ಮುಂಬೈ: ಇದೇ ಮೊದಲಬಾರಿಗೆ ಭಾರತ (India) ಸಂಪೂರ್ಣ ಆತಿಥ್ಯದಲ್ಲಿ 2023ರ ವಿಶ್ವಕಪ್‌ (ICC WorldCup) ಟೂರ್ನಿ ಆಯೋಜಿಸಿದೆ. ತೀವ್ರ ಕುತೂಹಲ ಕೆರಳಿಸಿರುವ ಭಾರತ – ಪಾಕಿಸ್ತಾನ ಕದನಕ್ಕೆ ಅಭಿಮಾನಿಗಳು ಕಾದು ಕುಳಿತಿದ್ದಾರೆ. ಕೆಲ ಅಭಿಮಾನಿಗಳಂತೂ ಮೂರು ತಿಂಗಳಿಗೆ ಮುಂಚೆಯೇ ಇಂಡೋ-ಪಾಕ್‌ (IND vs Pak) ಕದನ ವೀಕ್ಷಿಸಲೆಂದೇ ಅಹಮದಾಬಾದ್‌ನಲ್ಲಿ ಹೋಟೆಲ್‌ ರೂಂಗಳನ್ನ ಕಾಯ್ದಿರಿಸಿದ್ದಾರೆ, ಟ್ವಿಟ್ಟರ್‌ನಲ್ಲೂ ಟ್ರೆಂಡ್ ಅಲೆ ಎದ್ದಿದೆ.
What is happening? @Jayshah @BCCI
World cup tickets for India vs Pakistan tickets range from 65,000 to 4.5 lakhs “per ticket” on the Viagogo website!
Daylight Robbery from these Corporates!#INDvsPAK #ViratKohli???? #IndvsNep #AsiaCup2023 #ICCWorldCup2023 pic.twitter.com/YzNkmyP53c
— Vasudevan K S | வாசுதேவன் கீ ஸ்ரீ???????? (@VasudevanKS4) September 5, 2023
ಇಂಡೋ ಪಾಕ್‌ ಕದನ ಯಾವಾಗಲೂ ರಣ ರೋಚಕತೆಯಿಂದ ಕೂಡಿರುತ್ತದೆ. ಅದಕ್ಕಾಗಿ ಅತ್ಯಂತ ದುಬಾರಿ ಬೆಲೆಗೆ ಟಿಕೆಟ್‌ಗಳನ್ನ ಮಾರಾಟ ಮಾಡಲಾಗುತ್ತಿದೆ. ಆದರೂ ಹಿಂದೆಂದಿಗಿಂತಲೂ ಅತ್ಯಧಿಕ ಬೆಲೆಗೆ ಟಿಕೆಟ್‌ಗಳನ್ನ ಖರೀದಿಸುವಲ್ಲಿ ಅಭಿಮಾನಿಗಳು ನಿರತರಾಗಿದ್ದಾರೆ. ವಿವಿಧ ಹಂತಗಳಲ್ಲಿ 60 ಸಾವಿರದಿಂದ 1 ಲಕ್ಷ ರೂ, 18 ರಿಂದ 22 ಲಕ್ಷ ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಆದ್ರೆ ಆನ್‌ಲೈನ್ ಸ್ಫೋರ್ಟ್ಸ್‌ ಟಿಕೆಟ್ ಪ್ಲಾಟ್‌ಫಾರ್ಮ್ ವಿಯಾಗೊದಲ್ಲಿ 56 ಲಕ್ಷ ರೂ.ವರೆಗೆ ಟಿಕೆಟ್ ಮಾರಾಟವಾಗಿದ್ದು, ಅಭಿಮಾನಿಗಳನ್ನ ಬೆಚ್ಚಿ ಬೀಳಿಸುವಂತೆ ಮಾಡಿದೆ. ಕೆಲವರು ಹಣ ಕೊಟ್ಟರೂ ಟಿಕೆಟ್ ಸಿಗದೇ ನಿರಾಸೆ ಅನುಭವಿಸುತ್ತಿದ್ದಾರೆ. ಇದನ್ನೂ ಓದಿ: Asia Cup 2023: ಬ್ಯಾಟಿಂಗ್‌ ಮಾಡದೆಯೇ ಟೀಂ ಇಂಡಿಯಾ ವಿರುದ್ಧ ದಾಖಲೆ ಬರೆದ ಪಾಕಿಸ್ತಾನ
