ಸ್ನಾನ ಮಾಡುವವರ ವಿಡಿಯೋ ಮಾಡ್ತಿದ್ದ ಐಐಟಿ ವಿದ್ಯಾರ್ಥಿ ಅರೆಸ್ಟ್

ಮುಂಬೈ: ಸ್ನಾನ ಮಾಡುವವರ ವಿಡಿಯೋ ಮಾಡುತ್ತಿದ್ದ ಐಐಟಿ ವಿದ್ಯಾರ್ಥಿಯನ್ನು ಶನಿವಾರ ಪೊಲೀಸರು ಬಂಧಿಸಿದ್ದಾರೆ.

ಅವಿನಾಶ್ ಕುಮಾರ್ ಯಾದವ್(34) ಬಂಧಿತ ಆರೋಪಿ. ಅವಿನಾಶ್ ಮುಂಬೈನ ಪ್ರತಿಷ್ಠಿತ ಐಐಟಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡುತ್ತಿದ್ದನು. ಅವಿನಾಶ್ ಮಹಿಳೆಯರು ಸ್ನಾನ ಮಾಡುವುದನ್ನು ವಿಡಿಯೋ ಮಾಡುತ್ತಿದ್ದನು ಎಂದು ಪೊಲೀಸರು ಹೇಳಿದ್ದಾರೆ.

ಶುಕ್ರವಾರ ರಾತ್ರಿ ಮಹಿಳೆ ಸ್ನಾನ ಮಾಡುವಾಗ ಬಾತ್‍ರೂಮಿನ ಕಿಟಕಿಯಲ್ಲಿ ಮೊಬೈಲ್ ಫೋನ್ ಪತ್ತೆ ಆಗಿದೆ. ನಂತರ ಮಹಿಳೆ ತನ್ನ ಪತಿಗೆ ಈ ವಿಷಯವನ್ನು ಹೇಳಿದ್ದಾಳೆ. ಆಗ ಆ ಪತಿ ಮೊಬೈಲ್ ವಶಕ್ಕೆ ಪಡೆದುಕೊಂಡು ಹೊರಗೆ ನೋಡಿದ್ದಾಗ ಆರೋಪಿ ಓಡಿ ಹೋಗುತ್ತಿರುವುದನ್ನು ಗಮಿಸಿದ್ದಾರೆ.

ಮಹಿಳೆ ಈ ಬಗ್ಗೆ ಕಪೂರ್ ಬ್ವಾದಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ನಾವು ಆರೋಪಿ ಅವಿನಾಶ್ ವಿರುದ್ಧ ಐಪಿಸಿ ಸೆಕ್ಷನ್ 354 ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದೇವೆ ಎಂದು ಪೊಲೀಸ್ ಅಧಿಕಾರಿ ಹೇಳಿದ್ದಾರೆ.

ಆರೋಪಿ ಅವಿನಾಶ್ ಓಡಿ ಹೋಗುತ್ತಿದ್ದಾಗ ಅಕ್ಕ-ಪಕ್ಕದ ನಿವಾಸಿಗಳು ಆತನನ್ನು ಹಿಡಿದಿದ್ದಾರೆ. ಆ ಮೊಬೈಲ್‍ನಲ್ಲಿ ಪುರುಷ- ಮಹಿಳೆಯರ ವಿಡಿಯೋ ಕೂಡ ಇತ್ತು. ಅಲ್ಲದೇ ಕಟ್ಟಡದ ನಿವಾಸಿಗಳು ಸ್ನಾನ ಮಾಡುತ್ತಿರುವ ವಿಡಿಯೋವನ್ನು ಆರೋಪಿ ಸೆರೆ ಹಿಡಿದಿದ್ದಾನೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv