IND vs ENG: ಕಟಕ್‌ನಲ್ಲಿ ಬೆಳಗದ ಫ್ಲಡ್ ಲೈಟ್ – ಸ್ಥಗಿತಗೊಂಡ ಪಂದ್ಯ!

ಕಟಕ್‌ನಲ್ಲಿ (Cuttack) ನಡೆಯುತ್ತಿರುವ ಟೀಂ ಇಂಡಿಯಾ ಹಾಗೂ ಇಂಗ್ಲೆಂಡ್‌ (IND vs ENG) ನಡುವಿನ ಪಂದ್ಯದ ವೇಳೆ ಫ್ಲಡ್ ಲೈಟ್​ಗಳ ಮಂದ ಬೆಳಕಿನಿಂದಾಗಿ ಅಂಪೈರ್​ಗಳು ಪಂದ್ಯವನ್ನು ಅರ್ಧಕ್ಕೆ ನಿಲ್ಲಿಸಿದ್ದಾರೆ.

ಸಮಸ್ಯೆ ಬಗೆಹರಿಯಬಹುದೆಂಬ ನಿರೀಕ್ಷೆಯಲ್ಲಿ ಉಭಯ ತಂಡಗಳ ಆಟಗಾರರು 10 ನಿಮಿಷ ಮೈದಾನದಲ್ಲೇ ಕಳೆದರು. ಆದರೆ ಫ್ಲಡ್ ಲೈಟ್​ಗಳು ಆನ್​ ಆಗದ ಕಾರಣ ಉಭಯ ತಂಡಗಳ ಆಟಗಾರರು ಮೈದಾನದಿಂದ ಹೊರನಡೆದಿದ್ದಾರೆ.

ಭಾರತದ ಇನ್ನಿಂಗ್ಸ್​ನ 7ನೇ ಓವರ್​ ನಡೆಯುವ ವೇಳೆ ಇದಕ್ಕಿದ್ದಂತೆ ಒಂದು ಟವರ್​ನ ಎಲ್ಲಾ ಫ್ಲಡ್​ ಲೈಟ್​ಗಳು ಆಫ್ ಆದವು. ಹೀಗಾಗಿ ಸ್ವಲ್ಪ ಸಮಯ ಕಾಯ್ದ ಬಳಿಕ ಕ್ರೀಸ್​ನಲ್ಲಿದ್ದ ರೋಹಿತ್ ಶರ್ಮಾ ಅಸಮಾಧಾನಗೊಂಡು ಅಂಪೈರ್‌ಗಳೊಂದಿಗೆ ಚರ್ಚಿಸಿದ್ದಾರೆ.

‌
ಚರ್ಚೆಯ ಬಳಿಕ ಅಂಪೈರ್‌ಗಳು ಎಲ್ಲಾ ಆಟಗಾರರನ್ನು ಪೆವಿಲಿಯನ್‌ಗೆ ಹಿಂತಿರುಗುವಂತೆ ಸೂಚಿಸಿದರು. ಅಂತಿಮವಾಗಿ, ಸುಮಾರು 35 ನಿಮಿಷಗಳ ನಂತರ ಪಂದ್ಯವನ್ನು ಪುನರಾರಂಭಿಸಲಾಯಿತು.