ಅಕ್ಟೋಬರ್‌ 15 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಿಗದಿಯಾಗಿದ್ದ ಇಂಡೋ ಪಾಕ್‌ ಕದನ ಭದ್ರತಾ ಕಾರಣಗಳಿಂದ ಅಕ್ಟೋಬರ್‌ 14ಕ್ಕೆ ಬದಲಾವಣೆಗೊಂಡಿದೆ. ಸ್ಟೇಡಿಯಂನಲ್ಲಿ ಸೌತ್‌ ಪ್ರೀಮಿಯಂನ ವೆಸ್ಟ್‌-2 ಬ್ಲಾಕ್‌ನ ಪ್ರತಿ ಟಿಕೆಟ್ ಬೆಲೆ 19 ಲಕ್ಷ ರೂ.ಗಿಂತಲೂ ಹೆಚ್ಚಿಗೆಗೆ ಮಾರಾಟವಾಗ್ತಿದೆ. ಇದಕ್ಕೆ ಆಕ್ರೋಶಗೊಂಡಿರುವ ಕೆಲವು ಅಭಿಮಾನಿಗಳು 1.32 ಲಕ್ಷ ಟಿಕೆಟ್‌ಗಳಲ್ಲಿ ಎಷ್ಟು ಟಿಕೆಟ್ ಮಾರಾಟವಾಗಿದೆ ಎಂಬುದನ್ನ ಬಹಿರಂಗಪಡಿಸುವಂತೆ ಒತ್ತಾಯಿಸಿದ್ದಾರೆ. ಇದನ್ನೂ ಓದಿ: Asia Cup 2023: ಟೀಂ ಇಂಡಿಯಾ ಸೋಲಿಸಲು ರಣತಂತ್ರ ರೂಪಿಸಿದ್ದೇವೆ – ನೇಪಾಳ ಕ್ಯಾಪ್ಟನ್‌ ಎಚ್ಚರಿಕೆ
ಬ್ಲಾಕ್‌ ಮಾರ್ಕೆಟ್‌ನಲ್ಲೂ ಟಿಕೆಟ್ ಖರೀದಿ ಭರಾಟೆ ಜೋರಾಗಿದ್ದು 1.5 ಲಕ್ಷ ರೂ.ನಿಂದ ಆರಂಭಗೊಂಡು 15 ಲಕ್ಷ ರೂ.ಗಳಿಗೆ ಮಾರಾಟವಾಗ್ತಿದೆ. ಈ ಬಾರಿ ಟೀಂ ಇಂಡಿಯಾದ ಎಲ್ಲ ಪಂದ್ಯಗಳಿಗೂ ಟಿಕೆಟ್ ಬೇಡಿಕೆ ದರ ಹೆಚ್ಚಾಗಿದೆ. ಚೆನ್ನೈನ ಚಿದರಂಬರಂ ಸ್ಟೇಡಿಯಂನಲ್ಲಿ ನಡೆಯಲಿರುವ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಪಂದ್ಯದ ಟಿಕೆಟ್‌ಗಳು 2.85 ಲಕ್ಷ ರೂ.ವರೆಗೆ, ಲಕ್ನೋದ ಏಕನಾ ಕ್ರೀಡಾಂಗಣದಲ್ಲಿ ನಡೆಯಲಿರೋ ಭಾರತ ಮತ್ತು ಇಂಗ್ಲೆಂಡ್‌ ನಡುವಿನ ಪಂದ್ಯದ ಟಿಕೆಟ್ 2.35 ಲಕ್ಷ ರೂ.ವರೆಗೆ ಹಾಗೂ ಕೋಲ್ಕತ್ತಾದ ಈಡನ್‌ ಗಾರ್ಡನ್‌ನಲ್ಲಿ ಭಾರತ ಮತ್ತು ದಕ್ಷಿಣ ಆಫ್ರಿಕಾದ ನಡುವಿನ ಪಂದ್ಯದ ಟಿಕೆಟ್ 2.35 ಲಕ್ಷ ರೂ.ವರೆಗೆ ಮಾರಾಟವಾಗ್ತಿದೆ.
ಸದ್ಯ ಏಷ್ಯಾಕಪ್ ಟೂರ್ನಿಯ ಮೊದಲ ಪಂದ್ಯದಲ್ಲಿ ಮಳೆಯಿಂದಾಗಿ ಅಭಿಮಾನಿಗಳಿಗೆ ಭಾರೀ ನಿರಾಸೆಯಾಗಿದೆ. ಆದ್ರೆ ಸೂಪರ್‌ ಫೋರ್‌ ಹಂತ ತಲುಪಿರುವ ಭಾರತ ಮತ್ತು ಪಾಕ್‌ ತಂಡಗಳ ನಡುವಿನ 2ನೇ ಪಂದ್ಯ ಸೆಪ್ಟೆಂಬರ್‌ 10ಕ್ಕೆ ನಿಗದಿಯಾಗಿದೆ.
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
