ಹೃತಿಕ್‍ಗೆ ಟಕ್ಕರ್ ಕೊಡ್ತಾರಾ ಟೈಗರ್!

ಮುಂಬೈ: ಬಾಲಿವುಡ್ ಮೋಸ್ಟ್ ಮೇಲ್ ಸೆಕ್ಸಿ ಸ್ಟಾರ್ ಗಳು ಒಂದೇ ಚಿತ್ರದಲ್ಲಿ ಒಂದಾಗುತ್ತಿದ್ದಾರೆ. ತಮ್ಮ ನೃತ್ಯ, ಕಟ್ಟು ಮಸ್ತಿನ ದೇಹದ ಮೂಲಕವೇ ಗುರುತಿಸಿಕೊಂಡಿರುವ ಹೃತಿಕ್ ರೋಷನ್ ಮತ್ತು ಟೈಗರ್ ಶ್ರಾಫ್ ಒಂದೇ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಈ ಹಿಂದೆ ಟೈಗರ್ ತಾವು ಯಶ್ ರಾಜ್ ಬ್ಯಾನರ್ ಅಡಿಯಲ್ಲಿ ತಯಾರಾಗುತ್ತಿರುವ ಸಿನಿಮಾದಲ್ಲಿ ನಟಿಸುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದರು. ಈಗ ತಮ್ಮ ಡ್ಯಾನ್ಸಿಂಗ್ ಗುರು ಎಂದು ಕರೆದುಕೊಳ್ಳುವ ಹೃತಿಕ್ ರೋಷನ್ ಜೊತೆ ತೆರೆ ಹಂಚಿಕೊಳ್ಳುತ್ತಿರೋದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ.

ಹೃತಿಕ್ ರೋಷನ್ ಸಿನಿಮಾ ಸೆಟ್ಟೇರಿದ್ರೆ ಯಾವ ರೀತಿ ಡ್ಯಾನ್ಸ್ ಮಾಡಲಿದ್ದಾರೆ ಎಂಬ ಕುತೂಹಲ ಹುಟ್ಟು ಹಾಕುತ್ತದೆ. ಅದೇ ರೀತಿ ಟೈಗರ್ ಶ್ರಾಫ್ ಸಹ ಡ್ಯಾನ್ಸ್ ಮತ್ತು ಆ್ಯಕ್ಷನ್ ಸೀನ್ ಗಳಿಂದ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇಬ್ಬರು ಸಹ ಸಿಕ್ಸ್ ಪ್ಯಾಕ್ ಹೊಂದಿದ್ದು, ನೋಡಲು ಕಟ್ಟುಮಸ್ತಾಗಿದ್ದಾರೆ. ಹಾಗಾಗಿ ಯಶ್ ಬ್ಯಾನರ್‍ನಲ್ಲಿ ನಿರ್ಮಾಣವಾಗುತ್ತಿರುವ ಸಿನಿಮಾ ಬಹು ನಿರೀಕ್ಷೆಯನ್ನು ಮೂಡಿಸಿದೆ.

ಹೃತಿಕ್ ರೋಷನ್ ರನ್ನು ಗುರುವಿನ ರೂಪದಲ್ಲಿ ಕಾಣುವ ಟೈಗರ್ ಸಿನಿಮಾದಲ್ಲಿಯೂ ಗುರು-ಶಿಷ್ಯನ ಪಾತ್ರದಲ್ಲಿ ನಟಿಸಲಿದ್ದಾರೆ. ತೊಂದರೆಯಲ್ಲಿ ಸಿಲುಕಿಕೊಳ್ಳುವನ ಶಿಷ್ಯನ ಪಾತ್ರದಲ್ಲಿ ಟೈಗರ್ ನಟಿಸಿದ್ರೆ, ರಕ್ಷಿಸುವ ಗುರುವಾಗಿ ಹೃತಿಕ್ ರೋಷನ್ ನಟಿಸಲಿದ್ದಾರೆ. ಹೃತಿಕ್ ಗೆ ಜೊತೆಯಾಗಿ ಬೇಫಿಕ್ರೆ ಬೆಡಗಿ ವಾಣಿ ಕಪೂರ್ ನಟಿಸಲಿದ್ದಾರೆ. ವಾಣಿ ಮತ್ತು ಹೃತಿಕ್ ಮಧ್ಯೆ ರೊಮ್ಯಾನ್ಸ್ ಸೀನ್ ಗಳಿವೆ ಎಂದು ಹೇಳಲಾಗುತ್ತಿದೆ.

ಎರಡು ದಿನಗಳ ಹಿಂದೆ ಟೈಗರ್ ಇನ್ ಸ್ಟಾಗ್ರಾಂನಲ್ಲಿ ವಿಡಿಯೋ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ಜಿಮ್ ನಲ್ಲಿ ವರ್ಕೌಟ್ ಮಾಡುವ ಇದಾಗಿದ್ದು, ಸೂಪರ್ ಹೀರೋ ಜೊತೆ ನಟಿಸುತ್ತಿದ್ದು, ಅದಕ್ಕಾಗಿ ದೇಹವನ್ನು ಮತ್ತಷ್ಟು ಹುರಿಗೊಳಿಸುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ಚಿತ್ರ ಅಗಸ್ಟ್ ತಿಂಗಳ ಮೊದಲ ವಾರದಲ್ಲಿ ಚಿತ್ರೀಕರಣ ಆರಂಭಿಸಲಿದೆ ಎಂದು ವರದಿಯಾಗಿದೆ.

https://www.instagram.com/p/BlNAJF4AnRj/?hl=en&taken-by=tigerjackieshroff