ನಾನೇ ಸಿಹಿಯಾಗಿದ್ದೇನೆ, ಹುಡ್ಗಿಯಾಗಿ ಬೇಗ ಮದ್ವೆಯಾಗ್ತೀನಿ: ಪೂಜಾ ಗಾಂಧಿ

ರಾಯಚೂರು: ಹುಡುಗಿಯಾಗಿ ನಾನು ಬೇಗ ಮದುವೆಯಾಗುತ್ತೇನೆ. ಮದುವೆ ಸಂದರ್ಭದಲ್ಲಿ ಎಲ್ಲರಿಗೂ ಹೇಳುತ್ತೇನೆ ಎಂದು ನಟಿ ಪೂಜಾ ಗಾಂಧಿ ಹೇಳಿದ್ದಾರೆ.

ರಾಯಚೂರಿನಲ್ಲಿ ಚುನಾವಣಾ ನೀತಿ ಸಂಹಿತೆ ಪ್ರಕರಣ ವಿಚಾರಣೆ ಹಿನ್ನೆಲೆಯಲ್ಲಿ ನ್ಯಾಯಾಲಯಕ್ಕೆ ಆಗಮಿಸಿದ್ದ ವೇಳೆ ಮಾತನಾಡಿದ ಪೂಜಾ ಗಾಂಧಿ ಈಗ ನಾನು ಸಂತೋಷವಾಗಿದ್ದೇನೆ. ನಾನೇ ಸಿಹಿಯಾಗಿದ್ದೇನೆ. ಸಿಹಿ ಸುದ್ದಿನೂ ಕೊಡುತ್ತೇನೆ ಎಂದು ಹೇಳಿದ್ದಾರೆ.

ದಂಡುಪಾಳ್ಯ-3 ಸಿನಿಮಾ ಬಿಡುಗಡೆಗೆ ಸಿದ್ಧಗೊಂಡಿದ್ದು, ಜನವರಿ ತಿಂಗಳಲ್ಲಿ ಟೆಲಿಫಿಲ್ಮ್ ಪ್ರೊಡಕ್ಷನ್ ಮಾಡುತ್ತೇನೆ ಎಂದರು. ರಾಜಕಾರಣಕ್ಕೆ ಪುನಃ ಬರುವ ಬಗ್ಗೆ ಆಲೋಚನೆ ಇಲ್ಲ ಎಂದು ನಟಿ ಪೂಜಾ ಗಾಂಧಿ ತಿಳಿಸಿದರು.

ಇನ್ನೂ 2013 ರಲ್ಲಿ ರಾಯಚೂರು ನಗರ ವಿಧಾನಸಭಾ ಕ್ಷೇತ್ರಕ್ಕೆ ಬಿಎಸ್ ಆರ್ ಪಕ್ಷದಿಂದ ಸ್ಪರ್ಧಿಸಿದ್ದ ವೇಳೆ ದಾಖಲಾಗಿದ್ದ ನೀತಿ ಸಂಹಿತೆ ಪ್ರಕರಣದ ತೀರ್ಪು ಡಿಸೆಂಬರ್ 13 ಕ್ಕೆ ಮುಂದೂಡಲಾಗಿದೆ. ನಗರದ ಎರಡನೇ ಜೆಎಂಎಫ್ ಸಿ ತೀರ್ಪು ಮುಂದೂಡಿದೆ. ಚುನಾವಣಾ ಪ್ರಚಾರಕ್ಕೆ ಅನುಮತಿ ಇಲ್ಲದ ವಾಹನ ಬಳಸಿ ನೀತಿ ಸಂಹಿತೆ ಉಲ್ಲಂಘಿಸಿರುವ ಪ್ರಕರಣವನ್ನ ಪೂಜಾಗಾಂಧಿ ಎದುರಿಸುತ್ತಿದ್ದಾರೆ.