ಬೆಂಗಳೂರು: ಟಗರು ಚಿತ್ರದ ಡಾಲಿ ಪಾತ್ರದ ಮೂಲಕ ವಿಜೃಂಭಿಸಿದ್ದ ಧನಂಜಯ್ ಅಭಿನಯದ ಚಿತ್ರ ಭೈರವ ಗೀತ. ರಾಮ್ ಗೋಪಾಲ್ ವರ್ಮಾ ನಿರ್ಮಾಣ ಮಾಡಿರೋ ಈ ಚಿತ್ರ ಈಗಾಗಲೇ ಚಿತ್ರ ವಿಚಿತ್ರ ಫೋಟೋಗಳೂ ಸೇರಿದಂತೆ ನಾನಾ ರೀತಿಯಲ್ಲಿ ಪ್ರೇಕ್ಷಕರನ್ನು ಸೆಳೆದುಕೊಂಡಿದೆ. ಈ ಚಿತ್ರದ ಬಿಡುಗಡೆಯ ಹಾದಿಯೂ ಇದೀಗ ಸಲೀಸಾಗಿದೆ!
ಭೈರವ ಗೀತ ಚಿತ್ರವನ್ನು ಹೊಂಬಾಳೆ ಸಂಸ್ಥೆಯ ಮೂಲಕ ವಿಶಾಲ ಕರ್ನಾಟಕಕ್ಕೆ ಡಿಸ್ಟ್ರಿಬ್ಯೂಟ್ ಮಾಡಲು ಕಾರ್ತಿಕ್ ಗೌಡ ಮುಂದಾಗಿದ್ದಾರೆ. ಈ ಮೂಲಕ ಈ ಚಿತ್ರಕ್ಕೆ ಮತ್ತಷ್ಟು ಬಲ ಬಂದಂತಾಗಿದೆ. ಖುದ್ದು ಕಾರ್ತಿಕ್ ಗೌಡ ಅವರೇ ಟ್ವಿಟ್ಟರ್ ಮೂಲಕ ಈ ವಿಚಾರವನ್ನು ಜಾಹೀರು ಮಾಡಿದ್ದಾರೆ.
ಟಗರು ಚಿತ್ರದ ಭಾರೀ ಯಶಸ್ಸು ಮತ್ತು ಡಾಲಿ ಚಿತ್ರಕ್ಕೆ ಸಿಕ್ಕಿದ್ದ ಭಾರೀ ಜನಪ್ರಿಯತೆಯ ಒಡ್ಡೋಲಗದಲ್ಲಿಯೇ ಭೈರವ ಗೀತ ಚಿತ್ರ ನಿರ್ಮಾಣಗೊಂಡಿದೆ. ಟಗರು ನಂತರ ಧನಂಜಯ್ ನಟಿಸಿರೋ ಮೊದಲ ಚಿತ್ರವೂ ಇದೇ. ರಾಮ್ಗೋಪಾಲ್ ವರ್ಮಾ ನಿರ್ಮಾಣ ಮಾಡಿರೋ ಈ ಚಿತ್ರದ ಬಗ್ಗೆ ಡಾಲಿ ಅಭಿಮಾನಿಗಳೆಲ್ಲ ಕಾತರರಾಗಿದ್ದಾರೆ.
Our next distribution thru #KRGStudios after #8MM, #BhairavaGeetha. @Dhananjayaka @RGVzoomin #BhaskarRashi #Siddarth pic.twitter.com/fLSKb7ooTj
— Karthik Gowda (@Karthik1423) October 27, 2018
