ಬೆಂಗಳೂರು: ಸಿದ್ದರಾಮಯ್ಯ (Siddaramaiah) ಓಕೆ ಅಂದ್ರೂ ಡಿಕೆಶಿ (D.K.Shivakumar) ನೋ ಎಂಟ್ರಿ ಸಿಗ್ನಲ್. ಏನಿದು ಮಂಡ್ಯ ಪೊಲಿಟಿಕಲ್ ಟ್ವಿಸ್ಟ್? ಈ ರೀತಿಯ ರಾಜ್ಯ ರಾಜಕೀಯ ಪಡಸಾಲೆಯಲ್ಲಿ ಬಿಸಿ ಬಿಸಿ ಚರ್ಚೆ ಆಗ್ತಿದೆ.
ಮಂಡ್ಯ ಅಖಾಡದಲ್ಲಿ ಈಗ ಡಿಕೆಶಿ ವರ್ಸಸ್ ಸುಮಲತಾ (Sumalatha) ಗೇಮ್ ಕೂಡ ಚಾಲೂ ಆಗ್ತಿದ್ಯಾ ಎಂಬ ಕುತೂಹಲ ಶುರುವಾಗಿದೆ. 2019 ರಲ್ಲಿ ಲೋಕಸಭೆ ಚುನಾವಣೆಯಲ್ಲಿ ಸ್ವಾಭಿಮಾನಿ ಫೈಟ್ ನಡೆದಿತ್ತು. ಈಗ ಸೇಡಿನ ಕದನ ನಡೆಯುತ್ತಾ ಎಂಬ ಪ್ರಶ್ನೆಗಳು ಎದ್ದಿವೆ. 2019 ರಲ್ಲಿ ಸುಮಲತಾ ವರ್ಸಸ್ ಹೆಚ್ಡಿಕೆ ಕುಟುಂಬದ ನಡುವೆ ಕದನ ಜೋರಾಗಿತ್ತು. 2023ರ ವಿಧಾನಸಭೆ ಚುನಾವಣೆಯಲ್ಲಿ ಡಿಕೆಶಿ ಆಟಕ್ಕೆ ಸಂಸದೆ ಸುಮಲತಾ ಪ್ರತಿ ಸವಾಲು ಹಾಕುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇದನ್ನೂ ಓದಿ: ಕಾಂಗ್ರೆಸ್ ಅವರು ಸತ್ಯ ಹೇಳಿದ ದಿನ ಆ ಪಕ್ಷ ಸಾಯುತ್ತೆ: ಗೋವಿಂದ ಕಾರಜೋಳ
ಸಿದ್ದರಾಮಯ್ಯ ಬಗ್ಗೆ ಸಾಫ್ಟ್ ಹಾಗೂ ಡಿಕೆಶಿ ಬಗ್ಗೆ ಹಾರ್ಡ್ ಆಗಿ ಸುಮಲತಾ ಮಾತನಾಡಿದ್ದಾರೆ. ಬಿಜೆಪಿಗೆ ಯಾರು ಯಾರಿಗೆ ಆಸೋಸಿಯೇಟ್ ಮೆಂಬರ್? ಜೆಡಿಎಸ್ಗೆ (JDS) ಯಾರು ಆಸೋಸಿಯೇಟ್ ಮೆಂಬರ್? ಎಂಬ ಹೊಸ ವರಸೆ ಶುರುವಾಗಿದೆ. ಅಂದು ಬಿಜೆಪಿ ಕೊಟ್ಟ ಸಹಕಾರಕ್ಕೆ 2023ರ ಚುನಾವಣೆಯಲ್ಲಿ ಪರೋಕ್ಷ ಸಹಕಾರದ ಕಸರತ್ತು ನಡೆದಿದೆ ಎಂಬುದು ಬಿಜೆಪಿ ಮೂಲಗಳ ಮಾಹಿತಿ. ಆಪರೇಷನ್ ಓಲ್ಡ್ ಮೈಸೂರು ಗೇಮ್ ಪ್ಲ್ಯಾನ್ಗೆ ಸುಮಲತಾ ಅವರೇ ಡಾಕ್ಟರ್ ಎನ್ನುತ್ತಿದೆ ಬಿಜೆಪಿ. ಅದಕ್ಕೆ ಸಾಕ್ಷಿ ಮಂಡ್ಯ (Mandya) ಜಿಲ್ಲೆಯಲ್ಲಿ ಈಗಾಗಲೇ ಅಂಬರೀಶ್ ಶಿಷ್ಯರು ಬಿಜೆಪಿ (BJP) ಸೇರ್ಪಡೆಯಾಗಿದ್ದಾರೆ.
ಇನ್ನು ಮಂಡ್ಯದಲ್ಲಿ ಸುಮಲತಾ ಬಿಜೆಪಿಗೆ ಪರೋಕ್ಷ ಸಹಕಾರ ಕೊಟ್ಟಿದ್ದಾರೆ. ಆದ್ರೆ ಬಹಿರಂಗ ಬೆಂಬಲವನ್ನ ಯಾರಿಗೂ ಘೋಷಿಸದೇ ಜಾಣ ನಡೆ ಪ್ರದರ್ಶನ ಮಾಡಿದ್ದಾರೆ. ಈ ಹಿಂದೆ ಸ್ವತಃ ಸಿಎಂ ಬಸವರಾಜ ಬೊಮ್ಮಾಯಿ ಅವರೇ ಸುಮಲತಾಗೆ ಆಹ್ವಾನ ಕೊಟ್ಟಿದ್ದರು. ಬಿಜೆಪಿ ಸೇರ್ಪಡೆ ಬಗ್ಗೆ ಎರಡ್ಮೂರು ಬಾರಿ ಆಹ್ವಾನ ಕೊಟ್ಟಿದ್ದರೂ ಸುಮಲತಾ ಯಾವುದೇ ನಿರ್ಧಾರ ತಿಳಿಸಿಲ್ಲ. ಇದನ್ನೂ ಓದಿ: ಮಠಾಧೀಶರಿಗೂ ಬಿಜೆಪಿ ಟಿಕೆಟ್? – ಬಿಜೆಪಿ ಲೆಕ್ಕಾಚಾರಕ್ಕೆ ಒಪ್ಪುವ ಮಠಾಧೀಶರು ಯಾರು!
ಈ ನಡುವೆ ಹಳೆಯ ಡಿಕೆಶಿ ಆಟಕ್ಕೆ ಕಿಡಿ ಹೊತ್ತಿಸಿ ರಣಕಣಕ್ಕೆ ಧುಮುಕಿದ್ದಾರೆ ಸುಮಲತಾ. ಅಂದು ಬೇಡ ಎಂದವರಿಗೆ ಇಂದು ಸೇಡು ತೀರಿಸಿಕೊಳ್ಳಲು ಮುಂದಾಗ್ತಾರಾ ಸಂಸದೆ ಸುಮಲತಾ? ಹಾಗಾದ್ರೆ 2023ರ ಚುನಾವಣೆಗೆ ಸುಮಲತಾ ತಂತ್ರದಿಂದ ಕಾಂಗ್ರೆಸ್ಗೆ (Congress) ನಷ್ಟವೋ ಅಥವಾ ಜೆಡಿಎಸ್ಗೆ ನಷ್ಟವೋ? ಎಲ್ಲದಕ್ಕೂ ಕಾಲವೇ ಉತ್ತರಿಸಬೇಕಿದೆ.
Live Tv
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
