Connect with us

Latest

ಎಫ್‍ಐಆರ್ ದಾಖಲಿಸಲು ಹೋದ ಯುವಕನಿಗೆ ಸರ್ಪ್ರೈಸ್ ಕೊಟ್ಟ ಪೊಲೀಸರು

Published

on

ಮುಂಬೈ: ಬೆಂಗಳೂರು ಪೊಲೀಸರಂತೆಯೇ ಮುಂಬೈ ಪೊಲೀಸರು ಕೂಡ ಗಂಭೀರ ವಿಷಯಗಳ ಬಗ್ಗೆ ಟ್ವಿಟ್ಟರ್‍ನಲ್ಲಿ ಪೋಸ್ಟ್ ಮಾಡುತ್ತಾ ಜಾಗೃತಿ ಮೂಡಿಸ್ತಿರ್ತಾರೆ. ಅವರ ಇತ್ತೀಚಿನ ಟ್ವೀಟ್‍ವೊಂದು ಟ್ವಿಟ್ಟರಿಗರ ಮೆಚ್ಚುಗೆಗೆ ಪಾತ್ರವಾಗಿದೆ. ಮುಂಬೈ ಪೊಲೀಸರಿವರು ಚಿನ್ನದಂತಹ ಹೃದಯವುಳ್ಳವರು ಅಂತ ಜನ ಹಾಡಿಹೊಗಳಿದ್ದಾರೆ. ಕಾರಣ ಏನು ಅಂತ ಕೇಳಿದ್ರೆ ನೀವೂ ಇದಕ್ಕೆ ತಲೆಬಾಗಬಹುದೇನೋ.

ಇಲ್ಲಿನ ಸಾಕಿನಕಾ ಪೊಲೀಸ್ ಠಾಣೆಯಲ್ಲಿ ಅಧಿಕಾರಿಯೊಬ್ಬರು ವ್ಯಕ್ತಿಯ ಹುಟ್ಟುಹಬ್ಬ ಆಚರಿಸುತ್ತಿರೋ ಫೋಟೋವನ್ನ ಟ್ವಿಟ್ಟರ್‍ನಲ್ಲಿ ಹಂಚಿಕೊಳ್ಳಲಾಗಿದೆ. ಈ ಯುವಕ ದೂರು ದಾಖಲಿಸಲು ಪೊಲೀಸ್ ಠಾಣೆಗೆ ಹೋಗಿದ್ದರು. ಎಫ್‍ಐಆರ್ ದಾಖಲಿಸುವ ವೇಳೆ ಅಂದು ದೂರುದಾರ ಯುವಕನ ಹುಟ್ಟುಹಬ್ಬ ಎಂದು ಪೊಲೀಸರಿಗೆ ಗೊತ್ತಾಗಿತ್ತು. ಹೀಗಾಗಿ ದೂರು ದಾಖಲಿಸಿದ ನತರ ಎಲ್ಲರೂ ಸೇರಿ ಕೇಕ್ ಕಟ್ ಮಾಡಿಸಿ ಯುವಕನ ಹುಟ್ಟುಹಬ್ಬ ಆಚರಿಸಿದ್ದಾರೆ.

ಎಫ್‍ಐಆರ್‍ನಲ್ಲಿನ ಖಾಸಗಿ ವಿವರಗಳಿಂದಾಗಿ ದೂರುದಾರ ಅನೀಶ್ ಹುಟ್ಟುಹಬ್ಬ ಎಂದು ಗೊತ್ತಾಯಿತು. ಎಫ್‍ಐಆರ್ ನಂತರ ಕೇಕ್ ಕಟ್ ಮಾಡಿಸಲಾಯ್ತು ಎಂದು ಮುಂಬೈ ಪೋಲೀಸರು ಟ್ವೀಟ್ ಮಾಡಿ ಎರಡು ಫೋಟೋಗಳನ್ನ ಹಂಚಿಕೊಂಡಿದ್ದಾರೆ.

ಈ ಟ್ವೀಟ್‍ಗೆ ಈಗಾಗಲೇ 1600ಕ್ಕೂ ಹೆಚ್ಚು ಲೈಕ್ಸ್ ಸಿಕ್ಕಿದ್ದು, 300ಕ್ಕೂ ಹೆಚ್ಚು ಬಾರಿ ರೀಟ್ವೀಟ್ ಆಗಿದೆ. ಇದು ನಿಜಕ್ಕೂ ಅದ್ಭುತವಾದ ಕಾರ್ಯ ಎಂದು ಸಾಕಷ್ಟು ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *