– ಕೆಆರ್ ಎಸ್ ಭರ್ತಿಗೆ ಇನ್ನು 10 ಅಡಿ ಬಾಕಿ

ಬೆಂಗಳೂರು: ಕರಾವಳಿಯಲ್ಲಿ ಮುಂಗಾರಿನ ಅಬ್ಬರ ಕಡಿಮೆಯಾಗಿದೆ. ಆದ್ರೆ ಚಿಕ್ಕಮಗಳೂರು, ಶಿವಮೊಗ್ಗ ಮಡಿಕೇರಿಯಲ್ಲಿ ವರ್ಷಧಾರೆ ನಿರಂತರವಾಗಿದೆ.

ಇದರಿಂದ ಸಂಚಾರ ದುಸ್ತರವಾಗಿದೆ. ಹಲವು ಮನೆಗಳು ಕುಸಿದಿವೆ. ವಿದ್ಯುತ್ ಕೈಕೊಟ್ಟಿದೆ. ಹಲವು ಗ್ರಾಮಗಳ ಸಂಪರ್ಕ ಬಂದ್ ಆಗಿದೆ. ನದಿಗಳು ಅಪಾಯದ ಮಟ್ಟದಲ್ಲಿ ಹರಿಯುತ್ತಿವೆ. ಕೊಡಗು ಶಿವಮೊಗ್ಗದ ತೀರ್ಥಹಳ್ಳಿ, ಸಾಗರ, ಹೊಸನಗರ ತಾಲೂಕಿನಲ್ಲಿ ಭಾರಿ ಮಳೆಯಾಗ್ತಿದ್ದು, ಶಾಲಾ ಕಾಲೇಜುಗಳಿಗೆ ಇವತ್ತು ರಜೆ ನೀಡಲಾಗಿದೆ.

ಬೆಂಗಳೂರಲ್ಲಿ ರಾತ್ರಿಯಿಡಿ ಜಿಟಿಜಿಟಿ ಮಳೆಯಾಗಿದೆ. ಇನ್ನು 5 ದಿನ ರಾಜ್ಯದಲ್ಲಿ ಇದೇ ಪರಿಸ್ಥಿತಿ ಮುಂದುವರಿಯಲಿದೆ. ಇನ್ನು ಈ ಬಾರಿಯ ಮುಂಗಾರು ರೈತರ ಮೊಗದಲ್ಲಿ ಮಂದಹಾಸ ಮೂಡಿಸಿದೆ. ಮಗದೊಂದು ಸಂತಸ ಅಂದ್ರೆ ಸಾಮಾನ್ಯವಾಗಿ ಆಗಸ್ಟ್ ವೇಳೆಗೆ ಜಲಾಶಯಗಳು ಭರ್ತಿ ಆಗುತ್ತಿದ್ದವು. ಆದ್ರೆ, ತಿಂಗಳ ಮುಂಚೆಯೇ ಜುಲೈನಲ್ಲಿ ಬಹುತೇಕ ಡ್ಯಾಮ್‍ಗಳು ಭರ್ತಿಯಾಗಿವೆ.

ಕಾವೇರಿ ಕೊಳ್ಳದಲ್ಲಿ ಭಾರಿ ಮಳೆಯಿಂದಾಗಿ ಕೆಆರ್ ಎಸ್‍ಗೆ ಒಂದೇ ದಿನ 3ಅಡಿ ನೀರು ಬಂದಿದ್ದು, ಭರ್ತಿಗೆ 10 ಅಡಿ ಬಾಕಿಯಿದೆ. ಕಬಿನಿ ಡ್ಯಾಮ್‍ನಿಂದ 35 ಸಾವಿರ ಕ್ಯೂಸೆಕ್ ಅಂದ್ರೆ 2 ಟಿಎಂಸಿಗೂ ಅಧಿಕ ನೀರು ತಮಿಳುನಾಡಿಗೆ ಹರೀತಿದೆ.

ಇನ್ನು, ರಾಜ್ಯದ ಪ್ರಮುಖ ಡ್ಯಾಮ್‍ಗಳ ಇವತ್ತಿನ ನೀರಿನ ಮಟ್ಟ ಇಂತಿದೆ
ಕೆಆರ್ ಎಸ್
* ಸಂಗ್ರಹ ಸಾಮರ್ಥ್ಯ – 49.45 ಟಿಎಂಸಿ (124.80 ಅಡಿ)
* ಇಂದಿನ ಮಟ್ಟ – 35.937 ಟಿಎಂಸಿ ( 114.00 ಅಡಿ)
* ಒಳ ಹರಿವು – 34,757 ಕ್ಯೂಸೆಕ್
* ಹೊರ ಹರಿವು – 3,615 ಕ್ಯೂಸೆಕ್
( ಕಳೆದ ವರ್ಷ ಜುಲೈ ವೇಳೆಗೆ 76 ಅಡಿ ನೀರಿನ ಮಟ್ಟ, 5-6 ವರ್ಷಗಳ ಹಿಂದೆ 112 ರ ಆಸುಪಾಸಿನಲ್ಲಿತ್ತು)

ಹಾರಂಗಿ
* ಸಂಗ್ರಹ ಸಾಮರ್ಥ್ಯ – 8.5 ಟಿಎಂಸಿ (2859 ಅಡಿ)
* ಇಂದಿನ ಮಟ್ಟ – 7.8 ಟಿಎಂಸಿ (2856.79 ಅಡಿ)
* ಒಳ ಹರಿವು – 12,168 ಕ್ಯೂಸೆಕ್
* ಹೊರ ಹರಿವು – 13,406 ಕ್ಯೂಸೆಕ್

