ರಾಕಿಂಗ್ ಸ್ಟಾರ್ ಯಶ್ (Yash) ಹೊರತು ಪಡಿಸಿ ಟಾಕ್ಸಿಕ್(Toxic) ಸಿನಿಮಾದ ತಾರಾಗಣದ ಕುರಿತು ಈವರೆಗೂ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಕಲಾವಿದರೂ ಟಾಕ್ಸಿಕ್ ಕುರಿತಾಗಿ ಮಾತನಾಡಿರಲಿಲ್ಲ. ಆದರೀಗ ಮೊದಲ ಬಾರಿಗೆ ಚಿತ್ರದ ಓರ್ವ ನಾಯಕಿ ಟಾಕ್ಸಿಕ್ ಕುರಿತಾಗಿ ಮಾತನಾಡಿದ್ದಾರೆ. ಈ ಮೂಲಕ ಈಕೆ ನಟಿಸಿರುವ ಗುಮಾನೆಗೆ ಅಧಿಕೃತ ಮುದ್ರೆ ಒತ್ತಿದ್ದಾರೆ. ಆಕೆಯೇ ನಟಿ ಹ್ಯೂಮಾ ಖುರೇಶಿ.
ಟಾಕ್ಸಿಕ್ನಲ್ಲಿ ಭರ್ತಿ ಅರ್ಧ ಡಜನ್ ಖ್ಯಾತ ನಟಿಯರು ನಟಿಸಿರುವ ಸುದ್ದಿ ಇದೆ. ಆ ಲಿಸ್ಟ್ನಲ್ಲಿ ಹ್ಯೂಮಾ ಖುರೇಶಿ (Huma Qureshi) ಕೂಡ ಇದ್ದಾರೆ. ಇದೀಗ ಹ್ಯೂಮಾ ಮೊದಲ ಬಾರಿಗೆ ಅಧಿಕೃತವಾಗಿ ತಾವು ಟಾಕ್ಸಿಕ್ ಸಿನಿಮಾದಲ್ಲಿ ನಟಿಸಿರುವ ಬಗ್ಗೆ ಹೇಳಿಕೊಂಡಿದ್ದಾರೆ. ಯುಟ್ಯೂಬ್ ವಾಹಿನಿಯ ಸಂದರ್ಶನವೊಂದಕ್ಕೆ ಮಾತನಾಡುತ್ತಾ ಟಾಕ್ಸಿಕ್ ನನ್ನ ಮುಂಬರುವ ದೊಡ್ಡ ಸಿನಿಮಾ ಪ್ರಾಜೆಕ್ಟ್ ಎಂದಿದ್ದಾರೆ. ಇದನ್ನೂ ಓದಿ: ರಕ್ಷಿತಾ ಶೆಟ್ಟಿಯದ್ದು `ಗಿಮಿಕ್ ಸೆಲ್ಲಿಂಗ್ ಪಾಯಿಂಟ್’ ಎಂದ ಧೃವಂತ್
ಯಶ್ ಬಗ್ಗೆ ಮಾತನಾಡಿರುವ ಹ್ಯೂಮಾ, ಯಶ್ ಅವರಂತಹ ಸೂಪರ್ಸ್ಟಾರ್, ಗೀತು ಮೋಹನ್ದಾಸ್ (Geetu Mohandas) ಅವರಂತಹ ಸಮರ್ಥ ನಿರ್ದೇಶಕಿಯ ಜೊತೆ ಕೆಲಸ ಮಾಡುವ ಅವಕಾಶ ನನಗೆ ಸಿಕ್ಕಿದ್ದು ನನ್ನ ಪುಣ್ಯ. ಟಾಕ್ಸಿಕ್ ಅದ್ಭುತ ಅನುಭವವನ್ನು ನನಗೆ ನೀಡಿದೆ. ಅಸಾಮಾನ್ಯ, ಅನನ್ಯವಾದ ಲೋಕವನ್ನು ಟಾಕ್ಸಿಕ್ನಲ್ಲಿ ಸೃಷ್ಟಿಸಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಟಾಕ್ಸಿಕ್ ಬಚ್ಚಿಟ್ಟ ಅನೇಕ ವಿಷಯಗಳನ್ನ ರಿವೀಲ್ ಮಾಡಿದ ಜೊತೆಗೆ ಚಿತ್ರದ ಮೇಲಿನ ನಿರೀಕ್ಷೆ, ಕಲ್ಪನೆಯನ್ನ ಇಮ್ಮಡಿಗೊಳಿಸಿದ್ದಾರೆ.
ಇಷ್ಟು ವರ್ಷ ಕಾದಿದ್ದಕ್ಕೂ ಸಾರ್ಥಕವಾಯ್ತು ಎನ್ನುವ ಭಾವನೆ ಚಿತ್ರ ನೋಡಿದ ನಂತರ ಪ್ರತಿಯೊಬ್ಬರಿಗೆ ಬರುತ್ತೆ ಎಂದು ತುಂಬಾ ಆತ್ಮವಿಶ್ವಾಸದಿಂದ ಹೇಳಿದ್ದಾರೆ ಹ್ಯೂಮಾ. ಅಲ್ಲಿಗೆ `ಟಾಕ್ಸಿಕ್’ ಚಿತ್ರತಂಡ ಅಧಿಕೃತ ಘೋಷಣೆಗೂ ಮುನ್ನ ಹ್ಯೂಮಾ ಟಾಕ್ಸಿಕ್ನಲ್ಲಿ ನಟಿಸಿರುವ ವದಂತಿಗೆ ತೆರೆ ಎಳೆದುಬಿಟ್ಟಿದ್ದಾರೆ.
