ಇಸ್ಲಾಮಾಬಾದ್: ಪಾಕಿಸ್ತಾನದಲ್ಲಿ ಹಿಂದೂಗಳ ಸ್ಥಿತಿ ಯಾರಿಂದಲೂ ಮರೆಯಲಾಗುವುದಿಲ್ಲ. ಪಾಕ್ ನಲ್ಲಿ ಹಿಂದೂಗಳ ಮೇಲೆ ಹಲ್ಲೆ, ದೌರ್ಜನ್ಯದ ಸುದ್ದಿಗಳು ಎಲ್ಲೆಡೆ ಹರಿದಾಡುತ್ತೆ. ಆದರೆ ಪಾಕಿಸ್ತಾನದಲ್ಲಿ ಹಿಂದೂ ಕುಟುಂಬವೊಂದು ರಾಜಕೀಯ ವಲಯದಲ್ಲಿ ಫೇಮಸ್ ಆಗಿದ್ದು, ಮುಸ್ಲಿಂ ಜನರನ್ನು ರಕ್ಷಿಸುತ್ತಾರೆ.
ಪಾಕಿಸ್ತಾನದಲ್ಲಿ ಇರಲಾಗದೆ ಹಲವು ಹಿಂದೂ ಕುಟುಂಬಗಳು ಭಾರತಕ್ಕೆ ವಲಸೆ ಬಂದ ಹಲವಾರು ಉದಾಹರಣೆಗಳಿವೆ. ಆದರೆ ಪಾಕಿಸ್ತಾನದ ಉಮರ್ಕೋಟ್ ರಾಜ್ಯದ ರಾಜ ಕರಣಿಸಿಂಗ್ ಕುಟುಂಬ ರಾಜಕೀಯದಲ್ಲಿ ಪ್ರಮುಖ ಸ್ಥಾನವನ್ನು ಹೊಂದಿದೆ. ಕರ್ಣಿಸಿಂಗ್ ಅವರಿಗೆ ಪಾಕಿಸ್ತಾನದಲ್ಲಿ ಒಳ್ಳೆಯ ಸ್ಥಾನ ಮತ್ತು ಬೆಂಬಲವಿದೆ. ಅಲ್ಲದೆ ಅವರು ಹೋದ ಕಡೆ ಅಂಗರಕ್ಷಕರನ್ನು ಆಯೋಜಿಸಲಾಗುತ್ತೆ. ಈ ಕುಟುಂಬ ಇಲ್ಲಿರುವ ಪ್ರತಿ ಮುಸ್ಲಿಂ ಕುಟುಂಬವನ್ನು ರಕ್ಷಿಸಲು ಅವರ ಎಲ್ಲ ಕಾನೂನುಗಳನ್ನು ಅನುಸರಿಸುತ್ತಾರೆ. ಇದನ್ನೂ ಓದಿ: ಮರ್ಸಿಡಿಸ್ ಬೆಂಜ್ ಗಿಫ್ಟ್ ಕೊಟ್ಟ ಬಾಸ್ – ಕಾರ್ ನೋಡಿ ಸಿಬ್ಬಂದಿ ಖುಷ್
ಅಕ್ಬರನ ಜನ್ಮಸ್ಥಳ ಉಮರ್ಕೋಟ್!
ಉಮರ್ಕೋಟ್ನ ಹಿಂದಿನ ಹೆಸರು ಅಮರಕೋಟ್. ಈ ರಾಜಪ್ರಭುತ್ವವು ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿದೆ. ಅಮರಕೋಟ್ ಮೊಘಲ್ ಚಕ್ರವರ್ತಿ ಅಕ್ಬರನ ಜನ್ಮಸ್ಥಳವೆಂದು ಪರಿಗಣಿಸಲಾಗಿದೆ. ಅಮರಕೋಟ್ ಮೊದಲು ಸಿಂಧ್ನ ರಾಜಧಾನಿಯಾಗಿತ್ತು. ಮಧ್ಯಕಾಲೀನ ಅವಧಿ 1947ರಲ್ಲಿ ಭಾರತ-ಪಾಕಿಸ್ತಾನ ವಿಭಜನೆಯಾದ ವೇಳೆ ಹಿಂದೂ ಬಹುಸಂಖ್ಯಾತ ಉಮರ್ಕೋಟ್ ಪಾಕಿಸ್ತಾನಕ್ಕೆ ಹೋದ ಏಕೈಕ ರಾಜಪ್ರಭುತ್ವದ ರಾಜ್ಯವಾಗಿತ್ತು.
