ಬೆಂಗಳೂರು: ರಾಜಧಾನಿಯ ಪ್ರಮುಖ ಚಿತಾಗಾರವಾಗಿರುವ ಹರಿಶ್ಚಂದ್ರ ಘಾಟ್ ಅನ್ನು ಮುಂದಿನ 60 ದಿನಗಳವರೆಗೆ ಬಂದ್ ಮಾಡುವುದಾಗಿ ಬಿಬಿಎಂಪಿ ಮಾಹಿತಿ ನೀಡಿದೆ.
ನಗರದ ಹಳೆಯ ಹಾಗೂ ಪ್ರಮುಖ ರುದ್ರಭೂಮಿಯಂದೇ ಹರಿಶ್ಚಂದ್ರ ಘಾಟ್ ಪ್ರಖ್ಯಾತಿ ಪಡೆದಿದೆ. ಈ ಚಿತಾಗಾರದಲ್ಲಿರುವ ವಿದ್ಯುತ್ ಚಿತಗಾರದ ಫರ್ನೇಸ್ ಗಳನ್ನು ಮೇಲ್ಧರ್ಜೆಗೇರಿಸುವ ಉದ್ದೇಶದಿಂದ ಬಿಬಿಎಂಪಿ ಬರೊಬ್ಬರಿ 60 ದಿನಗಳ ವರೆಗೆ ಚಿತಾಗಾರವನ್ನು ಬಂದ್ ಮಾಡಲಿದೆ.
ಬಿಬಿಎಂಪಿ ಮಾಹಿತಿಗಳ ಪ್ರಕಾರ ಮಂಗಳವಾರದಿಂದ ಫೆಬ್ರವರಿ 18 ರವರೆಗೂ ಹರಿಶ್ಚಂದ್ರ ಘಾಟ್ ಸ್ಥಗಿತವಾಗಿರಲಿದೆ. ಈ ನೂತನ ಕಾಮಗಾರಿ ಪೂರ್ಣಗೊಂಡ ಬಳಿಕ ಶವಸಂಸ್ಕಾರಕ್ಕೆಂದು ಬರುವ ಜನ ಗಂಟೆ ಗಟ್ಟಲೇ ಕಾಯುವ ಅವಶ್ಯಕತೆ ಇರುವುದಿಲ್ಲವೆಂದು ಹೇಳಲಾಗುತ್ತಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
