ಸಿಎಂಗೆ 2+1 ಫಾರ್ಮುಲಾ, ಇತರೆ ಮಂತ್ರಿಗಳಿಗೆ 1+1 ಫಾರ್ಮುಲಾ: ಮೋದಿ ವಾಗ್ದಾಳಿ

ಚಾಮರಾಜನಗರ: ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿಯವರಿಗೆ 15 ನಿಮಿಷ ಚೀಟಿ ಇಟ್ಟುಕೊಳ್ಳದೇ ಭಾಷಣ ಮಾಡಲು ಸಾಧ್ಯವೇ? 5  ಬಾರಿ ವಿಶ್ವೇಶ್ವರಯ್ಯ ಹೆಸರನ್ನು ಹೇಳಲು ಸಾಧ್ಯವೇ ಎಂದು ಪ್ರಶ್ನಿಸಿ ಪ್ರಧಾನಿ ಮೋದಿ ವಾಗ್ದಾಳಿ ನಡೆಸಿದ್ದಾರೆ.

ಇಂದು ಚಾಮರಾಜನಗರ ಜಿಲ್ಲೆಯ ಸಂತೆಮರಳ್ಳಿಯಲ್ಲಿ ಬಿಜೆಪಿಯ ಬೃಹತ್ ಸಮಾವೇಶದಲ್ಲಿ ಪ್ರಧಾನಿ ಮೋದಿ ಆಗಮಿಸಿ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದರು. ಕನ್ನಡದಲ್ಲಿ ಭಾಷಣ ಮಾಡಿದ ಪ್ರಧಾನಿ ಮೋದಿ, ಭಾರತ್ ಮತಾಕೀ, ಇಲ್ಲಿ ನೆರೆದಿರುವ ಕನ್ನಡ ನಾಡಿನ ಜನರಿಗೆ ನನ್ನ ನಮಸ್ಕಾರ. ಚಾಮರಾಜ ಒಡೆಯರ್ ಮತ್ತು ಡಾ. ರಾಜ್‍ಕುಮಾರ್ ಅವರಿಗೆ ನನ್ನ ನಮಸ್ಕಾರಗಳು ಎಂದರು.

ಮಾಜಿ ಶಾಸಕ ನಂಜುಂಡಸ್ವಾಮಿ ಪ್ರಧಾನಿಗೆ ಸನ್ಮಾನ ಮಾಡಿದ್ದು, ಗದೆ ನೀಡಿದರು. ಆದರೆ ಮೋದಿ ಶಾಲು, ಹಾರ ಸ್ವೀಕರಿಸಿದ್ದು, ಆದ್ರೆ  ಬೆಳ್ಳಿ ಗದೆಯನ್ನು ನಿರಾಕರಣೆ ಮಾಡಿದ್ದಾರೆ. ಬಿಎಸ್‍ವೈಗೆ ಕಮಲದ ಹೂ ನೀಡಿ ಶುಭ ಕೋರಿದ್ದಾರೆ. ಮಂಟೇಸ್ವಾಮಿ, ಬಿಳಿಗಿರಿ ರಂಗ ಸ್ವಾಮಿ, ಹಿಮವದ್ ಗೋಪಾಲ ಸ್ವಾಮಿ, ಚಾಮರಾಜೇಶ್ವರ ದೇವರಿಗೆ ನಮನ ಅರ್ಪಿಸಿದರು. ಅಷ್ಟೇ ಅಲ್ಲದೇ ಸುತ್ತೂರು ಮಠ, ಕನಕಗಿರಿ, ಸಾಲೂರು ಮಠಕ್ಕೂ ನಮನ ಸಲ್ಲಿಸಿ ಭಾಷಣ ಮಾಡಿದರು. ಮೋದಿ ಭಾಷಣದ ಪ್ರಮುಖ ಅಂಶಗಳನ್ನು ಇಲ್ಲಿ ನೀಡಲಾಗಿದೆ.

https://www.youtube.com/watch?v=hE7SrGlvAGM

ಮುಖ್ಯಾಂಶಗಳು:
* ನೀವು ನಾವು ರಾಜ್ಯಕ್ಕೆ ಏನ್ ಮಾಡಿದ್ದೇವೆ ಅಂತಾ ಕೇಳುತ್ತೀರಾ. ಕರ್ನಾಟಕದಲ್ಲಿ 39 ಗ್ರಾಮಗಳಲ್ಲಿ ವಿದ್ಯುತ್ ಇರಲಿಲ್ಲ. ನಮ್ಮ ಸರಕಾರದ ಯೋಜನೆಯಿಂದ ಎಲ್ಲಾ ಹಳ್ಳಿಗಳಿಗೆ ವಿದ್ಯುತ್ ಬಂದಿದೆ.

* ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಮಾತು ನೀವು ಕೇಳಲ್ಲ. ಅದು ಬೇಡ ನಿಮ್ಮ ತಾಯಿಯ ಮಾತನ್ನಾದರೂ ನಡೆಸಿಕೊಡಿ. 2009 ರ ಒಳಗೆ ದೇಶದ ಎಲ್ಲಾ ಹಳ್ಳಿಗಳಿಗೆ ವಿದ್ಯುತ್ ಕೊಡುತ್ತೇವೆ ಅಂತಾ ಹೇಳಿದರು. ಸ್ವಲ್ಪ ಕೇಳಿಸಿಕೊಳ್ಳಿ ರಾಹುಲ್ ಗಾಂಧಿ.

* ವಂದೇ ಮಾತರಂ ಗೀತೆಗೆ ಗೌರವ ಕೊಡುವುದು ಗೊತ್ತಿಲ್ಲ. ಈ ದೇಶದ ಇತಿಹಾಸದ ಬಗ್ಗೆ ಗೊತ್ತಿಲ್ಲ. ಅದಿರಲಿ ಅವರ ಪಕ್ಷದ ಸರಕಾರದ ಆಡಳಿತದ ಬಗ್ಗೆಯೂ ಗೊತ್ತಿಲ್ಲ.

Manmohan Singh Promised to electrify all villages by 2009. Sonia Gandhi, going a step further, had said that all households will be electrified by 2009. Instead of questioning our achievement, will he, Sonia Gandhi and Rahul Gandhi answer why this promise was not fulfilled? : PM pic.twitter.com/WLahG8EHxL

— BJP LIVE (@BJPLive) May 1, 2018

* 18 ಸಾವಿರ ಹಳ್ಳಿಗಳಿಗೆ ವಿದ್ಯುತ್ ಸಂಪರ್ಕ ಕೊಟ್ಟಿದ್ದೇವೆ. ಇದನ್ನು ಕಾಂಗ್ರೆಸ್ ಶ್ಲಾಘಿಸುವುದಿಲ್ಲ. ಅವರ ಕೆಲಸ ಮಾಡುವವರು ಅಲ್ಲ. ಬರೀ ಹೆಸರು ಬೇಕು ಎನ್ನುವ ಜನ. 70 ವರ್ಷದ ಆಡಳಿತದಲ್ಲಿ ಕಾಂಗ್ರೆಸ್ ಮಾಡಿದ್ದೇನು? ಇನ್ನೂ ಯಾಕೆ ಜನ ವಿದ್ಯುತ್ ಸಂಪರ್ಕ ಇಲ್ಲದೆ ಬದುಕುತ್ತಿದ್ದಾರೆ.

* ದೇಶದ 18 ಸಾವಿರ ಕುಟುಂಬಕ್ಕೆ ವಿದ್ಯುತ್ ಸಂಪರ್ಕ ನೀಡಿದೆ. ಇದು ನಮ್ಮ ಕಾರ್ಮಿಕರ ಹೆಮ್ಮೆಯ ಕೆಲಸ. ಅವರನ್ನು ಇಂದು ನೆನಪಿಸಿಕೊಳ್ಳುತ್ತೇನೆ. ಮಣಿಪುರದ ಕೊನೆ ಹಳ್ಳಿಗೆ ವಿದ್ಯುತ್ ತಲುಪಿಸಿದೆ. ದೆಹಲಿಯಲ್ಲಿ ನಾವು ಕೇಳುತ್ತಿದ್ದೇವೆ. ಕರ್ನಾಟದಲ್ಲಿ ಬದಲಾವಣೆ ಅಲೆ ಇದೆ ಅಂತಾ ನಾನು ಇಲ್ಲಿ ಬಂದು ನೋಡಿದ ಮೇಲೆ ಇಲ್ಲಿ ಅಲೆಯ ಬಿರುಗಾಳಿ ಬೀಸುತ್ತಿದೆ.