ಪಾಕಿಸ್ತಾನದಲ್ಲಿ ಉಳಿಯಲು ನಿರ್ಧಾರ..!
ಮೊಘಲ್ ಸಾಮ್ರಾಜ್ಯ ಮತ್ತು ಬ್ರಿಟಿಷರ ಆಳ್ವಿಕೆಯಲ್ಲಿ ನಗರವು ಸಾಕಷ್ಟು ಪ್ರಾಮುಖ್ಯತೆಯನ್ನು ಪಡೆಯಿತು. ಉಮರ್ಕೋಟ್ನ ರಜಪೂತ ದೊರೆ ಶೇರ್ ಶಾ ಸೂರಿಯ ಕೈಯಲ್ಲಿ ಅಕ್ಬರನ ತಂದೆ ಹುಮಾಯೂನ್ ಸೋತಾಗ, ರಾಣಾ ರಾವ್ ಸಿಂಗ್ ಅವನಿಗೆ ಆಶ್ರಯ ನೀಡಿದನೆಂದು ನಂಬಲಾಗಿದೆ. ವಿಭಜನೆಯ ಸಮಯದಲ್ಲಿ, ಈ ರಾಜ್ಯ ರಾಜ ಪಾಕಿಸ್ತಾನದಲ್ಲೇ ಉಳಿಯಲು ನಿರ್ಧರಿಸಿದರು. ಇದನ್ನೂ ಓದಿ: ಕೊರೊನಾ ಮಾರ್ಗಸೂಚಿ ಹೋದ ಮೇಲೆ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ ಮಾಡ್ತೇವೆ: ಜೋಶಿ
ಪಾಕ್ ರಾಜಕೀಯದಲ್ಲಿ ಪ್ರಮುಖ ಸ್ಥಾನ..!
ಕರ್ಣಿಸಿಂಗ್ ಅವರ ಅಜ್ಜ ರಾಣಾ ಚಂದ್ರಸಿಂಗ್ ಅವರು ಪಾಕಿಸ್ತಾನ್ ಪೀಪಲ್ಸ್ ಪಾರ್ಟಿ(ಪಿಪಿಪಿ) ಸ್ಥಾಪಕರಲ್ಲಿ ಒಬ್ಬರು. ಅವರು ಪಾಕಿಸ್ತಾನದ ಮಾಜಿ ಪ್ರಧಾನಿ ಜುಲ್ಫಿಕರ್ ಅಲಿ ಭುಟ್ಟೊ ಅವರ ಆಪ್ತರಾಗಿದ್ದರು. ಅವರು ಬೆನಜೀರ್ ಭುಟ್ಟೋ ಅವರ ಸರ್ಕಾರದಲ್ಲಿ ಪ್ರಮುಖ ಸಚಿವ ಸ್ಥಾನಗಳನ್ನು ಸಹ ಹೊಂದಿದ್ದರು. ಅವರು ಉಮರ್ಕೋಟ್ ನಿಂದ ಪಾಕಿಸ್ತಾನದ ರಾಷ್ಟ್ರೀಯ ಅಸೆಂಬ್ಲಿಗೆ 7 ಬಾರಿ ಆಯ್ಕೆಯಾದರು. ಪಿಪಿಪಿ ಯಿಂದ ಬೇರ್ಪಟ್ಟ ನಂತರ, ರಾಣಾ ಚಂದ್ರಸಿಂಗ್ ಪಾಕಿಸ್ತಾನ್ ಹಿಂದೂ ಪಕ್ಷವನ್ನು (ಪಿಎಚ್ಪಿ) ಸ್ಥಾಪಿಸಿದರು.