ಕಬಿನಿ
* ಸಂಗ್ರಹ ಸಾಮರ್ಥ್ಯ – 19.50 ಟಿಎಂಸಿ (2,284 ಅಡಿ)
* ಈಗಿನ ಮಟ್ಟ – 18.31 ಟಿಎಂಸಿ (2,282.14 ಅಡಿ)
* ಒಳ ಹರಿವು – 40,000 ಕ್ಯೂಸೆಕ್
* ಹೊರ ಹರಿವು – 40,000 ಕ್ಯೂಸೆಕ್

ಹೇಮಾವತಿ
* ಸಂಗ್ರಹ ಸಾಮರ್ಥ್ಯ – 37.103 ಟಿಎಂಸಿ (2922.00 ಅಡಿ)
* ಇಂದಿನ ಮಟ್ಟ – 27.12 ಟಿಎಂಸಿ (2910.58 ಅಡಿ)
* ಒಳಹರಿವು – 19,847 ಕ್ಯೂಸೆಕ್
* ಹೊರಹರಿವು – 2,350 ಕ್ಯೂಸೆಕ್

ತುಂಗಭದ್ರಾ
* ಸಂಗ್ರಹ ಸಾಮರ್ಥ್ಯ – 100 ಟಿಎಂಸಿ (1633 ಅಡಿ)
* ಇಂದಿನ ಮಟ್ಟ – 46.160 ಟಿಎಂಸಿ (1615.18 ಅಡಿ)
* ಒಳ ಹರಿವು – 38,052 ಕ್ಯೂಸೆಕ್
* ಹೊರ ಹರಿವು – 160 ಕ್ಯೂಸೆಕ್

ಆಲಮಟ್ಟಿ
* ಸಂಗ್ರಹ ಸಾಮರ್ಥ್ಯ – 123.081 ಟಿಎಂಸಿ (519.6 ಮೀ.)
* ಪ್ರಸುತ್ತ ಟಿಎಂಸಿ – 56.268 ಟಿಎಂಸಿ (514.20 ಮೀ.)
* ಒಳಹರಿವು – 52,897 ಕ್ಯೂಸೆಕ್
* ಹೊರಹರಿವು – 00 ಕ್ಯೂಸೆಕ್

ಲಿಂಗನಮಕ್ಕಿ
* ಸಂಗ್ರಹ ಸಾಮರ್ಥ್ಯ – 1,819 ಅಡಿ
* ಇಂದಿನ ಮಟ್ಟ – 1,781 ಅಡಿ
* ಒಳ ಹರಿವು – 41,547 ಕ್ಯೂಸೆಕ್
* ಹೊರ ಹರಿವು – 279 ಕ್ಯೂಸೆಕ್

ಭದ್ರಾ
* ಸಂಗ್ರಹ ಸಾಮರ್ಥ್ಯ – 186 ಅಡಿ
* ಇಂದಿನ ಮಟ್ಟ – 155 ಅಡಿ
* ಒಳ ಹರಿವು – 20,079 ಕ್ಯೂಸೆಕ್
* ಹೊರ ಹರಿವು – 230 ಕ್ಯೂಸೆಕ್

ತುಂಗಾ
* ಸಂಗ್ರಹ ಸಾಮರ್ಥ್ಯ – 588.24 ಮೀಟರ್
* ಇಂದಿನ ಮಟ್ಟ – 588 ಮೀಟರ್
* ಒಳ ಹರಿವು – 40,327 ಕ್ಯೂಸೆಕ್
* ಹೊರ ಹರಿವು – 38,871 ಕ್ಯೂಸೆಕ್

ಕ್ಯೂಸೆಕ್ ಮತ್ತು ಟಿಎಂಸಿ ಎಂದರೆ ಎಷ್ಟು?
ಕ್ಯೂಸೆಕ್ ಎಂಬುದು Cubic feet per Second ಹ್ರಸ್ವರೂಪ. ಪ್ರತಿ ಸೆಕೆಂಡಿಗೆ ಒಂದು ಘನ ಅಡಿ ನೀರು ಹರಿದರೆ ಅದು ಒಂದು ಕ್ಯೂಸೆಕ್ ನೀರು ಎಂದು ಕರೆಯಲ್ಪಡುತ್ತದೆ. ಒಂದು ಘನ ಅಡಿ ನೀರನ್ನು ಲೀಟರುಗಳಿಗೆ ಪರಿವರ್ತಿಸಿದರೆ ಸುಮಾರು 28.317 ಲೀಟರುಗಳಾಗುತ್ತವೆ. 11,524 ಕ್ಯೂಸೆಕ್ ನೀರು 24 ಗಂಟೆಯ ಕಾಲ ನಿರಂತರ ಹರಿದರೆ ಒಂದು ಟಿಎಂಸಿ ಎಂದು ಕರೆಯಲಾಗುತ್ತದೆ. 10 ಸಾವಿರ ಕ್ಯೂಸೆಕ್ ನೀರು 24 ಗಂಟೆ ನಿರಂತರ ಹರಿದರೆ 0.864 ಟಿಎಂಸಿ ಅಡಿ ಆಗುತ್ತದೆ. 35.87 ಅಡಿ ಅಳದಷ್ಟು ನೀರನ್ನು ಒಂದು ಚದರ ಮೈಲಿ ಪ್ರದೇಶದಲ್ಲಿ ಸಂಗ್ರಹಿಸಿದರೆ ಒಂದು ಟಿಎಂಸಿ ಅಡಿ ಆಗುತ್ತದೆ.