ಸೋಷಿಯಲ್ ಮೀಡಿಯಾದಲ್ಲಿ (Social Media) ನಕಲಿ ಖಾತೆಗಳನ್ನು ಹೊಂದಿ, ಬಾಯಿಗೆ ಬಂದಂತೆ ಕಾಮೆಂಟ್ (Comment) ಮಾಡುವವರ ವಿರುದ್ಧ ನಟ ಜಗ್ಗೇಶ್ (Jaggesh) ಸಮರವನ್ನೇ ಸಾರಿದ್ದಾರೆ. ರಾಘವೇಂದ್ರ ಸ್ಟೋರ್ಸ್ ಸಿನಿಮಾದ ಪ್ರಮೋಷನ್ ವೇಳೆ ಮಾಧ್ಯಮದೊಂದಿಗೆ ಮಾತನಾಡಿರುವ ಅವರು, ಫೇಕ್ ಐಡಿ ಮೂಲಕ ಕೆಟ್ಟದಾಗಿ ಕಾಮೆಂಟ್ ಮಾಡುವವರಿಗೆ ಪಾಠ ಕಲಿಸಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಸದಾ ಸಕ್ರೀಯರಾಗಿರುವ ಮತ್ತು ಅನೇಕ ವಿಷಯಗಳನ್ನು ಅದರ ಮೂಲಕವೇ ತಿಳಿಸುವ ಜಗ್ಗೇಶ್ ಕಳೆದ ನಾಲ್ಕು ತಿಂಗಳಲ್ಲಿ 12ಕ್ಕೂ ಹೆಚ್ಚು ಫೇಕ್ ಐಡಿ ವೀರರನ್ನು ಜೈಲಿಗೆ (Jail) ಕಳುಹಿಸಿದ್ದಾರಂತೆ. ಈ ವಿಷಯವನ್ನು ಅವರು ಈವರೆಗೂ ಬಹಿರಂಗ ಮಾಡಿರಲಿಲ್ಲ. ಇದನ್ನೂ ಓದಿ:ಸಮಂತಾ ಫ್ಲಾಪ್‌ ಕ್ವೀನ್‌, ಆಕೆಗೆ ಮಾರ್ಕೆಟ್‌ ಇಲ್ಲ- ವಿಮರ್ಶಕನ ವಿವಾದಾತ್ಮಕ ಟ್ವೀಟ್‌
ಈ ಸೋಷಿಯಲ್ ಮೀಡಿಯಾವನ್ನು ಕಂಡು ಹಿಡಿದವನಿಗೆ ದೊಡ್ಡದೊಂದು ನಮಸ್ಕಾರ ಹೇಳಬೇಕು. ನಾವು ಯಾವುದೇ ಮೂಲೆಯಲ್ಲಿರಲಿ, ನಮ್ಮವರು ಎಲ್ಲಿಯೇ ಇರಲಿ ಒಂದೇ ವೇದಿಕೆಯಲ್ಲಿ ಕ್ಷಣಾರ್ಧದಲ್ಲಿ ಸಂವಹನ ಮಾಡಬಹುದು. ಹಾಗಾಗಿ ಈ ವೇದಿಕೆಯನ್ನು ಕಂಡು ಹಿಡಿದವನ ಕಾಲಿಗೆ ಬೀಳಬೇಕು ಅನಿಸತ್ತೆ ಎಂದು ಅವರು ಮಾತನಾಡಿದ್ದಾರೆ.
ನೆಗೆಟಿವ್ ಮತ್ತು ಪಾಸಿಟಿವ್ ಕಾಮೆಂಟ್ ಗಳ ಬಗ್ಗೆಯೂ ಜಗ್ಗೇಶ್ ಮಾತನಾಡಿ, ‘ಶೇಕಡಾ 99ಕ್ಕಿಂತಲೂ ಹೆಚ್ಚು ಪಾಸಿಟಿವ್ ಕಾಮೆಂಟ್ ಗಳೇ ಇರುತ್ತವೆ. ಉಳಿದ ಒಂದು ಪರ್ಸಂಟ್ ಫೇಕ್ ಐಡಿ ವೀರರಿಂದ ಬಂದಂತವುಗಳು. ಅವರನ್ನು ಹುಡುಕುವುದು ನನಗೇನೂ ಕಷ್ಟವಲ್ಲ. ಆಗಲೇ ಹುಡುಕಿ ಜೈಲಿಗೂ ಕಳಿಸಿದ್ದೇನೆ ಎಂದು ಅವರು ಮಾತನಾಡಿದ್ದಾರೆ.
