ಮೂವರು ಸ್ನೇಹಿತರಿಂದ್ಲೇ ಪತ್ನಿಯ ರೇಪ್ ಮಾಡಿಸಿ ವಿಡಿಯೋ ಮಾಡಿದ್ದ ಪತಿ ಅರೆಸ್ಟ್

– ಪತ್ನಿಯನ್ನು ಸ್ನೇಹಿತನಿಗೆ ಕೊಟ್ಟು ಆತನ ಪತ್ನಿಯ ಜೊತೆ ಲವ್ವಿಡವ್ವಿ
– ಸ್ನೇಹಿತನ ಕೃತ್ಯದ ಬಗ್ಗೆ ತಿಳಿಸಿದಕ್ಕೆ ಏನೂ ಆಗಲ್ಲ ಎಂದ ಪತಿರಾಯ

ಮುಂಬೈ: ಸ್ನೇಹಿತರಿಂದಲೇ ಪತ್ನಿಯ ರೇಪ್ ಮಾಡಿಸಿ ವಿಡಿಯೋ ಮಾಡಿದ್ದ ಪತಿಯನ್ನು ಪೊಲೀಸರು ಬಂಧಿಸಿದ ಘಟನೆ ಮಹಾರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.

ಪತಿಯ ಮೂವರು ಸ್ನೇಹಿತರು ಬೇರೆ ಬೇರೆ ಸಂದರ್ಭಗಳಲ್ಲಿ ನನ್ನ ಮೇಲೆ ಅತ್ಯಾಚಾರವೆಸಗಿದ್ದಾರೆ. 2017ರಿಂದ ನಾನು ಅತ್ಯಾಚಾರಕ್ಕೆ ಒಳಗಾಗಿದ್ದೇನೆ ಎಂದು ಸಂತ್ರಸ್ತ ಮಹಿಳೆ ಪೊಲೀಸರ ಬಳಿ ತಿಳಿಸಿದ್ದಾರೆ. ಆರೋಪಿ ಪತಿಯನ್ನು ಬುಧವಾರ ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದು ಡಿಸೆಂಬರ್ 23ರವರೆಗೂ ಪೊಲೀಸ್ ಕಸ್ಟಡಿಗೆ ನೀಡಿದೆ.

2003ರಲ್ಲಿ ನನ್ನ ಮದುವೆಯಾಗಿದ್ದು, ಇಬ್ಬರು ಮಕ್ಕಳಿದ್ದಾರೆ. ಅತ್ಯಾಚಾರಕ್ಕೆ ಒಳಗಾದ ನಂತರ ನಾನು ವಿಚ್ಛೇದನ ಅರ್ಜಿ ಸಲ್ಲಿಸಿದ್ದೇನೆ. ಈ ಬಗ್ಗೆ ನಾನು ನನ್ನ ಮಾವನ ಬಳಿ ಹೇಳಿಕೊಂಡಿದ್ದೇನೆ. ಆದರೆ ಅವರು ನನಗೆ ಸಹಾಯ ಮಾಡಲಿಲ್ಲ. ಅಲ್ಲದೆ ನನ್ನ ಪತ್ನಿ ನನಗೆ ಬೆದರಿಕೆ ಹಾಕುತ್ತಿದ್ದನು. 2017, ಜೂನ್ 15ರಂದು ನಾನು ಮೊದಲ ಬಾರಿಗೆ ಅತ್ಯಾಚಾರಕ್ಕೊಳಗಾಗಿದೆ. ಅದಾದ ಬಳಿಕ ಅಗಸ್ಟ್ ತಿಂಗಳಿನಲ್ಲಿ ನಾನು ನನ್ನ ತಾಯಿ ಬೇರೆ ಕಡೆ ಶಿಫ್ಟ್ ಆದೆವು ಎಂದು ಸಂತ್ರಸ್ತೆ ತಿಳಿಸಿದ್ದಾಳೆ.

2017, ಜೂನ್ 15ರಂದು ನಾವು ಡಿನ್ನರ್ ಗೆ ಹೋಗಿದ್ದಾಗ ನನ್ನ ಪತಿ ಅವರ ಸ್ನೇಹಿತರಿಗೆ ಪರಿಚಯ ಮಾಡಿಸಿದ್ದರು. ಬಳಿಕ ಕಾರಿನಲ್ಲಿ ನನ್ನ ಪತಿ ನನಗೆ ಬಲವಂತ ಮಾಡಿ ಮುಂದಿನ ಸೀಟ್‍ನಲ್ಲಿ ಕೂರಿಸಿದ್ದರು. ಅವರು ತಮ್ಮ ಸ್ನೇಹಿತನ ಪತ್ನಿ ಜೊತೆ ಹಿಂಬದಿಯ ಸೀಟಿನಲ್ಲಿ ಕುಳಿತ್ತಿದ್ದರು. ನಿಮ್ಮ ಸ್ನೇಹಿತ ನನಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದಾನೆ ಎಂದು ನಾನು ನನ್ನ ಪತಿಯ ಬಳಿ ಹೇಳಿದೆ. ಆದರೆ ಅವರು ಏನು ಆಗಲ್ಲ ಎಂದು ಸುಮ್ಮನಾದರು. ಇದೇ ವೇಳೆ ಹಿಂಬದಿ ಸೀಟಿನಲ್ಲಿ ಕುಳಿತಿದ್ದ ಅವರು ತಮ್ಮ ಸ್ನೇಹಿತನ ಪತ್ನಿಯನ್ನು ಅಶ್ಲೀಲವಾಗಿ ಮುಟ್ಟುತ್ತಿದ್ದರು ಎಂದು ಮಹಿಳೆ ಹೇಳಿದ್ದಾಳೆ.

