– ಹುಬ್ಬಳ್ಳಿ ಲವ್ ಜಿಹಾದ್ ಪ್ರಕರಣಕ್ಕೆ ಸ್ಫೋಟಕ ತಿರುವು
ಹುಬ್ಬಳ್ಳಿ: ವೀಡಿಯೋ ಮಾಡಿದ್ದು ಮಾತ್ರ ನಿಜ, ಆದರೆ ವೀಡಿಯೋ ಯಾರ ಮೊಬೈಲ್ನಲ್ಲಿವೆ ಅಂತ ಚೆಕ್ ಮಾಡಿ. ವೀಡಿಯೋಗಳೆಲ್ಲ ಆಕೆಯ ಫೋನ್ನಲ್ಲಿ ಇವೆ ಎಂದು ತನ್ನ ಮೇಲಿನ ಆರೋಪಗಳನ್ನು ಜಿಮ್ ಟ್ರೈನರ್ (Gym Trainer) ಸಮೀರ್ ಅಲ್ಲಗಳೆದಿದ್ದಾನೆ.
ಮತ್ತು ಬರುವ ಪಾನಿಯ ನೀಡಿ ಅತ್ಯಾಚಾರ ಮಾಡಿರೋದಾಗಿ ಸಂತ್ರಸ್ತೆ ಮಾಡಿದ ಆರೋಪ ಕುರಿತು ಪ್ರತಿಕ್ರಿಯಿಸಿದ ಸಮೀರ್, ನಾನು ಪ್ರಜ್ಞೆ ಕಳೆದುಕೊಂಡಿದ್ದೆ. ನಾನು ಈಗ ಎಲ್ಲಾ ವೀಡಿಯೋಗಳನ್ನು ನೋಡಿದ್ದೇನೆ. ನಾನು ಮಾತ್ರೆ ಕೊಟ್ಟಿದ್ದೆ ಅಂತ ಆಕೆ ಹೇಳುತ್ತಿದ್ದಾಳೆ. ವೀಡಿಯೋ ಮಾಡಿದ್ದು ಮಾತ್ರ ನಿಜ. ಆದರೆ ವೀಡಿಯೋ ಯಾರ ಮೊಬೈಲ್ನಲ್ಲಿವೆ ಅಂತ ಚೆಕ್ ಮಾಡಿ. ನನ್ನ ಮೊಬೈಲ್ ಎಸ್ಎಸ್ಕೆ ಸಮಾಜದವರ ಬಳಿ ಇದೆ. ನನ್ನ ಮೊಬೈಲನ್ನು ತರಿಸಿ ಅದನ್ನ ಚೆಕ್ ಮಾಡಿ. ಆಕೆಯ ಮೊಬೈಲನ್ನು ಚೆಕ್ ಮಾಡಿ. ನನ್ನ ಮೊಬೈಲ್ನಲ್ಲಿ ಒಂದೇ ಒಂದು ವೀಡಿಯೋ ಸಿಗೋದಿಲ್ಲ. ವಿಡಿಯೋ ಮಾಡಿದ್ದು ಅವಳು ಎಂದಿದ್ದಾನೆ. ಇದನ್ನೂ ಓದಿ: ಜಿಮ್ ಟ್ರೈನರ್ನಿಂದ ಲವ್ ಜಿಹಾದ್ – ಹಿಂದೂ ಯುವತಿಯರೇ ಟಾರ್ಗೆಟ್, ವಿಡಿಯೋ ಇಟ್ಕೊಂಡು ಬ್ಲಾಕ್ಮೇಲ್
ನಾನು ಮಾತ್ರೆ ಕೊಟ್ಟು ಪ್ರಜ್ಞಾಹೀನರಾಗಿ ಮಾಡಿದ್ದೇನೆ ಅಂದ್ರೆ ಪ್ರಜ್ಞೆ ತಪ್ಪಿ ಮಲಗಿಕೊಳ್ಳಬೇಕಾದವರು ಯಾರು? ಆಕೆ ಪ್ರಜ್ಞೆ ತಪ್ಪಿಲ್ಲ, ನಾನು ಪ್ರಜ್ಞೆ ತಪ್ಪಿದೆ. ವೀಡಿಯೋ ಆಕೆ ಮಾಡಿದ್ದಾಳೆ. ವೀಡಿಯೋಗಳೆಲ್ಲ ಆಕೆಯ ಫೋನ್ನಲ್ಲಿ ಇವೆ. ಇದರಲ್ಲಿ ಯಾರ ತಪ್ಪಿದೆ ನೀವೇ ಹೇಳಿ. ಆಕೆ ಹೇಳುತ್ತಿರುವುದೆಲ್ಲಾ ಸುಳ್ಳು, ಯಾವುದೋ ಒತ್ತಡದಲ್ಲಿ ಹೇಳುತ್ತಿದ್ದಾಳೆ. ಆಕೆ ಬಹಳ ಒಳ್ಳೆಯ ಹುಡುಗಿ. ಆದರೆ ಆಕೆಯ ತಂದೆ-ತಾಯಿ, ಸಮಾಜದವರ ಒತ್ತಡದಿಂದ ಹೀಗೆ ಹೇಳುತ್ತಿದ್ದಾಳೆ. ಆಕೆಯ ಮೊಬೈಲ್ ಚೆಕ್ ಮಾಡಿ, ಯಾರು ರೆಕಾರ್ಡ್ ಮಾಡಿದ್ದಾರೆ ಎಂದು ಚೆಕ್ ಮಾಡಿ ಎಂದು ಹೇಳಿದ್ದಾನೆ. ಇದನ್ನೂ ಓದಿ: ಲವ್ ಜಿಹಾದ್ ಕೇಸಲ್ಲಿ ಜಿಮ್ ಟ್ರೈನರ್ಗೆ ಸಂಕಷ್ಟ – ಲೈಂಗಿಕ ದೌರ್ಜನ್ಯ ಕೇಸ್ ದಾಖಲಿಸಿದ ಸಂತ್ರಸ್ತೆ
