ಗ್ರಾಮ ಪಂಚಾಯತಿ ಸಹಯೋಗದೊಂದಿಗೆ ಯುವಕರ ಸ್ವಚ್ಛತಾ ಆಂದೋಲನ

ಹಾವೇರಿ: ಗ್ರಾಮದ ನೈರ್ಮಲ್ಯ ಹಾಗೂ ಸ್ವಚ್ಛತೆ ಬಹಳ ಪ್ರಮುಖ ಪಾತ್ರವಹಿಸುತ್ತದೆ. ಹಾಗಾಗಿ ಹಾವೇರಿ ತಾಲೂಕು ಬೆಳವಿಗಿ ಗ್ರಾಮದಲ್ಲಿ ಯುವಕರ ತಂಡ ಹಾಗೂ ಕರವೇ ಕಾರ್ಯಕರ್ತರು ಸೇರಿದಂತೆ ಗ್ರಾಮ ಪಂಚಾಯತಿ ಸಿಬ್ಬಂದಿ ಸ್ವಚ್ಛತಾ ಆಂದೋಲನ ನಡೆಸಿದರು.

ಯುವಶಕ್ತಿಯ ಪಡೆಯನ್ನ ಕಟ್ಟಿಕೊಂಡು ಗ್ರಾಮದ ಪ್ರಮುಖ ರಸ್ತೆಗಳ ಸ್ವಚ್ಛತಾ ಕಾರ್ಯ ಹಾಗೂ ಸುಮಾರು ದಿನಗಳಿಂದ ತುಂಬಿ ನಿಂತಿರುವ ಚರಂಡಿಗಳನ್ನು ಕ್ಲೀನ್ ಮಾಡುವ ಕಾರ್ಯ ಮಾಡಿದರು. ಗ್ರಾಮದ ಶಾಲಾ ಆವರಣದ ಸುತ್ತಮುತ್ತಲು. ಬಸ್ ನಿಲ್ದಾಣದ ಬಳಿ ಹಾಗೂ ಗ್ರಾಮಕ್ಕೆ ಬರುವ ಪ್ರಮುಖ ರಸ್ತೆಯನ್ನು ಗ್ರಾಮ ಪಂಚಾಯತಿ ಸಿಬ್ಬಂದಿ ಸೇರಿದಂತೆ ಹಲವು 20 ಕ್ಕೂ ಅಧಿಕ ಗ್ರಾಮದ ಯುವಕರ ತಂಡ ಸ್ವಚ್ಛತಾ ಅಭಿಯಾನ ಮಾಡಿದರು.

ಗ್ರಾಮದ ಹೊರಗೆ ಇರೋ ರಸ್ತೆಯಲ್ಲಿ ಬರ್ಹಿದೆಸೆ ಹೋಗುವುದನ್ನ ನಿಲ್ಲಿಸಿ, ಮನೆಗೆ ಒಂದು ಶೌಚಾಲಯ ನಿರ್ಮಾಣ ಮಾಡಿಕೊಳ್ಳಿ, ಯಾವುದೇ ರೋಗ ರುಜಿನಗಳು ಬರೋದಿಲ್ಲ. ಬೆಳವಿಗಿ ಗ್ರಾಮವನ್ನ ಮುಂದಿನ ದಿನಗಳಲ್ಲಿ ಸ್ವಚ್ಛ ಸುಂದರ ಗ್ರಾಮವನ್ನಾಗಿ ಮಾಡುವ ಗುರಿಯನ್ನು ಯುವಕರ ತಂಡ ಹೊಂದಿದೆ. ಈ ತಂಡದ ಕಾರ್ಯಕ್ಕೆ ಗ್ರಾಮಸ್ಥರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.