Connect with us

Districts

ಪತ್ನಿಗೆ ಸೆಲ್ಫಿ ವಿಡಿಯೋ ಕಳುಹಿಸಿ ಪತಿ ನಾಪತ್ತೆ!

Published

on

ಮೈಸೂರು: ಪತ್ನಿಗೆ ಸೆಲ್ಫಿ ವಿಡಿಯೋ ಕಳುಹಿಸಿ ಪತಿ ನಾಪತ್ತೆ ಆಗಿರುವ ಪ್ರಕರಣ ಮೈಸೂರು ಜಿಲ್ಲೆಯಲ್ಲಿ ನಡೆದಿದೆ.

ಮೈಸೂರು ಜಿಲ್ಲೆ ಪಿರಿಯಾಪಟ್ಟಣದ ಚಿನ್ನದ ವ್ಯಾಪಾರಿ ಸುಖಾಲಾಲ್ ನಾಪತ್ತೆಯಾದ ವ್ಯಕ್ತಿ. ಜುಲೈ 8ರಂದು ತನ್ನ ಪತ್ನಿ ಅನಿತಾ ಮೊಬೈಲ್ ಗೆ ಸೆಲ್ಫಿ ವಿಡಿಯೋ ಕಳುಹಿಸಿರುವ ಸುಖಾಲಾಲ್, ಬದುಕು ಬೇಸರವಾಗಿದೆ ಎಂದು ಹೇಳಿಕೊಂಡಿದ್ದಾರೆ.

ಹಣಕಾಸಿನ ವಹಿವಾಟಿನಲ್ಲಿ ನನಗೆ ಮೋಸ ಆಗಿದೆ. ಸ್ವಾಮಿ ಮಾಸ್ಟರ್ ಎಂಬವರು ನಾನು ಕೊಡಬೇಕಾಗಿದ್ದ 11 ಲಕ್ಷ ಹಣಕ್ಕೆ ಬದಲಾಗಿ, ಮನೆ ಗೋಡೌನ್ ನನ್ನು ಅವರ ಹೆಸರಿಗೆ ಬರೆಸಿಕೊಂಡು ಬಾಕಿ ಹಣ ನೀಡದೆ ಮೋಸ ಮಾಡಿದ್ದಾರೆ. ಇದರಿಂದ ನನಗೆ ಬದುಕು ಬೇಸರವಾಗಿ ದೂರ ಬಂದಿದ್ದೇನೆ ಎಂದು ವಿಡಿಯೋದಲ್ಲಿ ವಿವರಿಸಿದ್ದಾರೆ.

ಪಿರಿಯಾಪಟ್ಟಣದ ರಾವಂದೂರು ನಿವಾಸಿಯಾಗಿರುವ ಸುಖಾಲಾಲ್ ಮೈಸೂರಿನಲ್ಲಿ ನ್ಯಾಯಾಲಯಕ್ಕೆ ಹೋಗುವುದಾಗಿ ಮನೆಯಲ್ಲಿ ಹೇಳಿ ಮೈಸೂರಿಗೆ ಬಂದು ಈ ವೀಡಿಯೋ ಮಾಡಿ ಪತ್ನಿಗೆ ಕಳುಹಿಸಿ ನಾಪತ್ತೆಯಾಗಿದ್ದಾರೆ. ಪರ್ವಿನ್ ಎಂಬ ಹೆಸರಿನಲ್ಲಿ ಟೆಕ್ಸ್ ಟೈಲ್, ಆಭರಣ ಅಂಗಡಿಯನ್ನು ಸುಖಾಲಾಲ್ ನಡೆಸುತ್ತಿದ್ದಾರೆ.

ಈ ಸಂಬಂಧ ಸುಖಲಾಲ್ ಪತ್ನಿ ಪಿರಿಯಾಪಟ್ಟಣ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *