೇಶಿಸಬಹುದಾದ ಮತ್ತು ಅಂತರ್ಗತ) : ಎಐ ವ್ಯವಸ್ಥೆಗಳು ಎಲ್ಲಾ ವಿಭಾಗಗಳಿಗೆ ಪ್ರವೇಶಿಸಬಹುದಾದಂತಿರಬೇಕು, ಏಕಸ್ವಾಮ್ಯವಾಗಿರಬಾರದು
V – Valid and Legitimate(ಮಾನ್ಯ ಮತ್ತು ಕಾನೂನುಬದ್ಧ): ಎಐ ಕಾನೂನುಬದ್ಧ, ವಿಶ್ವಾಸಾರ್ಹ ಮತ್ತು ಕಾನೂನಿನ ಆಳ್ವಿಕೆಯ ಅಡಿಯಲ್ಲಿ ಪರಿಶೀಲಿಸಬಹುದಾದಂತಿರಬೇಕು.
ಶೃಂಗಸಭೆಯಲ್ಲಿ ನರೇಂದ್ರ ಮೋದಿ ಅವರು ಓಪನ್ಎಐ ಸಿಇಒ ಸ್ಯಾಮ್ ಆಲ್ಟ್ಮನ್, ಆಂಥ್ರೊಪಿಕ್ ಸಿಇಒ ಡೇರಿಯೊ ಅಮೋಡೆ, ಗೂಗಲ್ ಸಿಇಒ ಸುಂದರ್ ಪಿಚೈ, ಮೆಟಾ ಮುಖ್ಯ ಎಐ ಅಧಿಕಾರಿ ಅಲೆಕ್ಸಾಂಡರ್ ವಾಂಗ್ (ಎಲ್) ಸೇರಿದಂತೆ ಎಐ ಕಂಪನಿ ನಾಯಕರೊಂದಿಗೆ ಗುಂಪು ಫೋಟೋ ತೆಗೆಸಿಕೊಂಡರು.
