Connect with us

Districts

ರಾಜ್ಯದ ಈ ಜಿಲ್ಲೆಯಲ್ಲಿ ನಡೆಯುತ್ತಿದೆ ಕೋಟ್ಯಾಂತರ ರೂ. ಬೆಟ್ಟಿಂಗ್ ನ ಕುದುರೆ ರೇಸ್!

Published

on

ಕೊಪ್ಪಳ: ಈದ್ ಮಿಲಾದ್ ಪ್ರಯುಕ್ತ ಇಂದು ಬೆಳ್ಳಂಬೆಳಗ್ಗೆ ಜಿಲ್ಲೆಯಲ್ಲಿ ಬೆಟ್ಟಿಂಗ್ ಕುದುರೆ ರೇಸ್ ನಡೆದಿದೆ.

ಈ ರೇಸ್ ನಡೆಸಲು ಯಾವುದೇ ಪರವಾನಗಿ ಮತ್ತು ಸುರಕ್ಷಿತವಾದ ನಿಯಮಗಳನ್ನು ಪಾಲಿಸದೇ, ಮನಸೋ ಇಚ್ಚೆಯಂತೆ ಜೀವ ಭಯವನ್ನ ಲೆಕ್ಕಿಸದೇ ಸಹಸ್ರಾರು ಜನರ ಮಧ್ಯೆ ಕುದುರೆ ರೇಸ್ ನಡೆಸಲಾಗಿದೆ. ಕೊಪ್ಪಳ ತಾಲೂಕಿನ ಗಿಣಗೇರಾದಿಂದ ಕೊಪ್ಪಳದವರೆಗೆ ನಡೆದ ಈ ರೇಸ್ ನಲ್ಲಿ ಕೋಟಿ ರೂಪಾಯಿಗೂ ಹೆಚ್ಚಿನ ಬೆಟ್ಟಿಂಗ್ ರೇಸ್ ನಡೆಸಲಾಗಿದೆ.

ರೇಸ್ ನಲ್ಲಿ ನೆರೆಯ ಆಂಧ್ರದಿಂದ ಪಕ್ಕದ ಬಳ್ಳಾರಿ, ರಾಯಚೂರು ಜಿಲ್ಲೆಗಳಿಂದ ಬಂದ ರೇಸ್ ಪ್ರಿಯರು ಕೋಟ್ಯಾಂತರ ರೂಪಾಯಿ ಹಣ ಹೂಡಿಕೆ ಮಾಡಿದ್ದಾರೆ. ಇನ್ನು ಈ ರೇಸ್ ನಡೆಸಲು ಪೊಲೀಸ್ ಇಲಾಖೆಯಿಂದ ಯಾವುದೇ ಪರವಾನಗಿ ಪಡೆಯದೆ ಅನುಮತಿ ಇಲ್ಲದೆ ಅಸುರಕ್ಷಿತವಾಗಿ ರೇಸ್ ನಡೆಸಲಾಗಿದೆ.

ಪ್ರತಿ ವರ್ಷ ಈ ರೇಸ್ ನಡೆಯುತ್ತಿದ್ದರೂ, ಪೊಲೀಸ್ ಇಲಾಖೆ ಮಾತ್ರ ಕಣ್ಣು ಮುಚ್ಚಿ ಕುಳಿತಿರುವುದು ಎಲ್ಲರಲ್ಲೂ ಅನುಮಾನ ಮೂಡಿಸಿದೆ. ಇದು ತಲೆತಲಾಂತರದಿಂದ ನಡೆದುಕೊಂಡು ಬಂದಿದ್ದು, ಎರಡು ಕುದುರೆಗಳ ನಡುವೇ ಓಟ ಏರ್ಪಡಿಸಲಾಗುತ್ತದೆ. ಅದಕ್ಕಾಗಿ ವರ್ಷಾನುಗಟ್ಟಲೇ ಕುದುರೆಗೆ ಪಳಗಿಸಿ ಟಾಂಗಾ ಇದ್ದವರೇ ಈ ರೇಸ್ ನಡೆಸುತ್ತಾರೆ. ಆದರೆ ಈಗ ಬೆಟ್ಟಿಂಗ್ ಓಟವಾಗಿ ಮಾರ್ಪಾಡಾಗಿದೆ.

ಅದಕ್ಕಾಗಿ ಯಾವ ಕಾನೂನಿನ ನಿಯಮಗಳನ್ನು ಪಾಲಿಸದೇ ಬೆಳ್ಳಂಬೆಳಗ್ಗೆಯೇ ರೇಸ್ ಆಡಿ ಮುಗಿಸಲಾಗುತ್ತದೆ. ಈ ರೇಸ್ ಬಗ್ಗೆ ಭಾರಿ ವಿರೋಧ ವ್ಯಕ್ತವಾಗಿದ್ದರೂ, ಕೂಡ ಇದುವರೆಗೂ ಪೊಲೀಸ್ ಇಲಾಖೆ ಯಾವುದೇ ಕ್ರಮ ಕೈಗೊಂಡಿಲ್ಲದಿರುವುದು ವಿಷಾದನೀಯವಾಗಿದೆ.

Click to comment

Leave a Reply

Your email address will not be published. Required fields are marked *