ಅಂದು ರಾತ್ರಿ ಸುಮಾರು 11.30ಗೆ ನಾನು, ನನ್ನ ಪತಿ ಹಾಗೂ ಅವರ ಸ್ನೇಹಿತ ಹಾಗೂ ಆತನ ಪತ್ನಿಯ ಫ್ಲ್ಯಾಟ್‍ಗೆ ಹೋದೆವು. ಈ ವೇಳೆ ನನ್ನ ಪತಿಯ ಸ್ನೇಹಿತ ನನ್ನ ಮೇಲೆ ಅತ್ಯಾಚಾರವೆಸಗಿದ್ದನು. ಈ ಸಂದರ್ಭದಲ್ಲಿ ನನ್ನ ಪತಿ ತನ್ನ ಸ್ನೇಹಿತನ ಪತ್ನಿ ಜೊತೆ ಇನ್ನೊಂದು ರೂಮಿನಲ್ಲಿದ್ದನು. ನಾನು ಅತ್ಯಾಚಾರದ ಬಗ್ಗೆ ನನ್ನ ಪತಿ ಬಳಿ ಹೇಳಿದಾಗ ಈ ರೀತಿ ಮತ್ತೆ ಆಗುವುದಿಲ್ಲ ಎಂದು ನನಗೆ ಮಾತು ನೀಡಿದ್ದರು. ಈ ಘಟನೆ ನಡೆದ ನಂತರ ನಮ್ಮಿಬ್ಬರ ನಡುವೆ ಜಗಳ ನಡೆದಿದ್ದು, ಪತಿ ನನ್ನ ಬಳಿ ಕ್ಷಮೆ ಕೇಳಿದ್ದನು ಎಂದು ದೂರಿನಲ್ಲಿ ತಿಳಿಸಿದ್ದಾಳೆ.

2017, ಅಕ್ಟೋಬರ್ ತಿಂಗಳಿನಲ್ಲಿ ಸ್ನೇಹಿತ ಊಟಕ್ಕೆ ಆಹ್ವಾನಿಸಿದ ಎಂದು ನನ್ನ ಪತಿ ಅವನ ಮನೆಗೆ ಕರೆದುಕೊಂಡು ಹೋಗಿದ್ದನು. ಈ ವೇಳೆ ಪತಿಯ ಮತ್ತೊಬ್ಬ ಸ್ನೇಹಿತ ನನ್ನ ಮೇಲೆ ಅತ್ಯಾಚಾರವೆಸಗಿದ್ದನು. ಈ ವಿಷಯವನ್ನು ಬೇರೆಯವರಿಗೆ ತಿಳಿಸಿದರೆ ಕೊಲೆ ಮಾಡುವುದಾಗಿ ನನ್ನ ಪತಿ ಬೆದರಿಕೆ ಹಾಕಿದ್ದನು. ಈ ಘಟನೆ ನಡೆದ 2 ದಿನಗಳ ನಂತರ ನನ್ನ ಪತಿ ತನ್ನ ಸ್ನೇಹಿತನನ್ನು ಮನೆಗೆ ಕರೆದುಕೊಂಡು ಬಂದಿದ್ದನು. ಆತ ನನ್ನ ಪತಿಯ ಮುಂದೆಯೇ ನನ್ನ ಮೇಲೆ ಅತ್ಯಾಚಾರ ಮಾಡಿದ್ದಾನೆ. ಈ ವೇಳೆ ನನ್ನ ಪತಿ ಮೊಬೈಲಿನಲ್ಲಿ ವಿಡಿಯೋ ಸೆರೆ ಹಿಡಿಯುತ್ತಿದ್ದನು. ನನ್ನ ಪತಿ ವಿಡಿಯೋ ಮಾಡುತ್ತಿರುವುದನ್ನು ನೋಡಿ ಸ್ನೇಹಿತ ಅದೇ ವಾರದಲ್ಲಿ ಮತ್ತೆ ನನ್ನ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ್ದಾನೆ ಎಂದು ಉಲ್ಲೇಖಿಸಿದ್ದಾಳೆ.

ಫೆಬ್ರವರಿವರೆಗೂ ಮಹಿಳೆ ಎರಡು ಬಾರಿ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿದ್ದಾಳೆ. ಸದ್ಯ ಆರೋಪಿ ವಿರುದ್ಧ ಅತ್ಯಾಚಾರ, ಹಲ್ಲೆ ಪ್ರಕರಣ ದಾಖಲಾಗಿದೆ.