ಶಿಮ್ಲಾ: ನಾಲ್ಕು ದಿನದಲ್ಲಿ 40 ಕುರಿಗಳನ್ನು ಕೊಂದು ಹಾಕಿದ್ದ ಡೆಡ್ಲಿ ಹಿಮ ಚಿರತೆಯನ್ನು ಹಿಮಾಚಲ ಪ್ರದೇಶದಲ್ಲಿ ಸೆರೆಹಿಡಿಯಲಾಗಿದೆ.
ಹಿಮಾಚಲ ಪ್ರದೇಶದ ಲಾಹೌಲ್ ಮತ್ತು ಸ್ಪಿಟಿ ಜಿಲ್ಲೆಯಲ್ಲಿ ಕಳೆದ ನಾಲ್ಕು ದಿನಗಳಲ್ಲಿ 40ಕ್ಕೂ ಹೆಚ್ಚು ಕುರಿಗಳನ್ನು ಹಿಚ ಚಿರತೆ ಕೊಂದು ಆತಂಕ ಸೃಷ್ಟಿಸಿತ್ತು. ಇದೀಗ ಈ ಹಿಮ ಚಿರತೆಯನ್ನು ಸ್ಥಳೀಯರ ಸಹಾಯದಿಂದ ಅರಣ್ಯ ಇಲಾಖೆ ಸೆರೆಹಿಡಿದು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.
ಈ ವಿಚಾರವಾಗಿ ಮಾಹಿತಿ ನೀಡಿರುವ ಕಾಜಾ ವಿಭಾಗೀಯ ಅರಣ್ಯ ಅಧಿಕಾರಿ (ಡಿಎಫ್‍ಒ) ಹರ್ದೇವ್ ನೇಗಿ, ಸ್ಪಿಟಿಯ ಜಿಯು ಗ್ರಾಮದಲ್ಲಿ ಶನಿವಾರ ಹಿಮ ಚಿರತೆಯನ್ನು ಸೆರೆಹಿಡಿಯಲಾಗಿದೆ. ಈ ಹಿಮ ಚಿರತೆಯನ್ನು ಶಿಮ್ಲಾ ಜಿಲ್ಲೆಯ ಕುಫ್ರಿಯ ಹಿಮಾಲಯನ್ ನೇಚರ್ ಪಾರ್ಕ್‍ಗೆ ಕಳುಹಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
