Connect with us

Districts

ಗದಗ್: ಎತ್ತಿನ ಬಂಡಿ ಏರಿ ಕಾಲೇಜಿಗೆ ಬಂದ ವಿದ್ಯಾರ್ಥಿಗಳು!

Published

on

ಗದಗ: ನಗರದ ಹುಲಕೋಟಿ ಸಹಕಾರಿ ಶಿಕ್ಷಣ ಸಂಸ್ಥೆಯ ವಾಣಿಜ್ಯ ವಿಭಾಗದ ವಿದ್ಯಾರ್ಥಿಗಳು ಟ್ರೆಡಿಷನಲ್ ಡೇ ಆಚರಿಸಿದರು. ಬಿಕಾಂ ವಿದ್ಯಾರ್ಥಿಗಳು ಸಾಂಪ್ರದಾಯಿಕ ದಿನಾಚರಣೆ ಅಂಗವಾಗಿ ಸಾಂಪ್ರದಾಯಿಕ ಡ್ರೆಸ್ ನಲ್ಲಿ ಕಾಲೇಜಿಗೆ ಬರೋ ಮೂಲಕ ಎಲ್ಲರ ಗಮನ ಸೆಳೆದರು.

ಎರಡೆತ್ತಿನ ಬಂಡಿ ಏರಿ ವಿದ್ಯಾರ್ಥಿಗಳು ಕಾಲೇಜಿಗೆ ಬರುವ ಮೂಲಕ ವಿದ್ಯಾರ್ಥಿಗಳು ಕಣ್ಮನ ಸೆಳೆದರು. ಇಳಕಲ್ ಸೀರೆ, ಮೊಳಕಾಲ್ಮೂರ್, ರೇಷ್ಮೆ, ಟೋಪ್ ಸೆರಗಿನ ಸೀರೆ ಹೀಗೆ ಬಗೆಬಗೆಯ ಸೀರೆ ತೊಟ್ಟ ವಿದ್ಯಾರ್ಥಿನಿಯರ ಬಿಂಕು ಬಿನ್ನಾಣ ಒಂದೆಡೆಯಾದ್ರೆ, ಬಿಳಿ ಪಂಚೆ, ಲುಂಗಿ, ಗಾಂಧಿ ಟೊಪ್ಪಿಗೆ, ಜುಬ್ಬಾ, ತೊಟ್ಟ ವಿದ್ಯಾರ್ಥಿಗಳು ಮತ್ತೊಂದೆಡೆ ಕಾಣಸಿಗುತ್ತಿದ್ದರು. ಇನ್ನು ವಿದ್ಯಾರ್ಥಿಗಳ ಜೊತೆ ಶಿಕ್ಷಕರು ವಿಶಿಷ್ಠ ಉಡುಗೆಯಲ್ಲಿ ಆಗಮಿಸಿ ಟ್ರೆಡಿಷನಲ್ ಡೇ ಕ್ರೇಜ್ ಹೆಚ್ಚಿಸಿದರು.

ಕಾಲೇಜು ಅಂಗಳದಲ್ಲಿ ಹಳ್ಳಿ ಹೈಕಳ ಉಡುಗೆಯಲ್ಲಿ ವಿದ್ಯಾರ್ಥಿಗಳ ಕಲರವ, ನಾರಿಯರ ನಡಿಗೆಗೆ ಕಾಲೇಜಿನ ಅಂಗಳವೇ ನಾಚಿ ನೀರಾಗುವಂತಿತ್ತು. ನಮ್ಮ ಸಾಂಪ್ರದಾಯಿಕ ಸೀರೆ ಉಟ್ಟ ವಿದ್ಯಾರ್ಥಿನಿಯರು, ದೋತಿ, ಲುಂಗಿ ರುಂಬಾಲ್ ಧರಸಿ ಪಕ್ಕಾ ಹಳ್ಳಿ ಹೈಕಳಂತೆ ಕಾಣ್ತಿರುವ ವಿದ್ಯಾರ್ಥಿಗಳು ಎಲ್ಲರ ಕಣ್ಣು ಕುಕ್ಕಿಸುವಂತಿತ್ತು. ಗ್ರಾಮೀಣ ಶೈಲಿಯಲ್ಲಿ ರೀ.. ಒಂದು ಸೆಲ್ಫಿ.. ರೀ.. ಅನ್ನುವ ಮೂಲಕ ಕಾಲೇಜ್ ಆವರಣವನ್ನು ಕಲರ್ ಫುಲ್ ಮಾಡಿದ್ದು ವಿಶೇಷವಾಗಿತ್ತು.

ಕಾಲೇಜಿನ 150 ಕ್ಕೂ ಅಧಿಕ ವಿದ್ಯಾರ್ಥಿಗಳು ಈ ಕಲರ್ ಫುಲ್ ದಿನವನ್ನ ತುಂಬಾನೆ ಎಂಜಾಯ್ ಮಾಡಿದ್ರು. ರಾಂಪ್ ಮೇಲಿನ ನಡಿಗೆ, ನೃತ್ಯ, ಹಾಡು ಹೀಗೆ ಹತ್ತು ಹಲವು ಬಗೆಯಿಂದ ವಿದ್ಯಾರ್ಥಿಗಳು ಸಖತ್ ಎಂಜಾಯ್ ಮಾಡಿದ್ರು. ಇನ್ನು ತಾವುಟ್ಟ ಡ್ರೆಸ್‍ನಲ್ಲಿ ಸೆಲ್ಫಿಯಲ್ಲಿ ಹಿಡಿದಿಟ್ರು. ಇದ್ರಿಂದ ಕಾಲೇಜು ಆವರಣದಲ್ಲಿ ಹೊಸ ಲೋಕವೇ ಸೃಷ್ಟಿಯಾಗಿತ್ತು.

 

Click to comment

Leave a Reply

Your email address will not be published. Required fields are marked *