* ಇಂದು ಮೇ1 ಕಾರ್ಮಿಕರ ದಿನ. ಕಾರ್ಮಿಕ ವರ್ಗದವರು ದೇಶವನ್ನು ಮುಂದೆ ತರುವಲ್ಲಿ ಬೆವರು ಸುರಿಸಿದ್ದಾರೆ. ಅವರಿಗೆ ಈ ದಿನವನ್ನು ಅರ್ಪಿಸುತ್ತೇನೆ

* ಚಾಮರಾಜನಗರದಲ್ಲಿ ಸಾಕಷ್ಟು ನೈಸರ್ಗಿಕ ಸಂಪನ್ಮೂಲಗಳಿವೆ. ಆದ್ರೆ ಇಲ್ಲಿ ಅಭಿವೃದ್ಧಿ ಕುಂಠಿತವಾಗಿರೋದಕ್ಕೆ ಕಾಂಗ್ರೆಸ್ ಸರ್ಕಾರ ನೇರ ಹೊಣೆ. ಕೇಂದ್ರ ಸರ್ಕಾರ ಚಾಮರಾಜನಗರಕ್ಕೆ ರೈಲು ಮಂಜೂರು ಮಾಡಿದೆ, ಹಣವನ್ನೂ ಬಿಡುಗಡೆ ಗೊಳಿಸಿದೆ. ಆದರೆ ಇಲ್ಲಿನ ಸರ್ಕಾರ ಭೂಮಿಯನ್ನು ಮಂಜೂರು ಮಾಡಿಲ್ಲ

* ಕರ್ನಾಟಕದಲ್ಲಿ ಕಾನೂನು ಸುವ್ಯವಸ್ಥೆ ಸಂಪೂರ್ಣ ಹದಗೆಟ್ಟಿದೆ. ಇಲ್ಲಿ ಲೋಕಾಯುಕ್ತರಿಗೂ ಸರಿಯಾಗಿ ರಕ್ಷಣೆ ಇಲ್ಲ, ಇನ್ನೂ ಸಾಮಾನ್ಯ ಜನರ ಹೇಗಿರಬೇಕು. ಇದು ಕಾಂಗ್ರೆಸ್ ಆಡಳಿತ ವೈಖರಿ. ಈ ದುಸ್ಥಿತಿಗೆ ಕಾರಣರಾದವರನ್ನು ನಾವು ಬದಲಿಸಬೇಕಿದೆ.

* ಭ್ರಷ್ಟಾಚಾರದ ಪ್ರಕರಣಗಳಲ್ಲಿ ಭಾಗಿಯಾಗದೇ ಇರುವ ಯಾವ ರಾಜಕಾರಣಿಯೂ ಈ ಸರ್ಕಾರದಲ್ಲಿಲ್ಲ. ಪ್ರತಿ ಒಬ್ಬರ ಮೇಲೆ ಕನಿಷ್ಟ ಒಂದಾದರೂ ಭ್ರಷ್ಟಾಚಾರದ ಪ್ರಕರಣ ದಾಖಲಾಗಿವೆ.

 

Sonia Gandhi, as UPA chairperson, had said in 2005 that all households will be electrified by 2009 under ‘Rajiv Gandhi Grameen Vidyutikaran Yojana’. Will she and her son Rahul Gandhi answer why this was not achieved? PM Modi #NammaModi pic.twitter.com/7BRaOfGWJ5

— BJP (@BJP4India) May 1, 2018

* ಕರ್ನಾಟಕದಲ್ಲಿ ಕಾಂಗ್ರೆಸ್ ಕುಟುಂಬ ರಾಜಕಾರಣ ತಾಂಡವವಾಡುತ್ತಿದೆ. ಮುಖ್ಯಮಂತ್ರಿಗಳಿಗೆ 2+1 ಫಾರ್ಮುಲಾ ಇದ್ರೆ, ಇತರೆ ಮಂತ್ರಿಗಳು 1 + 1 ಫಾರ್ಮುಲದಡಿ ಅವರಿಗೆ ಮತ್ತು ಅವರ ಮಕ್ಕಳಿಗೆ ಟಿಕೆಟ್ ಸಿಕ್ಕಿದೆ. ಇದ್ಯಾವ ರೀತಿಯ ಪ್ರಜಾಪ್ರಭುತ್ವ?.

* ಮೇ 12 ರಂದು, ಕೇವಲ ಮತ ಚಲಾವಣೆ ಮಾಡುವುದಷ್ಟೇ ಅಲ್ಲ. ಕರ್ನಾಟಕದ ಭವಿಷ್ಯ ಬದಲಾಯಿಸುವ ದಿನವೂ ಹೌದು. ಅಂದಿನ ದಿನ ಬಿಜೆಪಿಗೆ ಮತ ನೀಡಿ ಇಲ್ಲಿನ 10% ಕಮಿಷನ್ ಸರ್ಕಾರವನ್ನು ಕಿತ್ತೆಸೆಯಿರಿ.

* ಯಾವಾಗಲೋ ಒಮ್ಮೊಮ್ಮೆ ಎಚ್ಚರದಲ್ಲಿರುವ, ಅತೀ ಹೆಚ್ಚು ಸಮಯವನ್ನು ನಿದ್ದೆಯಲ್ಲಿಯೇ ಕಳೆಯುವ ಮುಖ್ಯಮಂತ್ರಿಗಳು, ತಾವು ಸೋಲುವದಲ್ಲದೇ, ತಮ್ಮ ಮಗನನ್ನು ಕೂಡಾ ಬಲಿ ಕೊಡುತ್ತಿದ್ದಾರೆ. ತಾವು 2 ಕ್ಷೇತ್ರದಲ್ಲಿ ಹಾಗೂ ತಮ್ಮ ಮಗನ 1 ಕ್ಷೇತ್ರದಲ್ಲೂ ಸೋಲುವುದು ನಿಶ್ಚಿತ.

* ರಾಹುಲ್ ಗಾಂಧಿ ಅವರು ತಮಗೆ ಬೇಕಾದ ಭಾಷೆಯಲ್ಲಿ, ಹಿಂದಿ ಆಗಿರಲಿ ಅಥವಾ ತಮ್ಮ ಮಾತಾಜಿ ಅವರ ಹುಟ್ಟು ಭಾಷೆಯಾಗಿರಲಿ, ಕೇವಲ 15 ನಿಮಿಷ ಕರ್ನಾಟಕ ಸರ್ಕಾರದ ಸಾಧನೆಗಳನ್ನು, ಯಾವುದೇ ಕಾಗದ ನೋಡಿಕೊಳ್ಳದೆ ಹೇಳಲಿ, ಅವರ ಸಾಮಥ್ರ್ಯ ಗೊತ್ತಾಗುತ್ತೆ.

* ಸೋನಿಯ ಗಾಂಧಿ 2005ರಲ್ಲಿ 2009ರ ಒಳಗೆ ಪ್ರತಿಯೊಂದು ಮನೆಗೂ ವಿದ್ಯುತ್ ಸಂಪರ್ಕ ಕಲ್ಪಿಸುವುದಾಗಿ ಹೇಳಿದ್ದರು. ಆದರೆ, ನಾವು ಅಧಿಕಾರಕ್ಕೆ ಬರುವವರೆಗೂ ಇದು ಆಗಲಿಲ್ಲ ಅಂದ್ರೆ ಕಾಂಗ್ರೆಸ್ ಸಾಮರ್ಥ್ಯ ಎಷ್ಟಿದೆ ಎನ್ನುವುದನ್ನು ನೀವು ಅರ್ಥ ಮಾಡಿಕೊಳ್ಳಿ.

Massive crowd at PM Shri @narendramodi's public meeting at Santhemarahalli, Karnataka. Watch at https://t.co/4BlmJEFciG, dial 9345014501 to listen live. #NammaModi pic.twitter.com/ZdQBf1Df7M

— BJP (@BJP4India) May 1, 2018

PM Shri @narendramodi is addressing public meeting at Santhemarahalli, Karnataka. Watch at https://t.co/4BlmJEFciG || Dial 9345014501 to listen live. #NammaModi pic.twitter.com/wQlO7fPSk0

— BJP (@BJP4India) May 1, 2018

LIVE : PM Modi addresses public meeting at Santhemarahalli in Karnataka.#NammaModihttps://t.co/oglfwoZuhA

— BJP Karnataka (@BJP4Karnataka) May 1, 2018