ಬರಿಗೈಯಿಂದ ಮಂಜುಗಟ್ಟಿದ ನೀರಿಗೆ ಹೊಡೆದು ಮಹಿಳೆಯ ರಕ್ಷಣೆ: ವೈರಲ್ ವಿಡಿಯೋ

ಬೀಜಿಂಗ್: ಮಂಜುಗಟ್ಟಿದ ನೀರಿನಲ್ಲಿ ಸಿಲುಕಿದ್ದ ಮಹಿಳೆಯನ್ನು ವ್ಯಕ್ತಿಯೊಬ್ಬರು ಚೀನಾದಲ್ಲಿ ರಕ್ಷಿಸಿದ್ದು ವಿಡಿಯೋ ವೈರಲ್ ಆಗಿದೆ.

ಮಂಗಳವಾರ ಬೆಳಗ್ಗೆ ಉತ್ತರ ಚೀನಾದ ಹೆಬೈ ಪ್ರಾಂತ್ಯದಲ್ಲಿ ನಲ್ಲಿ ಈ ಘಟನೆ ನಡೆದಿದ್ದು, 54 ವರ್ಷದ ಶೀ ಲೀ ಎಂಬವರು ನದಿಗೆ ಜಾರಿ ಬಿದಿದ್ದಾರೆ. ಆಗ ಅಲ್ಲಿಂದಲ್ಲೇ ಹೋಗುತ್ತಿದ್ದ ವ್ಯಕ್ತಿ ತಕ್ಷಣ ತನ್ನ ವಾಹನವನ್ನು ನಿಲ್ಲಿಸಿ ಮಹಿಳೆಯನ್ನು ರಕ್ಷಿಸಲು ಮುಂದಾಗಿದ್ದಾರೆ.

ವ್ಯಕ್ತಿ ಬರಿಗೈಯಲ್ಲಿ ಮಂಜುಗಡ್ಡೆಯನ್ನು ಹೊಡೆದು ಮಹಿಳೆಯನ್ನು ರಕ್ಷಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಈಗ ವೈರಲ್ ಆಗಿದೆ. ಅಲ್ಲಿ ಮತ್ತೊಬ್ಬ ವ್ಯಕ್ತಿ ಅವರಿಬ್ಬರನ್ನು ಹಿಡಿದು ನಿಂತಿದ್ದರು.

ನೀರು ತುಂಬಾನೇ ಹೆಪ್ಪುಗಟ್ಟಿತ್ತು, ನನಗೆ ಬೇರೆ ವಿಷಯ ತಿಳಿಯುತ್ತಿರಲಿಲ್ಲ. ನಂತರ ಮನೆಗೆ ಹೋದ ಮೇಲೆ ಶುಂಠಿ ನೀರು ಕುಡಿದು ನಂತರ ನಾನು ಕೆಲಸಕ್ಕೆ ಹೋದೆ ಎಂದು ಮಹಿಳೆ ಶೀ ಲೀ ತಿಳಿಸಿದ್ದಾರೆ.